مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سوق السيارات المصرية (https://www.masrmotors.com/vb/forumdisplay.php?f=147)
-   -   انا نازلة السوق الجمعة الجاية تشوروا عليا ب أية ؟ (https://www.masrmotors.com/vb/showthread.php?t=103068)

ام يزيد 20-11-2012 06:42 PM
انا نازلة السوق الجمعة الجاية تشوروا عليا ب أية ؟
 
السلام عليكم
يجماعة انا ماليش غيركم بصراحة
تنصحوني وتدلوني
انا نازلة السوق يوم الجمعة وعمري مارحت قبل كدة واكيد معايا ناس بتفهم

بس عاوزة اعرف اية هبا طبيعة السوق واخلي بالي من اية واعمل اية مثلا لو عجبتني عربية واعربن عليها ازاي يعني تقولولي من الاخر اية اللي مفروض اعملة
لعل وعسي الاقي حاجة لقطة
وبلاها حكاية التقسيط و9 ونص فايدة العربية ام 111 الف لاقيتها هتخشلها في 150 الف دة غير كدة اني لو دفعت فلوس زيادة هدفع غرامة سداد مبكر الحتة دي بقي اللي حرقت دمي
فسألت نفسي لية ماروحش السوق واتفرج يمكن ؟

tamer.koko 20-11-2012 06:52 PM
رد: انا نازلة السوق الجمعة الجاية تشوروا عليا ب أية ؟
 
اول مره اسمع في حياتي عن حلجه لسمها غرلمه سدلد مبكر واشك في كده
ثانيا حضرتك مقولتيش معاكي كام عشان نقدر:un_36_3ر نحدد ونساعد حضرتك في الاختيار الافضل

porosski 20-11-2012 07:00 PM
رد: انا نازلة السوق الجمعة الجاية تشوروا عليا ب أية ؟
 
اقتباس:
المشاركة الأصلية كتبت بواسطة tamer.koko (المشاركة 801193)
اول مره اسمع في حياتي عن حلجه لسمها غرلمه سدلد مبكر واشك في كده
ثانيا حضرتك مقولتيش معاكي كام عشان نقدر:un_36_3ر نحدد ونساعد حضرتك في الاختيار الافضل
موضوع الغرامة بتاعة السداد المبكر ديه صح حضرتك ابقى اسال اكتر وهتتأكد ان شاء الله

ام يزيد 20-11-2012 07:05 PM
رد: انا نازلة السوق الجمعة الجاية تشوروا عليا ب أية ؟
 
اقتباس:
المشاركة الأصلية كتبت بواسطة tamer.koko (المشاركة 801193)
اول مره اسمع في حياتي عن حلجه لسمها غرلمه سدلد مبكر واشك في كده
ثانيا حضرتك مقولتيش معاكي كام عشان نقدر:un_36_3ر نحدد ونساعد حضرتك في الاختيار الافضل
ايوة يافندم يعني انا لو مثلا جيت وحبيت ادفع 5 الاف ج للبنك من اللي عليا هيدفعوني عليهم 3% من المبلغ غرامة سداد مبكر دة اللي قالهولي البنك في التليفون فقولتله يجماعة لية قالي يعني البنك بيقسط معاكي عشان ياخد الفايدة كمكسب لية وتيجي انتي تسددي البنك بأة هيستفاد اية ؟ فبيقللك الفايدة ويخليهم بدل 9 ونص 3 بس
المهم
انا معايا 60 الف ج

واتعرض عليا حجات كتير اللي بصراحة تستخسر تدفع فية حتي 30 الف وبتتعرض علي 60 و 70 الف واللي حلوة ومعروضة علي 80 و 85 الف ودة بالنسبة للمستعمل كتييير اوي
بس جة واحد زميلي امبارح قالي لية متجبيش نيو اكسنت او ياريس من السوق في حدود 60 او 65 الف

فقلت ممكن اروح واشوف
وربنا يعطرني في حاجة كويسة

mr_astra 20-11-2012 07:05 PM
رد: انا نازلة السوق الجمعة الجاية تشوروا عليا ب أية ؟
 
غرامة السداد المبكر حوالى 2% ومعمول بيها فى معظم البنوك او فى حالات الائتمان

ezzat2002mo 20-11-2012 09:39 PM
رد: انا نازلة السوق الجمعة الجاية تشوروا عليا ب أية ؟
 
حضرتك تحددى الاول انتى عاوزة ايه من العربيه حجم وشكل وقوة وسعر قطع الغيار وسهوله البيع والتعامل مع التوكيل ولا لا وبعدين نقدر نحدد لان الاختيارات كتير جدا

ahmed_eng2001 20-11-2012 09:47 PM
رد: انا نازلة السوق الجمعة الجاية تشوروا عليا ب أية ؟
 
نصيحتى المتواضعة لسوق السيارات

حضرتك تروحى تتفرجى و تشوفى علشان تتعلمى .... متعمليش حسابك فى الشراء
للأسف تجار السيارات مسيطرين على اغلب السوق و ليهم طرق و اساليب غريبة فى استبعاد السيارات الكويسة و بيعها لحسابهم ... او تطفيش الزباين من العربيات الى هم عاوزينها ... و ان كان احيانا بتكون فيه حاجات كويسة ... بس دى قليلة جدا

نصيحة تانية .... لو الناس قالوا لحضرتك ان سعر للياريس بـ 60 الف مثلا .... لما تتفرجى على عربيات سوف تجدى ان العربيات الجيدة .. سعرها بيزيد شوية عن كدة
فحضرتك لازم توطى سقف السعر شوية عن الفلوس الى معاكى
و تقبلوا مرورى


الساعة الآن 03:51 PM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017