الوقايه خير من العلاج
 

السلام عليكم
دلوقتي يا جماعه كلنا عارفين ان فتايس الاتوماتك في الكوري وبالتحديد النوبيرا معروف بقله كفاءه
طب دلوقتي في ملاك كتير للعربيه وتلاقي اللي الفتيس عملها معاه واللي ربنا ساترها معاه طب انا دلوقتي اعرف ازاي ان الفتيس مش مظبوط او عايز يتلحق وايه هيه الاجراءات اللي تتعمل لاطاله عمره سواء صيانه او طريقه سواقه وعايزين نعرف من الناس اللي حصل معاه مشكله فيه بدات ازاي وحصل ايه وكان اسلوبهف السواقه ازاي ولو اني اعتقد كلنا بنسوق بنفس الاسلوب لان في مصر اللي بيحكم الطريق مش العربيه
ياريت نشوف مشاركاتكو بقي :THUMBS~220:

رد: الوقايه خير من العلاج
 

فلتر الفتيس للنوبيرا بـ 70 جنية

لو كل مدة مثلا 6 شهور نغير فلتر الفتيس وننضف المصفاه وطبعا نغير الزيت اعتقد ان الفتيس كدة هايعيش

رد: الوقايه خير من العلاج
 

بضم صوتي لصوتك وفعلا ده الصح وعلي حسب الاستهلاك برده وبجد كتر خير دايو انهم حاطين مقاس للزيت في عربيات تانيه كان معايا جولف 2001 مكنش فيها مقاس

رد: الوقايه خير من العلاج
 

رد: الوقايه خير من العلاج
 

طب بالمناسبه ايه افضل نوع زيت لاني مغيرتوش قبل كده وهل في جوان بنجيبه لما بنفك الكرتيره والفلتر نوعه ايه وكام كيلو زيت وشكرا

رد: الوقايه خير من العلاج
 

وكمان القرص والفرك
والحرق علي الغيارت يقصف عمر الفتيس بدري بدري

رد: الوقايه خير من العلاج
 

اولا تعرف منين ان الفتيس وحش
1- سحب العربية اضعف من الطبيعي
2- النقلات متأخرة جدا او بدري جدا
3- خبطة من تحت تحسها وخصوصا عند الرجوع او في النقلات
4- زيت الفتيس غامق ومليان تراب اللون الطبيعي احمر اغمق من لون الدم

بالنسبة لأطالة العمر
الصيانة ثم الصيانة يعني زي ما قالو الشباب كل 15 الف غيار ونظافة و لو فتيس كهربا اعمل ريسيت وسوفت جديد اذا امكن
في الزحمة وكل ما تقف لفترة هات العصاية علي الN وعلي فكرة ترجع علي الD بدون ضغط زرار وريح فراملك ومكنتك وفتيسك من العادة الخاطئة تشعير الفرامل

بالنسبة للكيك داون اعملة عادي ولكن بحدود مش عمال علي بطال بمعني انت عاوز تشد و الطريق مفتوح اية المانع لكن انت جوة البلد وبتاخد غرز وكل شوية السرعة فوق لا السرعة تحت مفيش داعي أنت بتجيب اجل الفتيس

اسواء حركة في التاريخ تضر الفتيس انك ترجع بسرعة وانت راجع تجيب العصاية علي الD وتدوس بنزين علشان تسمع الأمريكاني دي طبعا كبالن و فتيس و كاوتش كل سنة وانت طيب
خليك هادي علي العربية

حط في اعتبارك ان احسن فتيس اوتو في العالم مبيخرجش اكتر من 70 % من قوة الموتور علي عكس المانيوال يخرج 100%
و علشان كدة عملو سيارات الAWD علشان يوز الحمل 70% علي العجل الخلفي و 30% علي العجل الأمامي
لكن في الدايو فقط 65% امامي و خلفي 0%