لمحترفي قيادة السيارات الاوتوماتيك فقط
 

ربنا لك الحمد
رزقني الله بسيارة كيا سيفيا 99 اوتو
وكنت قبلها راكب ابيزا 94 مانيوال
وانا ليس لدي أدنى فكرة عن قيادة السيارات الاوتو
والسيارة طبعا مستعملة واشعر ببعض الملاحظات عليها
ولكني لا استطيع معرفة هل هو عيب "قيادة" أم عيب "سيارة"
فاريد تلافي ان يكون العيب عيب "قيادة"
حتى استطيع الحكم على حالة السيارة وتحديد اعطالها واصلاحها

اريد من المحترفين ايصالي لدرجة المحترفين في قيادة الاوتو
مع العلم اني قرات مواضيع كثيرة سواء في منتداكم او منتديات اخرى
أو مواقع ولم اجد فيها ما اريد

ومقدما لكم جزيل الشكر

رد: لمحترفي قيادة السيارات الاوتوماتيك فقط
 

اولا ان عايز اعرف ايه العيب بالضبط اللي انتا ملاحظه في العربية ؟؟؟؟
وعموما الفتيس الاوتو بيبقا فيه P & R & N &D
الـP لما تكون ركنت العربية
الـR دا وضع المارشدير (لما تكون عايز ترجع ورا )
الـN عامل زي وضع المور في المانيوال
الـD دا لما تكون هتمشي بالعربية
ولازم لما تكون بتنقل بين الاوضاع دي انك تكون ضاغط على الفرامل والزرار اللي في عصاية الفتيس
وفي شوية ملاحظات لازم تهتم بيها
1/ لما تنقل الفتيس من اي وضع للـR لازم العربية تكون واقفة تماما
2/ لما تكون واقف في زحمة او في البنزينة حرك عصاية الفتيس للـN
واي استفسار انا تحت امرك

رد: لمحترفي قيادة السيارات الاوتوماتيك فقط
 

ألف مبروك :THUMBS~220::THUMBS~220:: THUMBS~220:

رد: لمحترفي قيادة السيارات الاوتوماتيك فقط
 

الف شكر شريف بك
وhal71
وكل الاعضاء الكرام
ولكن اسمحولي
انا مش عاوز اعرف ان الـD بيمشي العربية
والـR بيرجعها والحاجات دي
ببساطة شديدة جدا لاني عارفها
بس اللي مش عارفع وعاوز اعرفه منكم
هو ازاي ابقى شاطر في سواقة الاوتو
بس كده

رد: لمحترفي قيادة السيارات الاوتوماتيك فقط
 

انا مش فاهم اوى برضة بصراحة
بس لو العربية غيارتها بتتاخر ممكن تعالجها برجلك
تدوس بنزين ولما توصل سرعتها لسرعة التانى وما نقلتش تشيل رجلك خفيف وتدوس تانى هتلاقيها نقلت الغاير اللى بعدة
وبعدين مش لازم تدوس على الزرار من n الى d الزرار فى الـ r فقط

رد: لمحترفي قيادة السيارات الاوتوماتيك فقط
 

بص ببساطه الاوتو من اسمه اوتوماتيك يعني ..ألي.. يعني مفيهوش شطارة تحط عصا الفتيس على p r n d اللي انت عايزه و شيل رجللك من الفرامل ببطء , بسرعه زي ما حضرتك عايز عادي العربيه مبتنطرش و لا حاجه يعني راحة بال مفيش لا احتراف ولا حاجه :01FDAB~189:

لكن امتى نقول احتراااااف الاوتو؟!!لما تكون عربيتك مجهزة بأوبشن عاليه جدا زي الفورد اكسبلولر 2007 اللي كانت معايا في السعوديه,العربيه كان فيها نظام الover ride و نظام rsc و نظام esc
في طريقه تخليك تحول السيارة الى ورقه طايرة ريشه عن طريق تفعيل بعض الانظمه و الغاء الاخرى تلاقي العربيه بقت ريشه معاك رغم انها 1800 كجم يعني 2 طن تقريبا و بالعوده لتغير الانظمه تجعل السيارة ثقيله جدا من اجل خالات الطرق التي تحتاج ثبات عالي و طبعا الكلام ده كله عمره ما حيبقى موجود في الكيا بتاعت حضرتك:sd: ولا حتى انا حشوفه تاني الا اذا ربنى كرمني و رجعت السعوديه:090104~384::sd:

رد: لمحترفي قيادة السيارات الاوتوماتيك فقط
 

الى محمود بك عبد المقصود وكل أعضاء المنتدى الكرام
انا كان فيه واحد معرفه وصلني مشوار بالعربية
قبل لما اركب فيها التجهيزة بتاعة القيادة اليدوية
وكان ماشي بيها من غير ما احس انها اوتو كنت حاسس انها مانيوال
يعني تجميع تمام
يعني طلوع من حد وحرق تمام
يعني بيجري وقت ما هو عاوز
مش وقت ما العربية عاوزة
المشكلة ان المعرفة ده راجل مشغول جدا
وصعب ضبط ميعاد معه لتعليمي
وكنت اتمنى ان اجد عندكم ما اريد
وشكرا