ايه رايكم في 124 سبور بالتعديلات دي؟ اشتري ولا؟
 

السلام عليكم اولا
انا سمير جديد في المنتدي اتمني استفيد و افيد لو هقدر
المهم مطولش عليكم قدامي 124 سبورت
حاله العربيه مقبوله كصاج
موتور131 1600
فتيس 131 5 غيار
كارونه لادا سريعه
هل دي تساوي كام و هل تنصحوني اشتري ولا لا
الراجل بتاع المعرض بيقول 6500 جنيه و انا اجيب بطاريه و اظبط الصالون

منتظر الرد و الي هسمعه من هنا هروح اشتي بيه و شكرااااااااااا

رد: ايه رايكم في 124 سبور بالتعديلات دي؟ اشتري ولا؟
 

يعني مفيش هنا اي حد يعرف اي حاجه عن العربيه دي خاااااااااااالص؟ طيب صورتها في التوقيع الي يعرف يفيدني

رد: ايه رايكم في 124 سبور بالتعديلات دي؟ اشتري ولا؟
 

فين الصورة؟؟؟:THE_PR~18::THE_ PR~18:

رد: ايه رايكم في 124 سبور بالتعديلات دي؟ اشتري ولا؟
 

أهم حاجة ماتبقاش مكسرة من تحت
وراجع على العفشة والصاج
وبص فى الصالون من جوا والقوايم
لو كانت سليمة مكانش باعها بالسعر ده
وحاول تشوف سمكرى يشوفهالك
موضوع الموتور ده برضو لازم تشوف حالته
آلات الجر برضو مهمه جدا
وشوف المخالفات اللى عليها

لو العربية دى تمام من كل الحاجات اللى راجعناها فوق دى
يبقى توكل على الله
مكنة ال131 لوحدها تمنها فى السوق 4000 جنيه

رد: ايه رايكم في 124 سبور بالتعديلات دي؟ اشتري ولا؟
 

انا في منتهي السعاده ان حد رد عليا اخيرا - انا هكتب كل الحاجات دي و انا المفروض بكره هدفع 4 و يوم الحد هدفع الباقي ياريت بقي لو تقولي هل انا هعرف اتعايش مع العربيه دي؟ هي اول عربيه ليا انا لوحدي يعني هتبقي مصاريفها و حاجتها من معايا انا و هل ليها قطع غيار؟ مثلا اكصدامات عايز اتنين انا و تابلوه و خلافه

رد: ايه رايكم في 124 سبور بالتعديلات دي؟ اشتري ولا؟
 

رد: ايه رايكم في 124 سبور بالتعديلات دي؟ اشتري ولا؟
 

طيب يا جماعه انا استنيت البيه السمكري ساعتين لحد ما جالي راجل عجوز و بطيء و شل الي خلفوني معاه و كنت سارق كمان عربيه ابويا اوصله بيها بحكم ان الراجل خبره علي حد قول اصحابي الي بيتعاملو معاه و شل الي خلفوني لحد ما وصل
في النهايه لف حواليها كده و قالي - وقفتها وحشه مش عدله -
ولا فهمت حاجه حط ايده من علي برواز الازاز الامامي و قالي - القايم ده فيه شغل و مش (سرح)
بعدين عمل حركه في منتهي الغباء لدرجه اني حسيت ان صاحب المعرض هيضربنا
السمكري حط مفتاح عربيته من ورا الجوان الجلد بتاع الازاز الي راكب علي القايم و مشي المفتاح من فوق لتحت و قالي- يلا نمشي مفيش داعي ننزل تحتها و اوسخ هدومي دي عربيه كلبه
انا بجد كنت عايز اكله قلمين افوقه - بس هو بقي شرحلي ان مفتاح الي حطه ورا الازاز ده كان بيدور بيه عله اثر لحام من الداخل لانه مش هيبان من الخارج بعد السمكره و الدزكر و الرش و خلافه
عمووما كتر الف خيره ضيع احلامي بس خيرها في غيرها و عموما انا بدور علي 128 علي حسب نصيحته او بيجو مش فاكر اسم موديلها كام 203 او 305 او اي تلات ارقام مش فاكر المهم انها يعني حاجه في حدود امكانياتي و كويسه و احسن من - كوم الخره الاحمر الي عايز تشتريه ده- علي حد قووووووووووووووله
مشكورين جميع من حاول مساعدتي
و الي يعرف 128 كويسه او اي حاجه في حدود 8 يقولي و ياريت لو في اسماعيليه و انا نازل السوق يوم الجمممممممممممعه
مشكورين مره تانيه