غموض يحوم حول ابوالفتوح .. بخصوص ال M11
 

بعد حيرة طويلة ومقارنات ووجع دماغ وافكر في المستعمل شوية وبعدين اخاف ارجع افكر في الجديد افكر في الفيرنا وشوية وارجع لل M11 شوية وناس تقولي سيبك من الصيني افكر في اللانوس شوية وارجع تاني لل M11 شوية وافكر في البريليانس FSV واحجزها والناس تخوفني من التوكيل وقطع الغيار ارجع تاني لل M11 واخيرا اقرر اني اروح احجزها وقرار نهائي بجد وعن اقتناع

الاقي توكيل ابو الفتوح بيقول العربية مش موجودة ولا هي ولا ال M12 ,وعلى اول السنة 2013 هانعرف موقفها ايه ... واللي هايجنني انها مش موجودة عند اي موزع نهائي .. وفي موزع قالي انه هايستلم دفعه موديل 2013 يوم 11/11/2012 قولت ماشي اخدها منه رغم انه مغلي سعرها
اجي اكلمه في اليوم اللي قالي عليه يقولي العربية مش موجودة حضرتك هاتحجزها واحنا هانجيبهالك ومزود في سعرها اكتر

ياترى
خلاص ال M11 انتهت في مصر ولا ابو الفتوح ناوي يفاجئنا بحاجة جديدة ولا ناوي يصفي ويخلع من البلد ولا في ايه حد يفهمني في ايه بالظبط

ياريت لو في حد من التوكيل يفهمنا

رد: غموض يحوم حول ابوالفتوح .. بخصوص ال M11
 

في ناس بتشتكي من ابو الفتوح في الفترة الاخيرة و غالبا بيتوقعوا ناه يصفي و يخلع طبعا لأن الصيني عربيات ورق و سيئه للغايه و مش اعتماديه خالص و الاماااان فيها ضايع احسن لك اشتري بالسعر دهع لوجان اوتوماتيك او بروتون ساجا اوتوماتيك 2012 و الاتنين فيهم ايرباج واحد و بالتوفيق:Wkiss5:

رد: غموض يحوم حول ابوالفتوح .. بخصوص ال M11
 

يا سيدى الفاضل انا حاجز M11 من اخر سبتمبر على أساس انى استلم بعدها بأسبوع لكن طبعا ماحصلش و لفيت و دورت كتير على كل فروع ابو الفتوح و كمان الموزعين.
ده انا وصلت لنمرة المصنع كمان الى هى تعتبر من الأسرار.
فى الأخر وصلت لمعلومه ان كل انتاج المصنع من M11 و M12 حيتم تصديره بالكامل لغاية اخر السنه علشان كده اختفى من السوق خالص و لو الى اشترى منهم العربيات دى بره مصر قدر يصرفها كلها فى الأغلب حيكمل شراهم بعد كده كمان.
المصنع شغال و زى الفل و لا حيهرب بره مصر و لا حاجه لو عايز تيجو او A113 أو 516 موجودين و متوفرين لكن العين بقى على الحلوين M11 و M12.
علشان كده انا وفرت على نفسى و روحت حجزت Gelly Emgrand الجديده بعد ما اقتنعت بيها.
و ربنا يوفقك:THUMB_~112::THUMB_~ 112::ff5a34af6efef0e643e

رد: غموض يحوم حول ابوالفتوح .. بخصوص ال M11
 

تصدق والله كلامك صح بدليل ان ابو الفتوح بياع اكتر من 40 الف عربيه اسبرنزا والتيجو مركز اول مبيعات فى فئه SUV وغبور راح اتعاقد مع شركه جيلى الصينيه لانتاج عربيه فى مصر اللى خدت 4 نجوم فى اختبار الامان الاوربى واشترت شركه فولفو السويديه .............. والله ضحكتنى فعلا العربيات الصينى دى وحشه اوى اوى

رد: غموض يحوم حول ابوالفتوح .. بخصوص ال M11
 

شكرا جدا لمرورك
بس معلومة التصدير دي انت متأكد منها؟

طب ايه حكاية الموزعين اللي بيقولوا نسلمك العربية خلال اسبوع عشان في دفعة جديدة هايستلموها

ولو فعلا ابو الفتوح ناوي يصدر كان الموضوع ده اتنشر في وسائل الاعلام
وبرده ماكانش يقفلها كده على الموزعين والعملاء اللي عايزين يحجزوا عنده

بالنسبة ال gelly Emgrand سعرها كام وحجزتها فين وهاتستلمها امتى عشان انا ممكن افكر فيها

رد: غموض يحوم حول ابوالفتوح .. بخصوص ال M11
 

أهلا بيك يا أستاذ / إمبابى
أنا حجزت الجيلى من معرض غبور بتاع جيلى الى فى شارع أحمد عرابى الى فى المهندسين و هى تمنها 75900 جنيه و انشاء الله حاستلم فى يناير على كلامهم فى المعرض.
و النهارده الصبح اتصلت بيهم علشان واحد صاحبى عايز يحجز قالولى ان حجز يناير خلص و هما دلوقتى شغالين فى حجز فبراير و ده معناه ان هما بيقفلوا حجز الشهر فى حوالى اسبوع او 10 أيام بالكتير و برضه قالى الى فى المعرض ان فيه ناس استلمت العربيه فعلا الى هما حاجزين من الأول.:ff5a34af6efef0e643e

رد: غموض يحوم حول ابوالفتوح .. بخصوص ال M11
 

هروب ايه ياجماعه مش عارف الناس دى بتتكلم على اساس ايه يهرب ازاى بعد كميه انتشار هذه العربيات الاسبرانزا فى مصر بجد كلام يضحك طيب اتكلم على ماركه مفيش لها انتشار ساعتها نقول الوكيل خلع