صوت فى الماتور مش قادر احدد ماتور ولا جير بوكس
 

الحكايه انى من يومين كنت ماشى امام دريم لاند فى طريق 6 اكتوبر حسيت ان فى حاجه مش مظبوطه فى صوت خشونه كدا الصوت متغير مش عارف من ايه نزلت فتحت حوض الماتور لقيت الصوت عادى ركبت ومشيت الصوت ظهر تانى بيزيد مع المشى قلت يمكن مشكله فى الفتيس هوا فيه حدافه كدا فى الفتيس بتتحرك حركتين لفوق ولتحت دى مكانها بالظبط لما افتح الكبوت فى الجزء الرابط بين الفتيس والماتور فى نص العربيه بالظبط لما كنت الاقى الغيار بيزعق جامد او الغيار تقيل انزل احركها بايدى هيا جامده بس بتقبل الحركه لو حركتها جامد وامشى الاقى العربيه اتزبطتت والغيار بقت حلوه وسهله طيب بتطلع تانى فوق ازاى مش عارف كل شهر كدا كنت باردها مكانها بايدى
اتحركت ازاى مش عارف هى بتطلع لفوق وهيا مكانها تحت البطاريه شويه مكانها مزنوق بس باوصلها وعرفتها صدفه بس هيا بتعمل ايه مش عارف
المهم الصوت اللى عندى من نص الماتور بالظبط يعنى لما بافتح الكبوت صوت تكت تكت تكت جامد اوى بيزيد لما ازود بنزين بس فى حاجه الصبح اول ما ادور العربيه مبسمعش حاجه 5 دقايق والصوت يستمر طول اليوم انا مشيت بيها كدا 3 مشاوير وفى المشوار الاخير بطلت العربيه وجيت ادور لقيت تعتيل جامد رحت وديتها لميكانيكى قالى الماتور دا صوت ترزيع هنفك وعلى ونشوف اللى باظ ونغيره ومحددش حاجه قالى بطيخه مقفوله واللى هنلاقيه نعمله الكلام دا صح الراى ايه
ومن تانى الصوت تكتك تك تك تك تك بس وهيا بارده لا اول ما تسخن الصوت يظهر
مغير زيت من حوالى شهر 5000كيلو ولسه بدرى واخر مره بصيت على زيت الفتيس من حوالى سنه ومغير كاتينه من حوالى سنه برده
الصوت مرتبط بادرة الماتور يعنى معشق العربيه او مش معشق دايس دبرياج او مش دايس الصوت ظاهر اوى بس انا حاسس انه جاى من الفتيس ممكن لو بلية الدبرياج باظت تعمل تكتكه عاليه [IMG]http://www3.0zz0.com/2012/11/11/16/491961076.gif[/IMG] ولا دا كدا ماتور وبالسلامه يا ماتورى

رد: صوت فى الماتور مش قادر احدد ماتور ولا جير بوكس
 

متابع باهتمام

رد: صوت فى الماتور مش قادر احدد ماتور ولا جير بوكس
 

ياريت والدنيا نهار تصور الجزء الي انت بتتكلم علية
بس واضح مبدايا من كلامك فرش وبلية دبرياج وريش ديسك
الميكانيكي لو شاطر وشك ان صوت الترزيع من السبايك
بيفك كرتيرة الموتور ويفك سبيكة سبيكة ويكشف عاليها

رد: صوت فى الماتور مش قادر احدد ماتور ولا جير بوكس
 

صوت التكتكة من وش المكنة بيكون سببين :
1 - صباب اتحرك زيادة بسبب ضعف السستة بتاعته ولطش وش البستم وبقىما بيقفلش كويس في الكرسي بتاعه
2- واحد من البساتم خلوص الصباع اللي راكب في دراع البييل بتاعه زاد فبقى البستم حر شوية فبقى بيتأخر في مشواره طالع نازل ولو فتحت وش السلندر تجيب البستم بايدك يمين وشمال ييجي معاك وما يبقلش محكوم

اكيد العربية دي سخنت منك جامد من فترة قريبة !!!!!
ربنا يعينك

رد: صوت فى الماتور مش قادر احدد ماتور ولا جير بوكس
 

رد: صوت فى الماتور مش قادر احدد ماتور ولا جير بوكس
 

متابع معاكم

رد: صوت فى الماتور مش قادر احدد ماتور ولا جير بوكس
 

ايه الحلاوه دى دا انتا دكتور والله طيب كلامك جميل والله وشكرااااااااااا الف شكرا على اهتمامك بالنسبه لموضوع التيش اللى فى الفتيس كلامك تمام وانا النهارده سالت عليها الميكانيكى قالى نفس الكلام اللى حضرتك قلته بس انا عندى مقلوبه اللى فى الصوره دى نايمه وفعلا بيبقى فيها كاوتشه قافله عليها ودى مقطوعه علشان كدا بتتحرك
بص بقا طالما انتا شاركت كمل معايا انا عرضتها على كذا واحد علشان اسمع الاراء وكل مره اقول يا رب تكون بسيطه وكل واحد فيهم قالى راى
واحد قال الماتور بيرزع من كل حته ؟؟؟؟ ودا واضح انه عايز يعمل شغل او يشتغلنى
واحد قالى متمشيش بيها لو مشيت بيها للضروره وانا رايح للميكانيكى امشى سلانسيه لدرجه متسمعش صوت التكتكه بيقلى حاول متسمعوش يعنى الار بى ام تحت 15
واحد قالى دى سبيكه اللى حاولت افهمه من كلامه ان فيه دلايل وسبيكه وكرنك الكرنك دا على سبيكه علشان تحكمه مع البلوك دول واحده فيهم او اكتر بتروح وتيجى مع الكرنك ودا احتمال وارد وتقريبا التكلفه طقم سبيكه ودلايل وخرط وروديه 150+150+500مصنعيه طبعا دا غير الشمبر وخلافه
واحد قالى حاجه غريبه ان فيه مسمار بيربط الكرنك من ورا فى فلانشه مش فاهم الكلام بالظبط قالى المسمار دا اتكسر وان شاء الله بسيطه مش فاهم بس لو كدا يبقى تمام
طبعا اتصلت بميكانيكى بتاعها حافظها قاللى لازم اسمع الصوت الاول واقولك دا ايه ودا فى فيصل الطوابق بعيد عنى بس قالى تعالى بالعربيه مفيش مشكله بس امشى على مهلك
كان فى بقا عندى جنب البيت ميكانيكى شغال فى نوع العربيه دى بس الفا 146 بوكسر بس نقل ورشته العمرانيه بس ساكن جنبى ومن فتره مشفتوش الحمد لله ربنا وفقنى لتليفونه هيفتح بكره ورشته اللى فى اكتوبر مخصوص علشان معادى معاه بكره وان شاء الله اعرف فيها ايه هوا بس المشكله ان ماتورها غريب شويه خايف اى حد يفكه ميعرفش يجمعه تانى او ادخل فى حوارات كبيره والعمليه تكون بسيطه
بس كل اللى سمعته لحد دلوقتى سبيكه بتلف مع الكرنك سابت من مكانها طبعا انا فاهم يعنى ايه وفاهم الدلايل والسبيكه بيركبوا فين بس منتظر الراجل دا بكره اعرف منه المفيد وبرضه ناخد رايكم فى الى قاله انا تبت من اشتغالات الصنايعيه