بجد محتار جدا ومش عارف افكر لوجان ام لا
 

السلام عليك ورحمة الله
اهلا بجميع اخواني بالمنتدي انا متابعكم من فترة بس دي اول مرة اسجل الدخول واشارك
انا بجد قلقان اووي بالله عليكم عاوز حد يجاوبني
انا لسه جديد في السواقة لسه يادوب متعلم وبفكر اشتري عربيه ودورت كتير
ووجدت ان احسن حاجة في فئة 80000 الف هي اللوجان وروحت التوكيل واتفرجت وعجبتني جدا
المشاكل ال موجودة عندي
1- انا لسه جديد بالسواقة ومعنديش خبرة خايف اشتري جديد وخصوصا انا هدفع النصف واقسط النصف وبصراحة نفسي اجيب رينو سانديرو اتوماتيك عجباني جدا بس

خايف تتخبط مني عشان انا لسه معنديش خبرة في السواقة
ثاني حاجة قطع الغيار الرينو سالت عليها في التوكيل فرع الصيانة العبور غالي
يعني الاسعار


فانوس امامي 636
فانوس خلفي 242
تيل فرامل 260
اكصدام امامي اوخلفي الواحد ب 770
الشنطة 1200
المرايا 1007
مساعد امامي الواحد ب440
بوجيهات ب 133


ارجو الرد علي سؤالين
هل اشتري فيات 128 اتعلم عليها كذا شهر وبعدين اجيب السانديرو ال بجد حبتها جدا
ولا اتوكل علي الله واجيبها من الاول وانا ونصيبي
طيب حل موضوع قطع الغيار الغاليه جدا دي ايه
بالله عليكمردوا علياا انا بجد مش عارف اوصل لحل خايف اجيب سانديرو وتتخبط وادبس في قطع غيار غالية ويكون عليا اقساط وخايف ادبس نفسي في سيارة متستعملة واصرف عليها في الفاضي وشكراااااااااا

رد: بجد محتار جدا ومش عارف افكر لوجان ام لا
 

رد: بجد محتار جدا ومش عارف افكر لوجان ام لا
 

و نعم الرأي تجيب 128 الأول بس انت ساكن فين لو ما بتعديش في زحمه ممكن تجيبها علي طول

رد: بجد محتار جدا ومش عارف افكر لوجان ام لا
 

رد: بجد محتار جدا ومش عارف افكر لوجان ام لا
 

انا الحمد لله كويس بالسواقه بس محتار اجيب ايه وفكرت في الوجان

وربنا معاك وانا مع الاخوه هات الاول 128 اتعلم عليه وهتعلمك الميكانيكه وغيره وبعد كده هات الزيرو

رد: بجد محتار جدا ومش عارف افكر لوجان ام لا
 

انا من رأيى برضه تجيب 128 الاول وعن تجربه انا اول عربية جبتها وكنت بتعلم عليها كانت كليو
وبهدلتها وبهدلتنى وصرفت كتير واتعلمت كتييييييير وخصوصا فى الميكانيكا وبعتها وجبت لوجان الحمد لله
فجيب 128 اتعلم عليها وهتبقى فلوس تصليحها حنينة فى كل حاجة وصلى استخارة وربنا يوفقك لكل خير ان شاء الله

رد: بجد محتار جدا ومش عارف افكر لوجان ام لا
 

معلش انا بختلف مع الاعضاء الي فاتوا انا حالتي زيك بالظببببط انا حاجز لوجان مانيوال والاستلام يناير الجي ان شاء الله انا برضه ابيض في السواقة وكتير قالولي الموضوع ده اجيب 128 اتعلم عليها الاول بس ومقتنعتش صراحه قولي لييييه :
اولا : واحد صاحبي كان زي حالاتي كده وجاب عربية 127 عشان يتعلم عليها الاول طلعت عينه وصرف عليها مش اقل من 2000 ج وكانت بتبهدله في الطريق لما تعطل وميكنش عارف فيها ايه والناس تتلم عليه وحصل موقف زي ده وانا معاه وكانت بهدله والناس كل واحد يعدي ويفتي العربيات الي وراك تزمر وكان يوم زفت وفي الاخر كره السواقة والعربيات كلها من الي شافه
ثانيا : انت خايف من ايه ان العربية لما تجيبها متعرفش تسوقها ولا تتحك منك اولا علي السواقه اتعلم في اي مركز تعليم انا مش بقولك هتبقي محترف بس هتعرف تطلع بالعربية وتدي غيارات وهيكون عندك شويه جرأة السواقة ولو علي حك العربيه بص هنا في المنتدي اعضاء كتيييير عربيتهم لسه جديده وخبرة في السواقة واتحكت منهم برضه ومش لازم يكون غلطتهم يعني دي حاجه بتاعه ربنا ونصيب انته ممكن تتعلم علي 128 وتبقي في السواقه زي الفل وعمرها ما تتحك منك واول ما تجيب اللوجان واحد ابن حلال يزنق عليك ويحكهالك ده نصيب
ثالثا : انت هتاخد وقت كتير قوي علي ما تلاقي 128 نضيفه وميدحكش عليك فيها ومهما كانت هتصرف عليها برضه وفي الاخر ممكن تبيعها بخسارة عشان تخلص وتجيب الجديد الي نفسك فيه ليه كل المصاريف دي بقي !!!
انا ده رايي ونصيحتي ليك اقولك انا بقي بعد تفكير طويل قررت اعمل ايه ....
اولا انا حجزت في مركز تعليم قيادة في ميدان التحرير الكورس ب 220 عبارة عن 10 حصص كلهم عملي التدريب علي 128 اعتقد بعد الكورس ده هبقي بعرف ازاي اطلع بالعربية وادي غيارات وخلافه عارف اني مش هكون محترف
ثانيا اولا ما استلم اللوجي ان شاء الله مش هنزل بيها ابدا في الاول بالنهار انا كل يوم بليل كده اول ما الشوارع تهدي علي الساعة 12 كده هاخد العربية واقعد الف بيها في الشوارع حبه اجرب الغيارات واخد علي ابعاد العربية وواحده واحده ابدء انزل بيها في الزحمة وربنا يسترها بقي واعتقد دي طريقة كويسه جدا عشان تتعلم وتاخد جرأة السواقة وبسسسس
خلاصة القول متدخلش نفسك في حوارات عربيات مستعملة وتقرف نفسك عشان موضوع تتعلم ده بجد هتكره حياتك التعليم هيجي واحده واحده بالممارسه علي الجديد مفيش مشكلة ومبروك مقدما يا باشا وانا تحت امرك في اي استفسار وياريت الاعضاء يقولوا رأيهم ايه برضه :GROWIN~12: