مشكلة في فرامل الماتركس.....بدوس جامد والعربية بتزحلق ولا كأني دايس
 

السلام عليكم اعضاء منتدانا الحبيب

المشكلة ببساطة من غير ما اطول

لما بدور الصبح او بعد ركنه طويلة شوية .......مع حركة العربية على سرعة بطيئة بدوس على الفرامل بلاقي العربية بتتزحلق لقدام ومش بتقف على طول ولا كأني دايس فرامل مع العلم اني عملت الأتي

غيرت تيل الفرامل واشتريت تيل اصل بتاع غبور بـ 240 جنية مشيت عليه شهر والميكانيكي قلي هيطبع والمشكلة حتروح وبعد شهر لسه مرحتش


راح فاكك التيل الاصلي وسنفره وقلي ده مليان نحاس نشتري واحد مش اصلي رحت شاري واحد كوري بـ 75 جنيه وركبته

ولسه المشكلة موجودة..........الغريب ان العربية بتمسك كويس على السرعة العالية او الفرملة المفاجئة .بس لو انا واقف في اشارة ودست بنزين علشان اتحرك وبعدين اللي قدامي وقف فجاة ورحت دايس فرامل بلاقي العربية بتتزحلق وربنا بتسحب لقدام وانا دايس جامد على الفرامل ولا كأني دايس بقوة.

لو حد وجهته المشكلة دي يقولي وله جزيل الشكرا ( العربية ماتركس2009 اوتوماتك)

رد: مشكلة في فرامل الماتركس.....بدوس جامد والعربية بتزحلق ولا كأني دايس
 

هوه غالبا لو مش من التيل هتبقه من الماستر الرئيسي بتاع الفرامل. والله اعلم

:01FDAB~189::01FDAB~189:

رد: مشكلة في فرامل الماتركس.....بدوس جامد والعربية بتزحلق ولا كأني دايس
 

بعد اذن الاعضاء الكرام هي ايه وظيفة الماستر بالظبط في عملية الفرملة؟؟؟؟؟؟؟؟؟؟؟

رد: مشكلة في فرامل الماتركس.....بدوس جامد والعربية بتزحلق ولا كأني دايس
 

العيب واضح يا استذنا
الماستر بيسرب زيت
فى الفرامل المفاجئة جلد الماستر مش بيلحق يسرب الزيت وبيضغطة بالكامل للمساتر الفرعية
انما لما بتدوس فرامل بالراحة الجلد بيلاقى فرصة انه يسرب الزيت
الحل بتغيير الماستر الرئيسى

رد: مشكلة في فرامل الماتركس.....بدوس جامد والعربية بتزحلق ولا كأني دايس
 

شكرا مستر استرا ان شاء الله اروح للميكانيكي وخليه يغير الماستر واقولكم على النتيجة

رد: مشكلة في فرامل الماتركس.....بدوس جامد والعربية بتزحلق ولا كأني دايس
 

السلام عليكم اعضاء المنتدى الكرام

الحمد لله المشكلة اتحلت على ايد متخصص فرامل ابن حلال

طبعاً المشكلة مطلعتش في الماستر خالص ولا ليها علاقة بالزيت


واحد صحبي عنده ورشة اخدني لورشة متخصصة في الفرامل والسيرفو

الصنيعي طلع معايا يجرب العربية ولاقى اللي انا بقوله مظبوط العربية بتمسك فرامل كويس على السرعات العالية بس لما ابقة ماشي براحة في الزحمة واجي ادوس الاقي دواسة الفرامل حجرت تحت رجلية والعربية بتزحلق ولا كأني دايس فرامل.

المهم قلي ده عيب المانافول مبيطلعش ضغط هوا كويس للسيرفو علشان ممكن يكون فيه بلف ضعيف


المهم فتحنا الكبوت وشال الخرطوم اللي بيدخل هوا من المانافول ورايح للسيرفو لقى فعلاً الضغط ضعيف جداً وهو بيركبه تاني طلع الخرطوم مقطوع من النص وبيسرب الهوا

راح مغيرة بخرطوم تاني واطلع جرب يا استاذ بقة العربية زي الفل والحمد لله

والراجل مرضيش ياخد فلوس خالص واتحيلت علية مرضيش

وهو ده السبب الخرطوم المقطوع بيسرب الهوا اللي داخل للسيرفوا علشان كده على السرعات البطيئة للعربية مفيش هوا بيدخل للسيرفوا يقوم البدال يحجر والفرامل متمسكش كويس


ارجو ان اكون افدتكم ولكم كل التقدير:joy23:

رد: مشكلة في فرامل الماتركس.....بدوس جامد والعربية بتزحلق ولا كأني دايس