|
أرجو من محترفى الاتوماتيك
ياريت حد من محترفى اللوجان الاتوماتيك يتكرم علينا ويقول ايه المحاذير اللى ناخد بالنا منها للبيسوق اللوجان اتوماتيك اول مره وإزاى أحافظ على الفتيس هل صحيح العربيه لو عطلت ماتتزقش ..........بسرعه ارجوكم وجازكم الله خيرا
|
رد: أرجو من محترفى الاتوماتيك
1:لازم يكون معاك وصلة بطارية وتكون محملة
2:البطارية لو نامت لازم وصلة 3:لو العربية عطلت وعاوز تزئها خلي العصاية علي وضع n 4:لو واقف في اشارة مرور يجب وضع العصاية علي n or p 5:حافظ دائما علي مستوي الزيت لانة روح الفتيس 6:حافظ علي مستوي ماء التبريد وحرارتة لان زيت الفتيس بيتبرد داخل الريداتير (ماسورة معزولة) :Bravo::Bravo: |
رد: أرجو من محترفى الاتوماتيك
-ممنوع تجيب من (P) الي (R) مباشر لازم تجيب على (N) الاول -عند ركن السيارة لازم تجيب (N) الاول و بعديها تشد الهاند بريك و بعدين تنقل على (P) علشان ماتحملش على الفتيس -عند بداية التحرك بالسيارة من وضع الركنة تجيب من (P) الي (N) مباشر و بعدين تجيب على (D) طبعا و انت ضاغط فرامل في وضع انت بتنقل الفتيس -طالما السيارة تتحرك و تسير على الوضع (D) ممنوع نقل الفتيس ل (N) او (R) وطبعا (P) -عند التوقف في اشارة او توقف السير في الزحام لفترة طويلة او توقف سيكون طويل للسيارة اثناء السير يجب نقل الفتيس ل (N) علشان الزيت الداخلي للجير ما يسخنش زياده عن اللزوم فعليا وده بيأثر على اداء الجير على المدى الطويل و بيخليه يبدأ بينتش وتحس بالغيار وممكن تسمع اصوات في الفتيس مع النقل لانه زي كده موتور العربية لو الزيت فقد لزوجته طبعا ده ضرر على الموتور نفس الحكاية اللفتيس لما الزيت بيسخن بيقد لزوجته ف لازم (N) عند التوقف اللي اكتر من دقيقة علشان تريح الفتيس -لازم (N) عند التوقف اللي اكتر من دقيقة علشان تريح التورك و الموتور وتيل وطنابير الفرامل -افضل الوضع (N) عند التوقف اللي اكتر من دقيقة علشان توفير في استهلاك البنزين -انقل من الدي الى الغيارات الاقل او الستيب ترونيك مع مراعاة ان الار بي ام يكون مناسب - اعمل الكيك داون لما فعلا تكون محتاجه علشان تخرج من موقف طارئ لأن كتره مش حلو -في المرتفعات والمنخفضات انقل الى (1) علشان ماتحملش على الموتور و الفتيس لو كان على (D) ونقل لجير اعلى و العربية مش واخدة عزمها على المطلع مثلا للحفاظ عليه اهم حاجة تغير زيت الفتيس في مواعيده بانتظام غير كده تقريبا مالوش اي صيانة تانية |
رد: أرجو من محترفى الاتوماتيك
وهل يتم التغير من وضع ال d الي 1 في الفتيس اثناء السير ولا ايه الصح.وشكرا
|
رد: أرجو من محترفى الاتوماتيك
يمكنك التبديل إلى D الى ستيبترونيك في أي وقت، حرك عصاية الفتيس ، ممكن أنك تعمل كده حتى لما تتحرك على الطريق السريع.</SPAN> بس انا شخصيا مش بعمل كده غير و العربية واقفة تماما او بتتحرك بسرعة بطيئة جدا تقترب من الوقوف |
رد: أرجو من محترفى الاتوماتيك
أولا شكرا لكل التعب نفسه ورد بس الا يعد 1 2 زى الاول والتانى فى المنوال بمعنى انك عند بداية التحرك تدى 1 ثم تزيد السرعه شويه تدى 2 ثم تروح على الD وتبدا تزود اتوماتيك زى ما انت عاوز ولا انا فاهم غلط
الحاجه التانيه هل الفتيس الاتوماتيك مشاكله كتيره زى ماسمعت وعمره قصير |
رد: أرجو من محترفى الاتوماتيك
اقتباس:
السيارة تتحرك و تسير على الوضع (D)هي بتجيب اول و تاني و غيره ولحدها مافيش داعى انك تعمل كده فتيس الرينو عايز سواقة عادية (يعيش لغايت 200 او 250 الف كيلو طالما بتصونوا كويس) انما شد و حرت و كيك داون طول الوقت مشحايكمل معاك 60 او 70 الف كيلو و حايشيع وده طبعا العربية لسة نازلة موديل 2012 فامانعرفش لسه ايه ظروفه لكن ده رأي الناس اللي راكبين رينو سينيك بره علشان هو هونفس الفتيس للحفاظ عليه اهم حاجة تغير زيت الفتيسفيمواعيدهبانتظام غير كده تقريبا مالوش اي صيانةتانية |
| الساعة الآن 06:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017