مصر موتورز مجتمع السيارات - ايه الفرق بين محركات البنزين ومحركات الديزل ؟؟؟؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - ايه الفرق بين محركات البنزين ومحركات الديزل ؟؟؟؟ (https://www.masrmotors.com/vb/showthread.php?t=101754)

ايه الفرق بين محركات البنزين ومحركات الديزل ؟؟؟؟

سؤال بسيط جدا
ايه الفرق بين محركات الديزل والبنزين ؟؟
هل في فرق في تصميم المحرك او في طريقة عمله ولا ايه بالضبط ؟؟؟

رد: ايه الفرق بين محركات البنزين ومحركات الديزل ؟؟؟؟

اقتباس:

المشاركة الأصلية كتبت بواسطة sherifabden (المشاركة 791323)

التصميم تقريبا واحد يعنى الاثنين فيهم بلوك وبساتم ووش سلندر والاثنين فيهم صبابات وكرنك وعمود كامات والاثنين يعملون بنظرية الاشواط الاربعة حسب الدورة الرباعية للمحركات ....
1- شوط السحب
2- شوط الضغط
3- شوط القوة او الشوط الفعال
4- شوط العادم
الفرق هو نوع الوقود و طريقة حرق الوقود..... ومعدل الانضغاط فمحركات البنزين لابد من وجود الشرارة (البوجيه) او شمعة الاحتراق حتى يشتعل البنزين ف شوط القوة حيث ان البنزين لا يشتعل عند انضغاطه فعندما يصل البستم الى اقصى انضغاط للخليط وعند توقيت معين يقوم المحرك بإطلاق الشرارة ويشتعل الحريق محدثا انفجارا وشوط القوة.. ومعدل الانضغاط فى معظم محركات البنزين ما بين 7 :1 و 11 :1 اما الديزل فنوعية الوقود مختلفة حيث يعمل بالسولار ومن خواص السولار انه يشتعل عند انضغاطه لذلك لا يوجد بوجيه ف محركات الديزل ويعتمد فى حرق السولار على الضغط العالى فمعدل الانضغاط لمحركات الديزل مابين 15 :1 و 18 :1 وعند ضغط الهواء الى اقصى ضغط وعند توقيت معين يقوم المحرك بحقن كمية السولار لتجد هذا الضغط الكبير فيحترق الخليط محدثا الانفجار و شوط القوة.
ارجو ان اكون نجحت فى توصيل الفكرة لحضرتك وللسادة الزملاء ف المنتدى.

رد: ايه الفرق بين محركات البنزين ومحركات الديزل ؟؟؟؟

اقتباس:

المشاركة الأصلية كتبت بواسطة ahmed2801 (المشاركة 791350)

لو حبيت احط موتور ديزل بدل موتور البنزين الى فى عربيتى ..... ايه راى حضرتك بصفة عامة؟؟؟

رد: ايه الفرق بين محركات البنزين ومحركات الديزل ؟؟؟؟

اقتباس:

المشاركة الأصلية كتبت بواسطة ahmed_eng2001 (المشاركة 791443)

لو حبيت احط موتور ديزل بدل موتور البنزين الى فى عربيتى ..... ايه راى حضرتك بصفة عامة؟؟؟

مافيش اى مانع بس ده يرتبط بنوع السيارة وعضمها ح يستحمل موتور الديزل ولا لأ.
لان مواتير الديزل اشد بكتير من مواتير البنزين لو الشاسيه مش ح يستحمل... ح يشرخ على طول.
وكل شاسيه مصمم على ماتوره.

رد: ايه الفرق بين محركات البنزين ومحركات الديزل ؟؟؟؟

الشاسيه ان شاء الله يستحمل و تمام .....
اخبار صيانة الديزل ايه ؟؟؟؟ و قطع الغيار ؟؟؟ المشاكل ؟؟؟ الاعتمادية ؟؟

رد: ايه الفرق بين محركات البنزين ومحركات الديزل ؟؟؟؟

اقتباس:

المشاركة الأصلية كتبت بواسطة ahmed_eng2001 (المشاركة 793961)

الشاسيه ان شاء الله يستحمل و تمام .....
اخبار صيانة الديزل ايه ؟؟؟؟ و قطع الغيار ؟؟؟ المشاكل ؟؟؟ الاعتمادية ؟؟

معلش ياباشمهندس /أحمد انا اسف اتأخرت على حضرتك ف الرد.
محركات الديزل هايلة قوة ومتانة واعتمادية وخدمة شاقة من الدرجة الاولى وأديك شايف التيوتات البيضا الكبيرة دى مولعينها مصر- اسكندرية مرتان ف اليوم اربع فرد... وممكن الماكينة تقعد دايرة اسبوع او عشرة ايام متواصلة ولا تزعل مادام زيتها وميتها وجازها تمام... بس هيه يمكن تكون الصيانة وقطع الغيار أغلى شوية من البنزين.
لان ليها ناس مخصوص بتشتغل ف الديزل بس لاختلاف عمل المحرك عن البنزين.
:01FDAB~189:

رد: ايه الفرق بين محركات البنزين ومحركات الديزل ؟؟؟؟

طيب ما تفكر فى موتور تويوتا R22