|
مساعدة فى شراء سماعات فى الرف الخلفى
مساء الخير يا شباب
انا لسة شارى عربية byd f3 الكاسيت صوتة حلو و السماعات فى البابين الاماميين فقط بس صوتهم حلو قوى و نقى و كنت عايز اجيب سماعتين بيضاوى فى الرف الخلفى بس يكونو اصلى مع انى مفهمش فيهم و سؤال تانى يعنى اية سماعة 3way و 4 way انى احسن و سماعات فى تويتر و انى احسن ماركة معلش انا اول مرة اجيب سماعات و مفهمش حاجة فيهم بس صوت الكاسيت حلو هو و السماعات الامامى و عايز حاجة برضو نفس الكفأة برضو ارجو الافادة شكرا :fun_36_3_9[1]: |
رد: مساعدة فى شراء سماعات فى الرف الخلفى
مش بقهم اوى فيهم او بمعنى اصح معنديش خبرة فيهم بس خلى بالك الرف الخلفى اللى هيركبوا عليه السماعات مقطوع ومتفرغ فيه مكان للسماعات على شكل بيضاوى جاهز من الشركة افتح الشنطة وبص عليه من تحت وانت هتشوف التفريغه بتاعة السماعات جاهزة هيقطع بس فى الفبرة اللى جوه الصالون الخلفيه بتاعة العربية :danceW7::danceW7::danceW 7::danceW7:
|
رد: مساعدة فى شراء سماعات فى الرف الخلفى
استاذ هانى - حبيبى :fun_36_3_9[1]:
فعلا كلام حضرتك صح و كان فى عضو فى منتدى تانى قالى لو دخلت ايدك فى مكان السماعة هتلاقى فيشة علشان تتركب فى السماعة على طول و فعلا الصاج لية مكان و مفتوح ناقص مكان فتح فى الرف بس بس انا كنت عايز اعرف انى نوع احسن فى السماعات علشان مفهمش فيهم و متشكر على اهتمامك وردك |
رد: مساعدة فى شراء سماعات فى الرف الخلفى
بص سماعات 3 واى ىعنى بتطلع الصوت بثلاث طرق بيز و تريبل و ميد رينج ال4 واى يزيد عليها ان فيها بيز اعلى زيادة عن ال3 واى كانها فيها اتنين ووفر
بالنسبة للسماعات الميزانية كام و عايز جى ام ولا لا و الجى ام دة بياخد اشارة الكاسيت و يضخمها للسماعات فا تديك قوها الحقيقية لان كمان كاسيت الbyd الاصلى معتقدش انه حيقوم سماعات حلو |
رد: مساعدة فى شراء سماعات فى الرف الخلفى
فى سماعتين بيونير الاصليه (صنع فى فيتنام) 500 وات دول كويسين بس اسال الكاسيت يأومها ولا لا
|
رد: مساعدة فى شراء سماعات فى الرف الخلفى
اقتباس:
انا حاليا صعب اغير الكاسيت نفسة لانى بصراحة الحالة ج من بعد العربية بس انا كنت عايز احسن الصوت -- انا مش بحب الصوت العالى بس بقدر الصوت النقى انى سماعات انقى فى الصوت هل الكنوود ولا بيونير و تكون 350 واط علشان لو غيرت الكاسيت مستقبلا بس انا ليا سؤال حضرتك كاتب بايونيير 500 ب 285 انا لسة سأل انهاردة على 350 واط ب 320 جنية يبقى ازاى الاسعار دى هل دى اسعار الصينى و تنصحنى بسماعات نوع اية 350 واط 4 way متشكر جدا لحضرتك:Bravo: |
رد: مساعدة فى شراء سماعات فى الرف الخلفى
السعر الي حضرتك بتقوله مبالغ فيه..... انا لسه حاطط سوني 500 ب 285 و البايونير زيها... 320 مبالغ فيه... روح اشتريهم من التوكيل بتاع سوني او من حد موزع معتمد.... لو في اسكندرية عندك شمس و اوتو ماركت.... اما لو برة اسكندرية.. ممكن حد من اخواننا هنا يدلك على مكان تاخد سماعاتك و كاسيتك بسعر كويس.... انا لسه حاطط بايونير جديد فيه وصلة aux و usb ب 600 و السماعات ب 285
|
| الساعة الآن 05:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017