|
الاستاذ Sky_Rider سؤال
اولا مبروك مقدما على الامجراند
وانا تابعت كل مواضيع حضرتك والردود كمان وعرفت انك دورت كتير وعملت مقارنات كتير وانا عاوز استفاد من مشوارك الكبير دة واسالك لما قارنت الـ امجراند بسبرانزا M11 لية فضلت امجراند عنها؟؟؟؟ موضوع مطروح للنقاش من اى عضو يحب يضيف |
رد: الاستاذ Sky_Rider سؤال
تسلم مستر استرا عالموضوع الجميل وبالنسبه لرأي ومن خلال تجرتي الشخصيه مع الm11 فهي سياره ممتازه من حيث المحرك والثبات والاداء والتصميم والاعتماديه والاسم القوي فالسوق حاليا اما بالنسبه لمشاكلها فهي تتلخص في بعض حاجات 1- التقفيل متوسط الجوده 2- الاوبشن افقر من الاميجراند 3- المقصوره الداخليه افقر من الاميجراند 4- مشكله الدينامو اللي كان بيضرب باستمرار مش عرف اتحلت ولا لسه ؟ 5- عوامل الامان اقل من الاميجراند دي بس ملاحظاتي عليها وفي انتظار مزيد من الاراء :Wkiss5::Wkiss5::Wkiss5: |
رد: الاستاذ Sky_Rider سؤال
تسلم ايدك يا استذنا
عندك حق بس السعر اقل بـ 4 الاف جنية ..... انما فعلا امجراند متوقعلها نجاح كاسح والـ m11 باعت اعتقد اد النيو اكسنت ومش باينلها قومة تانى |
رد: الاستاذ Sky_Rider سؤال
اقتباس:
ايمجراند تحس فيها بالفخامة اكثر واسعة جدا عن الام 11 متناسقة اكتر الشنطة اوسع كماليات افضل انتشارها في دول متشابة معنا ليس هناك مقارنة اساسا في هذه النقطة مبيعاتها في بلدها افضل طبعا دخولها السوق الاروبي واجتيازة اختبار السلامة الاروبي دي شهادة ثقة قوية جدا الخامات المستخدمة في الداخل خاصة افضل مقابل ماتور في الام 11 اقوي بقليل ودا لازم علشان يجر المصيبة السودا دي ههههههه وطيعا علي حساب استهلاك البنزين اللي لصالح الايمجراند طبعا 1500 مقابل 1600 والفرق في القوة الحصانية والعزم قليل جدا 107 مقابل 113 و140 مقابل 146 تقريبا وداخليا الام 11 اشيك بقليل وان كان فرق الخامات لصالج الايمجراند الوكيل غيور يتفوق علي ابو القتوج بمراحل مش عارف دي وجهة نظر خاصة جدا مش مطلوب من اي حد انه يقتنع بها حتي تحياتي |
رد: الاستاذ Sky_Rider سؤال
لو بشتري دلوقتي واحده من الاتنين ال ام 11 والايمجراند بدون تردد هشتري ام 11 لاسباب عديده اهمها انها عربيه اتجربت ومعروف عيوبها ومميزاتها ايه وببقي ليه شوية قطع غيار بره التوكيل فهشتريها بس لو بعد سنه او اتنين انتشرت الايمجراند وبقلها نفس توافر قطع غيار اسبيرانزا ومشاكل اقل بالطبع هشتري اميجراند اقصد اقول اني وقت ما اشتري هشتري ال قطع غيارها متوفره وارخص
|
رد: الاستاذ Sky_Rider سؤال
اعتذر اولا عن التأخير في الرد .. بصراحة شديدة انا كان عندي احتياجات معينة محتاجها في السيارة.. لانها سيارة عائلية ستستخدم للسفر لمسافات طويلة ما بين القاهرة و شرم الشيخ .. والاحتياجات ديه ملقتهاش في الاسبرانزا مثل
- عوامل الامان: تتفوق امجراند في صلابة و قوة الهيكل بتصديق من Euro Ncap .. بالاضافة الى الوسادات الهوائية اللي منزوعة من الاسبرانزا .. - اتساع المقصورة و حقيبة الامتعة ... نظرا لظروف الانتقالات الكثيرة بالعائلة كما اوضحت .. الامجراند اوسع و ارحب مما سيجعلها مريحة اكثر في السفر .. شنطة 680 لتر .. احمل زي ما انا عايز .. - جودة التقفيل و التصميم ... بصراحة و في وجهة نظري.. شكل الامجراند الخارجي و الداخلي افضل و اجمل من ال M11 .. و كمان مجمل الخامات المستخدمة في الامجراند افضل و بجودة تقفيل ادق من وجهة نظري .. مع ان الاثنين تقفيل مصري - معدل استهلاك الوقود .. صحيح ال M11 محركها اقوى .. و لكن ليس بكثير .. و انا مش بتاع شد و سباقات على الطريق .. بس الامجراند معدل استهلاك وقودها افضل بقليل من ال M11 - الكماليات ... تتفوق امجراند بكماليات و تفاصيل عديدة اكثر من ال M11 - الضمان و الوكيل ... غبور 5 سنين 100 الف كلم ... |
رد: الاستاذ Sky_Rider سؤال
جودة التقفيل و التصميم ... بصراحة و في وجهة نظري.. شكل الامجراند الخارجي و الداخلي افضل و اجمل من ال M11 .. و كمان مجمل الخامات المستخدمة في الامجراند افضل و بجودة تقفيل ادق من وجهة نظري .. مع ان الاثنين تقفيل مصري
وانا اوؤيد رأيك بشدة واحب اضيف انها بديلة للفيرنا ( هل توجد مشكلة فى قطع غيار الفيرنا ) |
| الساعة الآن 07:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017