مؤشر البنزين
 

كل عام و انتم بخير جميعا كان عندى كام سؤال ليكم و ارجو ارد من حضراتكم
1- الاحظ ان مؤشر البنزين مبنزلش خالص هو على طول مملؤء منخفضش و لا شرطة من ساعة ما فولت .
2- العربية اتحكت فى الاصدام اللفيبر من تحت مفيش حاجة توديه و تقبلو ا تحياتى و كل عام وانتم بخير

رد: مؤشر البنزين
 

كل سنة وانت طيب ياباشا وعيد سعيد وانا هجاوبك على الأسئلة
أولا بالنسبة لمؤشر البنزين , فهو منزلش معاك على طول لإن العربية أكيد متفولة على الأخر لان عنق تانك البنزين كبير وممكن وانت فى البنزينة الراجل ميكملوش لحد الاخر وهتلاقي المؤشر على الأخر برده بس اول متمشى مشوار ولا حاجة ممكن ينزل معاك على طول , إنما أول لما بيفضل يملأ عنق تانك البنزين على الاخر بياخد بنزين كتير وطبعا هتمشى بيه مسافة كبيرة على ما ينزل منه شرطة , ودى حاجة طبيعيىة جدا جدا متقلقش منها خالص

وبالنسبة للحكة اللى فى الاكصدام دى بيتهيألى انها هتفضل موجوده ولو الحكة بسيطة ممكن حضرتك تجيب القلم السحرى من عند أى حد بتاع اكسسوار وتمشيه على الحكه وهترجع للونها الطبيعى ان شاء الله
يارب أكون أفدتك ياباشا وكل عام وانتم بخير وعيد أضحى سعيد على كل الأمة الإسلامية

رد: مؤشر البنزين
 

جرب برضه التينر ممكن لو الحكة عبارة عن بوية فوق البوية الاصلية حتختفى

رد: مؤشر البنزين
 

ياترى حضرتك جربت هذا القلم بنفسك؟ لأننى قرأت عنه كثيرا أنه بلا فائدة. لو كنت جربته وأعطى نتائج جيدة ياريت تكتب لنا الماركة والسعر وأين يباع وكذلك اللون الذى استخدمته ولك جزيل الشكر

رد: مؤشر البنزين
 

والله بصراحه انا مجربتوش بنفسى بس ليا صديق جربه واشتغل معاه كويس وانا هكلمه واعرف منه كل التفاصيل واكتبها هنا ان شاء الله للافادة

رد: مؤشر البنزين
 

انا سافرت من اسكندريه للقاهره ومنزلش من العربيه ولا شرطه وكنت ماشي 170

زور التانك بيشيل بنزين كتيييييير فوق ال50 لتر الموجودين

بيشيل حوالي من 15 ل 20 لتر لوحده

فعلي حسب البنزينه اللي بتفول منها
في واحد اول مالمسدس يفصل يشيله علي طول وفي واحد يعد يملا وباله طويل

وانا عن نفسي مبستناش شرطتين ينزلوا اول مشرطه تنزل اروح افول ب 30 جنيه شرطه وزور :joy23:

رد: مؤشر البنزين