الحقوووني العربيه اتخبطت قبل ما ترخص
 

انا لسه جايب ا فيرنا 2013 جبتها يوم الثلاثاء باليل الساعه 6 وعلي ما جبت لها طقم دواسات وكل الاكسسواران بتاعتها رجعت البيت وجرشتها الساعه 9
تاني يوم الاربعاء اخر يوم قبل العيد المرور هيفتح فيهه قلت ارخص عشان اخرج ف العيد براحتي ومحدش يطنطط عليا وفين رخصك
ايه الللي حصل بقي ؟؟؟؟
صحيت من النوم الساعه 7 ورحت المرور علي ما جبت الاوراق بتاعت التأمين والزي منه وطالع عشان اطابق بصم الموتور لقيت العربيه وهي واااااااااااااااااااااااا ااقفه مخبوطه الرفرف اليمين والاكصدام محكوكين الرفرف اترد علي البارد وفيه شويه خطوط صغيره والاكصدام فيه خطين سود نتيجه الحكه يعني العربيه زيروووووووووووو ورخصت وهي محكوكه وكل اللي كانت ماشياه 85 كيلو

اعمل ايه ف البلد دي الواحد المفروض يمشي فيها بدبابه بقي

رد: الحقوووني العربيه اتخبطت قبل ما ترخص
 

معلش ربنا يعوض عليك
فداك
كل سنة وأنت طيب

رد: الحقوووني العربيه اتخبطت قبل ما ترخص
 

قدر الله و ما شاء الله فعل
هذه قد تكون حكمة و رفع بلاء و ان شاء الله ربنا يباركلك فيها و فى كل الاحوال مافيش عربية فى مصر مش بتتخبط و يمكن زى ما بيقولو خدت العين
على فكرة انا زيك كنت بطلع رخصة و راكن عربيتى فى مرور اكتوبر و لقيت واحد لسه بيتعلم و راجع بسرعة لورا و كل الناس تقوله حاسب حاسب ولا هو هنا و هب دخل فى الباب بتاع عربيتى و بعديها بشهر واقف فى اشارة الشيخ زايد و واحد جاى سريع و شكله كان سرحان راح هب لابس فيا
يعنى عادى هى دى مصر و نص العربيات بتتخبط و هى واقفة

رد: الحقوووني العربيه اتخبطت قبل ما ترخص
 

لا حول و لا قوة إلا بالله عوضك الله خيراً, و متعك بخيرها و صرف عنك شرها العربيات الزيرو بالذات بتكون عليها العين, و الحسد فى مصر بقى أكتر من الشغل , لأن الناس مش لاقيه شغل. بس برضه الحمد لله إنها جت فى الصاج. يعنى المهم إنت و أسرتك بخير و طظ فى أى حاجه تانيه , و لا يهمك و ياما هتتخبط . كله فداك.

رد: الحقوووني العربيه اتخبطت قبل ما ترخص
 

قدر اللة وما شاء فعل

:w6w200504112236376d

رد: الحقوووني العربيه اتخبطت قبل ما ترخص
 

الله يخليكم يا رجاله و والله انا كنت جايبها ومش فرحان خااالص لدرجه اني كنت جايبها من بلد تبعد عن بيتي ب 30 كيلو وطبعا هاطلع ع الطريق السريع فكنت حاسس اني مش هاروح بالعربيه وهاموت فيها حتي الراجل صاحب المعرض لاحظ عليا كده لاني كنت رحت له قبل كده طلبت لون معين واديته مقدم وكنت مبسوط وباضحك زي اي واحد بيشتري زيرو لكن لما رحت استلم الراجل سألني يجي 3 مرات انت ليه وشك متغير كده لدرجه انه قالي لو مش عاوز العربيه مفيش اي مشكله ارجع لك مقدمك والعربيه هتتباع هتتباع
بس الحمد لله انها جات لحد الصاج وقدر الله وماشاء فعل

رد: الحقوووني العربيه اتخبطت قبل ما ترخص
 

احسن كلمة اتقالت قدر الله وماشا فعل ربنا يحفطك من كل سوء