استفسار مهم بخصوص خبطة في الجنط
 

السلام عليكم , انا معايا رينو لوجان موديل 2013 من حوالي شهر ونصف ، الي حصل وانا ماشي بيها بسرعة حوالي 60 كم ، الكاوتش اليمين الأمامي خبط في حجر كبير مكنتش شايفه الطاسة وقعت والجنط اتخبط في كذا حته ، بتاع الكاوتش قالي ان الجنط لازم يتغير ، يا ريت ياجماعة حد يجاوبني على الأسئلة دي مع العلم اني جديد في السواقة ومعرفش حاجات كتير لو الاسئلة بانت بدائية :

1- لو انا هاغير الجنط هيبقى بكام الجديد والطاسة كمان بكام

2 - ايه تأثير الخبطة دي على العربية بصفة عامة ، انا بعد الخبطة جالي احساس ان العربية مش ماشية مظبوط وخصوصا على المطبات بس حاسس برضة ان دي وسوسة ، اتأكد أزاي ؟ اروح لميكانيكي ولا بتاع ترصيص ولا ايه

3- اشوف حد تاني بتاع كاوتش يمكن يكون الجنط ليه حل ولا اتجه اني اغيره وخلاص وياترى لازم اغيره بسرعة ولا ممكن يستنى شوية

شكرا مقدماً

رد: استفسار مهم بخصوص خبطة في الجنط
 

خليه استبن

رد: استفسار مهم بخصوص خبطة في الجنط
 

متشكر جدا للاستاذ الي رد ، ايه يا شباب مفيش حد يجاوبني على اسئلتي؟

رد: استفسار مهم بخصوص خبطة في الجنط
 

رد: استفسار مهم بخصوص خبطة في الجنط
 

الجنوط الحديد مبتتباعش جديد ممكن تلاقيها استعمال

رد: استفسار مهم بخصوص خبطة في الجنط
 

انت بتقول بقالها شهر ونص متخليش حد يلعب في العفشه

اعمل زياره للتوكيل واكشف عليها ولو في حاجه محتاجه تتغير خليهم يقولولك الاول وحابب تركبها بره براحتك
كل الفكره انهم فاهمين العربيه ومش حيفتوا
وبالنسبه للجنط الجنط الاصلي حديد يعني ممكن يستعدل عند اي حد بيفهم
وبعد متعدله خليه استبن ونزل الاستبن مكانه
وان شاء الله خير
:GROWIN~12:

رد: استفسار مهم بخصوص خبطة في الجنط
 

الف شكر لاهتمامكم يا جماعة وان شاء الله اخد بنصايحكم الغالية