مصر موتورز مجتمع السيارات - محتاج أعمل شوية تعديلات في العربية

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - محتاج أعمل شوية تعديلات في العربية (https://www.masrmotors.com/vb/showthread.php?t=10069)

محتاج أعمل شوية تعديلات في العربية

السلام عليكم ptmnlo123per122

انا معايا فيات 132 و هي 1600 CC
1- عايز اغير التابلوة بتاعها بواحد تاني يكون اشيك و احدث حد عنده فكرة ينفع اركبلها تابلوة من اي عربية تانية او موديل تاني يكون اشيك من التابلوة الموجود دلوئتي؟

2- عصاية الفتيس نفسها الاصلية شكلها بقي وحش جداااا الجلد الي فيها اتقطع و البلاستيك اتشقق هل ينفع اغير العصاية نفسها بواحدة تاني شكلها احسن و تكون جديدة؟ او هل حد عنده فكرة كويسة لموضوع العصاية؟

3- عايز اجيب جنوط اسبور فياتري اي مقاس هو المناسب للعربية؟ و اي نوع ؟ و سعره تقريبا كام؟ و ازاي اعرف الجنوط الاصلي من المضروبة ؟

انا ناوي انزل الحرفيين ان شاء الله عشان اعمل الحاجات دي كلها بس قبل ما انزل عايز اعرف فكرة عن الاسعار عشان ميتضحكش عليا و عشان محدش يعرف اني لسة مستجد في موضوع العربيات فياريت الي عنده فكرة عن الاسعار و لو بالتقريب يقولي عليه
شكرااااااااااااا

رد: محتاج أعمل شوية تعديلات في العربية

اقتباس:

1- عايز اغير التابلوة بتاعها بواحد تاني يكون اشيك و احدث حد عنده فكرة ينفع اركبلها تابلوة من اي عربية تانية او موديل تاني يكون اشيك من التابلوة الموجود دلوئتي؟

من غير ما تغير التابلوه ولا حاجة ركب في التابلوه:

1-طارة رياضية بـ100 جنيه مصري.

ودي صورتها:

http://file5.9q9q.net/img/26968312/------------210.jpg

2-شاشة DVD مش عارف سعرها بكام.

ودي صورتها:

http://www.kalogeropoulos.gr/LH2Uplo...0BT-NecVox.jpg

3-لو ما فيهاش مكيف اعملها فتحات تكييف زي بتاعت الباجاني .

صورة ليها:

http://www.desktopcar.net/wallpaper/...a-S-7_3-05.jpg

4- غير اللون نفسة بتاع التابوله.

اقتباس:

2- عصاية الفتيس نفسها الاصلية شكلها بقي وحش جداااا الجلد الي فيها اتقطع و البلاستيك اتشقق هل ينفع اغير العصاية نفسها بواحدة تاني شكلها احسن و تكون جديدة؟ او هل حد عنده فكرة كويسة لموضوع العصاية؟

في عصاية جير بـ45 جنيه ودي صورتها:

http://file5.9q9q.net/img/83119592/-------------40.jpg

اقتباس:

3- عايز اجيب جنوط اسبور فياتري اي مقاس هو المناسب للعربية؟ و اي نوع ؟ و سعره تقريبا كام؟ و ازاي اعرف الجنوط الاصلي من المضروبة ؟

من 16 الى 18 انش.

في أكتر من نوع...بس مقدرش أفيدك بالجنوط..

الأسعار من 1.000 وطالع.

ممكن تلاقي اسم الشركة اللي عاملة الجنوط منحوتة على الجنطـ.

اقتباس:

انا ناوي انزل الحرفيين ان شاء الله عشان اعمل الحاجات دي كلها بس قبل ما انزل عايز اعرف فكرة عن الاسعار عشان ميتضحكش عليا و عشان محدش يعرف اني لسة مستجد في موضوع العربيات فياريت الي عنده فكرة عن الاسعار و لو بالتقريب يقولي عليه

نصيحة مني ليك بلاش حوار الحرفيين دة لأنهم شغلهم مش كويس...

لو معاك بطافة ائتمان اشتريمن موقع Ebay لأنو مضمون

رد: محتاج أعمل شوية تعديلات في العربية

يا جامد يا دمياطي تسلم يا مان ptmnlo123per171

رد: محتاج أعمل شوية تعديلات في العربية

تسلم يا كابو انت اللي جامد...

رد: محتاج أعمل شوية تعديلات في العربية

دمياطي
دي 131 مش بي ام ولا مرسيدس
يعني اخرها يجيب جلد للتابلوه ويغير عصاية الفتيس ويغير نور الصالون وكاسيت نضيف ويعيش حياته والحسبة كلها مش هتوصل 100 جنيه

رد: محتاج أعمل شوية تعديلات في العربية

بالظبط فكر افضل تكسى التابلوه جلد بلون جديد وتركب فيه عدادات سبور وتارة جديدة اسهل وارخص

وبالنسبة للجنوط لو 14 بوصة الاندونيسى هيعمل فى حدود 1400 وبعدين فيه الايطالى بس ده اسعارة مضروبة فى تلاتة

وبالنسبة لعصاية الفتيس ممكن اللى هيعمل التابلوه يعملك من نفس الجلد كسوة لعصاية الفتيس وتركب مقبض للعصاية جديد زى اللى حطة دمياطى فى مشاركتة

لو عملت الحاجات ديه وظبطت فرش للكراسى ونجدت سوليتكس البيبان مع شوية اسكسوارات هتلم الدنيا وتظبط الشكل جامد من غير تكاليف وعك

رد: محتاج أعمل شوية تعديلات في العربية

السلام عليكم
اولا الجنوط الاندونيسي ال14 مش ب1400 انا شاريها ب1000 ج
ثانيا التابلوه ده ازواق يعني يركب الي يريحه بس فكره الكسوه بتاعت التابلوه مش كويسه
ثالثا انا شفت 131 اجمل من الBMW وهحاول اجيب صورتها
رابعا انا موافق دمياطي في الراي ان الحرفين شغلهم مش كويس