قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

كل اللي أعرفة انه طريق زي الحرير و السرعة المسموحة 120كم/س. بس بقالي كتير ما استعملتوش. حوالي 5 سنين.

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

احسن طريق فى مصر كلها هو طريق العين السخنة......مفيش فيه مطبات نهائى...السرعة المقررة 120....

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

اخي sayed2077 اجازة سعيدة ان شاء الله
وانت علي الدائري امام مستشفي البنك الاهلي حتجد دخلة يمين
اول لما تنزل حتجد شركة البوتجاز وخذ روترن ولف شمال
حتجد بنزينة وطنية وبعدها دخلة السخنة
وخلي بالك الطريق وانت رايح عبارة كله عن مطلع خفيف
اول لما تدخل الطريق بعد البنزينة اقرص علي العربية علشان ما تهنجش منك
وبعد 6 ك حتجد الكرتة قبلها مطب ب5ج
السرعة القصوي 120ك الطريق جميل جدااااااا وامان بس اوعي يغريك
انا علي الطريق كل يوم وبشوف حاجات وحشة بسبب اغراء الطريق:pty:
وخلي بالك وانت راجع اخر الطريق عند مخرجة دوران شديد و8 مطبات !!!!!

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

رحلة سعيدة بإذن الله
اهم حاجة يكون الكاوتش كويس جدا لأن مفيش خدمات خااااالص هناك
والطريق مطالع ومنازل لكن مستقيم من غير منحنيات غير فى الآخر
وكان فيه حتت مش ممهدة قبل بورتو السخنة معرفش صلحوها ولا لأ؟

وحاول ونتا راجع مع آخر ضوء نهار خصوصا عند ملفات السخنة
وساعات كمان بيقفلوا نور الطريق وتمشى على نور شموع العربيات فحاول تكون واخد نص الطريق اليمين لو هتمشى أقل من 100

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة
 

انا لسه راجع من العين السخنة من اربع ايام وليه بعض الملاحظات زيادة وتأكيد على اللى ذكروه الاخوة فوق:
1:طريق القطامية حلو جدا وواسع وممهد والسرعه القصوى 120 كم/ساعة : بلاش فعلا يغريك الطريق لانه كان من فترة حصل كام حادثة هناك بسبب النقل والمقطورة.
2:وانا راجع من العين السخنة ماقابلنيش اى مطب لغاية الكارتة لكن الملاحظة انه فعلا مافيش اى خدمات على الطريق ومش عارف هل باليل فى اضاءة للطريق ولا لأ. انا راجع العصر ومافيش اى خدمات الا بنزنتين قدام بعض قبل الكرتة بكام كيلو.
3:شيك على العربية قبل ما تطلع وخد الحاجات الاساسية اللى ممكن تفيدك على الطريق : وصلة بطارية - كشاف- عدة مفتاح- ماية للشرب وللعربية لأى ظرف - ماتنساش تشيك على الاستبن اللى معاك وتشوفه محتاج يتزود ولا لأ. بلاش كسل فى الحاجات البسيطة دى.
4: أنا أفضل ما تتأخرش باليل وانت راجع وخصوصا الطريق اللى قبل بورتو السخنة ده. الطريق ضيق جدا وكله مقطورات وكله منحنيات. احذذذذذذذذذذذذر من التخطى الغير محسوب . الطريق مرسوم ممنوع التخطى لكن أحيانا هاتلاقى مقطورة ماشية قدامك بالراحه فتفكر تتخطاها وتقرص بنزين وانت مش شايف ايه اللى جاى قدامك من الناحية التانية علشان الطريق منحنى. فاحذر وتأنى.

5: أخيرا العين السخنة حلوة وجميلة : بس خلى بالك من الشعب المرجانية والشوك.


ويارب تقضى يوم جميل وترجع بالسلامة ونقولك AHLNWSHALN

رد: قريبا رايح السخنه فهل ممكن تعطونى شوية نصائح عن الطريق وهل يوجد مطبات مفاجئة