مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - نقطة حوار (https://www.masrmotors.com/vb/showthread.php?t=43036)

نقطة حوار

نقطة الحوار على كل السيارات الصينية بس انا هخد ميثـال
لم احد يسئل اي شخص نويت اشترى مثلن السياره a516 ماهى عيوب؟؟
الرد الاول يكون لا احب السيارات الصينية ... طيب ده رد موفيد طبعن لا
الرد الثانى يكون على قد الفلوس تكون حلوه ...
طيب زي ما قالوعلى قد الفلوس تكون حلوه .. ممكن تكون فعلان حلوه بـس لوكنت انــت و أسرتك فى دخل السياره تشعر بالأمان
وبصراح هو ده السوئل كنت عوز اقوله من الاول
ممكن تكون فى دخل السياره الصينية انت و أسرتك وتشعر بالأمان؟؟

رد: نقطة حوار

اقتباس:

المشاركة الأصلية كتبت بواسطة khatemat.elmesk (المشاركة 314395)

وبصراح هو ده السوئل كنت عوز اقوله من الاول

ممكن تكون فى دخل السياره الصينية انت و أسرتك وتشعر بالأمان؟؟

اولا : انا معايا ال516 بقالها سنه دلوقتى .
ثانيا : ليه معظم الناس فاكره ان الصينى ده كأنى راكب لعبه مش عربيه ويكفى انى اقولك حاجه صغيره هو انى كان معايا ال3 ايام اللى فاتت عربيه صاحبى وهى كيا سيراتو SX فول اوبشن خليجى موديل 2011 ومش هتصدق لو قولتلك ان عزل الأسبرانزا احسن منها وده عن تجربه واوبشنز الأسبرانزا اعلى منها كمان .
ثالثا : انا سافرت بال516 يوم السبت اللى فات من القاهره لدمياط ومن دمياط لسكندريه ومنها على الفيوم وكل ده العربيه مأليتش لأ وكان معايا 4 كمان يعنى والدى واخويا و2 اصحابى .
ولو نزلت الشارع دلوقتى شوف الصينى عموما والأسبرانزا خصوصا مشيين ازاى بس احنا بس اللى علينا عفريت اسمه الصينى الصينى !!!!!!!!!!!!!!!!!

رد: نقطة حوار

اقتباس:

المشاركة الأصلية كتبت بواسطة khatemat.elmesk (المشاركة 314395)

ممكن تكون فى دخل السياره الصينية انت و أسرتك وتشعر بالأمان؟؟

وضح قصد حضرتك ايه بالامان ؟؟؟

قصدك وسائل الامان ولا ايه

رد: نقطة حوار

اقتباس:

المشاركة الأصلية كتبت بواسطة BASSEM BESO (المشاركة 314451)

شكرا لردك واهتمامك

رد: نقطة حوار

للاسف مشكلة الامان فى اوربا ليها اهميه كبيرة يعنى فى اختبارات تصادم فى فرامل ABS وكمان Air Bag بالضافة لتدعيم هيكل السيارة الخارجى وده مختلف تماما عن شروطنا المتمثله فى دعاء الحج والحاجه رضا زوجتك عنك والخرزة الزرقاء فى المرايه فانت اشترى الحاجات دى وربنا يسترها عليك وعلينا

رد: نقطة حوار

اقتباس:

المشاركة الأصلية كتبت بواسطة mostafaelsamahy (المشاركة 314480)

وضح قصد حضرتك ايه بالامان ؟؟؟

قصدك وسائل الامان ولا ايه

قصدى وسائل الامان واى مشكل ممكن تحصل على الطريق من طعتل السياره اومشاكل فنية

رد: نقطة حوار

هو عشان كلمة صيني الناس كلها بتقول يع لا ياعم بلا صيني بلا بتاع!!!

الصين متقدمه جدا بس احنا اللي مش على ثقه بمنتجاتها لاننا مش بنجرب وبعدين نحكم
احنا بنحكم عمياني بدون لاتجربه ولا حتى علم
الصين منتجاتها كلها في اوروبا ممتازه جدا
وعربيات الصين احسن من عربيات اليابان اللي بتنزل اوروبا
لكن هل احنا مستعدين نستعملها ولا اصلا بنقول لا من قبل كده ؟؟؟؟