|
الفتيس الأوتوماتيك - اجزاء واعطال
4 مرفق
الفتيس الأوتوماتيك الصندوق المرعب للبعض باهظ التكاليف فى صيانته صاحب المصطلحات الغريبه على الاذان
- محول العزوم - اسم شكله غريب -كلاتشات محروقه - نفس الطريقه المقلق للبعض فى استخدامه وكيفيه الحفاظ عليه حتى طريقه قياس مستوى الزيت ومواعيد تغييره مبهمه ومجهوله للكثيرين ونبدا من اول جزء من الجير مركب فى الموتور torque converter محول العزم مثبت بترس الفلام الحدافه فلاىويل فى نفس مكان الدسك و الأسطوانه فى الجير العادى الفنانين بيقولوا عليه القربه تتكون من 3 اجزاء يتحرك بداخلهم زيت الفتيس لتوليد ضغط يستخدم فى تعشيق الغيارات التوربين والمضخه وكلاتش اتجاه واحد واكس واصل بكلاتش الرئيسى داخل الفتيس محول العزم اعطاله قليله معظم مشاكله ان وجدت بسبب شوائب فى الزيت او كسر - وضعف ضخ الزيت نتيجه كسر فيه يسبب عدم انتظام فى النقلات لتذبذب حركته وهى اعطال نادره |
رد: الفتيس الأوتوماتيك - اجزاء واعطال
3 مرفق
جونات الفتيس هنقول انها مفيش منها مشكله طالما الفتيس متفكش
لكن لو اتفك من غير حرص يبوظ بالذات لو الفتيس قديم واول جزء ظاهر بعد كارتيره الزيت هو valvebody جسم الصمام المسؤل الرئيسى عن النقلات ووقتها وفى السيارات المزوده بecu و tcm بيكون مزوده بسلونيد كهربائى مسؤل عن تنفيذ اوامر النقل المرسله من كمبيوتر العربيه ودى الأجزاء الموضحه فى الصوره وظاهر بها فيش واسلاك وفى السيارات بدون ecu يكون التحكم فى النقلات للفتيس هيدروليكى كامل يتبع |
رد: الفتيس الأوتوماتيك - اجزاء واعطال
على الرغم من اعطال الفتيس الاوتوماتيك الا انه يعتبر الخيار المفضل للعديد من المستهلكين
والف شكر على الموضوع الجميل |
رد: الفتيس الأوتوماتيك - اجزاء واعطال
اقتباس:
|
رد: الفتيس الأوتوماتيك - اجزاء واعطال
5 مرفق
ودى صور لأجزاء جسم الصمام المستخدم فيه سولونيد كهربائى فى النقل والنوع ده من الفتيس الموجود فى العربيات المزوده ecu وtcm
واغلب العربيات حاليا بتنزل كده وكمبيوتر العربيه بيعتمد فيه على اكثر من حساس قبل ما يدى امر الفتح والغلق لسلونيد النقل زى حساس الثروتل - بوابه الهوا - وحساس درجه حراره الميه Water Temperature Sensor وحساس حراره الزيت موجود داخل الفتيس وضغط الزيت وبدال الفرامل حساس السرعه speed sensor turbine sensor وهمزه الوصل ما بين الحساسات وكمبيوتر العربيه هو علبه شبه كبيوتر العربيه فى الشكل وطريقه العمل tcm Transmission Control Module يتبع |
رد: الفتيس الأوتوماتيك - اجزاء واعطال
3 مرفق
والفالف عباره عن اكس صلب بتخانات مختلفه من اجل فتح وغلق مجر الزيت بداخل الخريطه شكلها شبه المتاهه لتحويل اتجاه الزيت للمكان المراد تحويل الضغط ليه والسوسته بجانبه دى عشان ترجعه تانى لأصله بعد فتح او غلق السلونيد الكهربا ويوجد بجانبها واضحه فى الخريطه اكسات مشابها لها تعمل منظم للضغط والأجزاء دى نادر حدوث تلف فيها الا لو حصل التصاق لفالف او تلف سوسته وزيت خفيف زى زيت الباور مش هيعمل ده او تكون حاجه مكسوره اتحشرت فى مجراه وعشان كده سعر الفالف بودى فى المستعمل كلام خايب لكن تجار الذمتين يبعوا لواحد بقرش ولتانى بعشره
|
رد: الفتيس الأوتوماتيك - اجزاء واعطال
4 مرفق
ويوجد داخل جسم الفالف مصافى لحجز الشوائب وتنضيفه سهل عن طريق وضعه فى بنزين ثم نفخه بضغط هوا ضعيف عكس اتجاه المصفى
ويوجد على جسم الفالف بودى shift solenoid شكله شبه مواتير العربيات اللعبه المبدعين بيقولوا عليه مقاومه وكل سلونيد اواكتر مسؤل عن نقله عن طريق فتح اوغلق مجرى الزيت الواصل للفالف اللى زى ما ذكر بحركته بيوجه ضغط الزيت للتعشيق الغيار المطلوب والسلونيد متشابه بشده مع اللقاط الأتوماتيك بتاع المارش نفس الطريقه مع اختلاف الشكل والوظيفه وبيكون على وشه مصفى واويل سيل لأحكام مرور الزيت عن طريقه فقط ومعظم السلونيد فى الشكل واحد يكاد يكون مقاس استاندارد مع اختلاف شكل ومكان الربط |
| الساعة الآن 06:03 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017