انا عاوز رأيكم (مستعمل ولا جديد بالقسط)
عاوز رأيكم
- انا لسة بتعلم السواقة - و معايا 40 الف جنية - و محتار اجيب عربية مستعملة كاش ولا جديدة قسط و ادفع ال 40 الف مقدم و قسط شهرى 800 جنية - و لو رأيكم عربية كان مستعملة !!! اجيب اية ؟ بس المهم تكون حالتها كويسة و فبريكة بالكامل و موفرة للبنزين و قطع غيارها متوفرة [IMG]http://www.**********.net/Nile/images/smilies/U_thin1%5B1%5D.gif[/IMG] |
رد: انا عاوز رأيكم (مستعمل ولا جديد بالقسط)
انا فى رئيى المتواضع انك تجيب مستعمل .. ممكن اكسنت 2004 , 2005 بحاله جيده او دايو
السعر مناسب وهتترحم من القسط .. واى خربشه صغيره فيها لا قدر الله مش هتزعل ولما تيجى تبيعها مش هتخسر |
رد: انا عاوز رأيكم (مستعمل ولا جديد بالقسط)
انا مع الاخ الفلاح المصري بالنسبة ان الاصلح ان حضرتك تجيب مستعمل بس لو كرولا او صني يكون افضل وسيبك من الكوري والتقسيط ووجع الراس والله الموفق وربنا يستر عليك
|
رد: انا عاوز رأيكم (مستعمل ولا جديد بالقسط)
صباح الخير دلوقتى انت بتقول يا مستعمل يا تقسيط المستعمل لازم يكون حاجه نضيفه والا بلاش منه والتقسيط بلاش منه اصلا وانت لسه فى الاول عشان متخسرش كتير يعنى زى ما اخواتك قالو وعموما ربنا يوفقكك ويرزقك بالخير ويحميك من شرها :waving: |
رد: انا عاوز رأيكم (مستعمل ولا جديد بالقسط)
شكرا يا جماعة على الأهتمام و النصائح
- بس رأيكم اجيب اية فى حدود ال 40 الف ؟ بس المهم تكون حالتها كويسة و فبريكة بالكامل و موفرة للبنزين و قطع غيارها متوفرة |
رد: انا عاوز رأيكم (مستعمل ولا جديد بالقسط)
طالما اول عربية ليك لسة يبقى مستعمل افضل ليك . عشان اكيد هتتخبط منك حاجات بسيطة ودا هيزعلك جدا . لكن لو مع عربية مستعملة حاجة بسيطة مش هتفرق معاك كتير . وكمان ميزة المستعمل انك بتدور فى السوق وبتلف وتروح هنا وهنا ومنها تتعلم صح وتستفيد وتبعد نفسك عن حوارات القسط والمسؤلية والالتزام بتاع القسط . وبعد كدة قدام شوية بيعها ممكن تخسر فيها حاجة بسيطة هات ليك عربية زيرو ادفع السعر اللى بعت بيها وقسط بعد كدة لو حابب فكرة التقسيط
|
رد: انا عاوز رأيكم (مستعمل ولا جديد بالقسط)
أنا رأيى سيارة دايو لانوس موديل 2000 أو اكثر فى حدود 40000 جنية قطع غيار سعرها معقول وحجمها معقول خصوصا وانت لسه بتتعلم
|
الساعة الآن 12:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017