ABS + EBD
حبيت انهارده اجيب ليكو صور عن الABS و كمان اشرحلكوا شرح مبسط عن اللى انا فاهمه عن الABS تمام و لو حد عنده معلومه عن الABS ياريت مايتاخرش و يفدنا بيها
الABS زى ما احنا عارفين فى مصر انه نظام فرامل بيساهم فى من ازلاق السياره فى حاله الفرمله الجامده على سرعات و كل الناس فاهمه انها مدام معاها الجهاز ده فى العربيه يبقى خلاص تمشى و تدوس بنزين على الاخر و مش مهم خلق الله اللى فى الشارع انا بس عاوز اقول حاجه واحد ان الABS فعلا بيساهم فى ايقاف العربيه لكن مش ده الدور الاساسى بتاعه هو مهمته انك فى حاله الضغط على الفرامل جامد العربيه بتمسك فى الارض فتيجى تحاول تجيبها يمين او شمال و انت دايس فرامل العربيه مش بتلاقيها بتيجى معاك و ده نظرا لان العربيه بتتحرك فى اتجاه الكتله بتاعتها لكن اول ما تشيل رجلك من على الفرامل و انت محود مثلا هتلاقيها حدفت معاك على طول على الاتجاه ده و ده طبعا ممكن يسبب حوادث بالتالى جت فكرره الABS و هو عباره عن جهاز بيستشعر بمجرد الضغظ الجامده على الفرامل فبيقوا بعمل نبضات عباره عن و كائنك بتدوس فرامل و تسيب على البدال بس انت مش بتعمل كده الجهاز هو اللى بيعمل كده و بالتالى بتحس ان دواسه الفرامل عماله تطلع و تنزل تحت رجليك كتير جدا بالتالى فى الحاله دى تقدر تجيب العريه بتاعتك يمين و شمال و تتحكم فيها اثناء الفرامل الخطره اسيبكوا بقى مع الصور (كان فيه ناس فكره ان الABS بيبقى موجود على المستر مع كل عجله لكن ده مش صحيح الجهاز بيكون موجود داخل حوض الماتور و بيتوصل بعد كده الى العجلات الاربع بواسطه انابيب حديديه ) ارجوا انى اكون قدرت افيد فى حاجه يا جماعه و اللى عنده معلومه جديده يقول مافيش مشكله الصور http://img206.imageshack.us/img206/9171/s008zq2yc5.jpg http://img151.imageshack.us/img151/4296/s010ki9hc4.jpg نيجى بقى لل EBD هو بيوزع ضغط الزيت بانتظام على الاربع عجلات فى حاله تماسك عجله عن الاخرى علشان يمنعها من انها تقفش و برضو بيساعد على اتزان السياره لان لو عجله قفشت فبل التانيه هايخلى العربيه تعوم منك ازاى لانه بيخلى توزيع ضغط الفرامل بشكل يحافظ على عدم اتختلال توازن العربية فى الملفات... لو حد كبس فرامل جمدة شوية فى ملف حيلاقى عربية بتحود زيادة فى الملف ارجوا انى اكون افدتكوا و ياريت لو حد عمده معلومه يتفضل بطرحها هنا |
رد: ABS + EBD
شكرا على الإفادة
|
رد: ABS + EBD
موضوع مميز
الف شكر علي المعلومات |
رد: ABS + EBD
كلام مفيد يا احمد شكرا ليك
|
رد: ABS + EBD
متشكر جدا يارجاله على الكلام الجميل ده و ياريت لو حد عنده معلومات عن انظمه الفرامل المختلفه يتفضل و يقولنا عليها
|
رد: ABS + EBD
تسلم ايدك يا ابو حميد ....
في نقطتين بس احب اضيفهم ان من اكتر المواقف الي بتظهر فيها اهميه الABS ... المطر ... لأن السيطره على العربيه بتكون صعبه جدا و اي فرمله بتزحلق العربيه على طول .... فبيقوم ال ABS بمنع قفل الفرامل و بالتالي يفضل العجل يدور اقل عدد لفات يسمح له بالتماسك مع الطريق وبالتالي يستمر التحكم في العربيه و منع الانزلاق الحاجه التانيه ان النظام ده بيقلل مسافه التوقف لانه بيمنع انزلاق العجل (العربيه تزحف) |
رد: ABS + EBD
موضوع جميل
بص يا باشا بيكون فى 4 حساسات لكل عجلة حساس بيقيس سرعتها طريق وضع ما يشبه ترس على كل صرة من الصرر الخاصة بالعجل و الحساس بيقيس السرعة عن طريق التقطيع اللى بيحصل لما الترس بيلف امامه بمعنى هناك سنة و بعد السنة فراغ و بعد الفراغ سنة و هكذا و يتم غرسال الإشارات من الحساسات الى الكونترول يونت control unit و بالتالى نستطيع تحديد سرعة كل عجلة و عند الضغط على الفرامل تعمل قدمك كمضخة تضخ زيت الباكم الى العجلات للفرملتها و يعمل ال ABS uعلى عمل خفض او Release للضغط إذا إحتجنا ذلك و انت ضاغط على الفرامل ثم يعود تاثير الفرامل عند غنهاء عمل الخفض للضغط ثم عمل خفض للضغط و هكذا حسب متطلبات الطريق و البيانات المرسلة لوحدة التحكم عن طريق الحساسات |
الساعة الآن 12:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017