![]() |
النصب العلنى فى توكيل شيرى CIG
مفاجأه من العيار الثقيل بالنسبه لى كادت ان تطيح بباقى الامل لى فى سيارتىذهبت الى مركز الوكيل الموقر وكيل شيرى CIG فى مدينه العبور لعمل الصيانه الدوريه على سيارتى والتى ازداد بعد كل مره اصرارا على عدم الذهاب مره اخرى اليهم قلت لمهندس الاستقبال اننى لا ارغب فى تغيير زيت او فلتر لان الزيت الموجود جديد والفلتر جديد ولكن المهندس الموقر المدرب على امتصاص الناس رفض وابى وافاد ان الصيانه لابد فيها من تغيير الزيت والفلتر وكأن هذه العمليه تحتاج الى مهارات خاصه ولا يقوم بها اقل صبى فى ادنى محطه بنزين وبعد اجراء الصيانه دفعونى 420 جنيه عدا ونقدا قبل استلام سيارتى وبعد ذلك روحت ومشيت بالسياره 4000 كيلو تقريبا وسحب السياره طول الوقت لا يعجبنى ناهيك عن التسقيف وكل شويه تبطل وكانها من العصر الماضى فذهبت بها الى ميكانيكى فافاد ان الزيت الموجود محروق ولابد من تغييره وعندما ذهبت لتغيير الزيت فوجئت بان زيت سيارتى لم يتم تغييره فى التوكيل ولا الفلتر الذى قمت بشرائه بنفسى واننى مشيت على نفس الزيت ضعف المسافه التى يقطعها وذلك بسبب السرقه التى نعيش فيها من توكيلات وفنيين واداريين لا ضمير لهم ولا هم لهم الا كسب 150 جنيه زياده على حساب حرق موتور سياره اشتريتها بثلاثه اضعاف تمنها الاصلى واردت ان اكشف زيف هؤلاء اللصوص حتى يقوم كل من اوقعه حظه للتعامل مع هذه الفئه بمراجعه سيارته والكشف عما يتم قبل ان يغادر هذا الوكر فلم تعد السرقه فى الفلوس فقط ولكن ممكن ان تصحو فلا تجد سيارتك نفسها وحسبنا الله ونعم الوكيل
|
رد: النصب العلنى فى توكيل شيرى CIG
حسبنا الله ونعم الوكيل
ده نصب وسرقه |
رد: النصب العلنى فى توكيل شيرى CIG
ولما حضرتك إكتشفت الموضوع ده روحت التوكيل؟
كان إية رد فعلك؟ مستنى الإجابة بفارغ الصبر |
رد: النصب العلنى فى توكيل شيرى CIG
المشكلة ان كل مراكز الصيانه حتى الخاصه لايدعونك ترى ماذا تفعل فى السيارة وبيضجكوا على الناس باستراحه فيها تلفزيون و مجلات وشاى وقهة مجانآ علشان الزبون يتلهى على عينع ويدفع وهوه فرحان ويطلع متحسسآ قفاه وهو بيقول ( والله ناس ذوق ذوق بصراحه !!! )
Dr. Bolbolan ptmnlo123per1127 |
رد: النصب العلنى فى توكيل شيرى CIG
بجد فعلا عندك حق يا Dr. Bolbolan حاجه غريبه جدا ز يا جماعه دى عربيتى انتو هتخبوها عنى ليه
اكيد مش هيخبوها هما عايزين يخبوا اللى بيعملوه فى العربيه |
رد: النصب العلنى فى توكيل شيرى CIG
كان المفروض ترجع لهم التوكيل تاني و تشوف رأيهم ايه
|
رد: النصب العلنى فى توكيل شيرى CIG
السلام عليكم
اولا انا شاكر مروركم الكريم بصراحه يا جماعه انا دمى محروق وحاسس انى ها اطق ولن ينفع فى ذلك كلمات العتاب من نوع احنا آسفين ودى غلطه والكلام اللى لا يودى ولا يجيب من نوع الضحك على الدقون انا نفسى لو اى حد من حضراتكم يفيدنى قانونا ازاى اقدر اتعامل مع اللصوص دول لو سرقونى تانى لانى نفسى ان الدوله تجيب لى حقى من النصابين دول وغيرهم واظن احنا كلنا فى الهوا سوا فى موضوع نصب التوكيلات وانا باقترح اننا نعمل فى المنتدى باب قانونى يشرف عليه اهل الاختصاص من القانونيين لتعريفنا نعمل ايه فى المواقف اللى زى دى وفين حمايه المستهلك اللى بنسمع احيانا عنها عنوانهم ايه بدل ما الواحد يحس بالقفا ومايعرفش ياخد حقه آسف للأطاله اعذرونى تحياتى للجميع |
الساعة الآن 08:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017