|
المـــــــــرسيـــــــدس : ارجو الدخول من الجميــع
السلام عليكم يارب تكونو بخير شباب لو تسمحو تسمعونى و تحولو تفهمونى انا شاب كويس مدياا الحمد لله و معايا فلوس اجيب مش مرسيدس لا اجيب همر بالله عليكم سعر اقل عربية مرسيدس جديدة مثلا ال C180 عملة 310 الف عربية بنت ناس و اشهدلها بالعشرة و احسن عربية فى مصر وانا نفسى فيها طبعااا بالله عليكم اجيب وحدة بى 310 الف ولو اتجرحت جرحة قد كدة اعيط عليهاا ؟؟؟ ولمة سعر عربية بى المنظر دة تجيب 3 عربيات موديل 2010 يبقا حرام ولا لاء ؟؟ معلش يا جماعة اعقلوها بس انا عرف ان كل العربيات زبالة معادا المرسيدس و البى ام و الصناعة الامنية متفوقة معلومة صغير ( سعر العربية دى الى هيا C180 فى المانيا على الرصيف مش يعدى ال 10 الف دولار 65 الف جنية مصرى ) زيروو طبعاا لكن احنا فى مصر لزم طبعااا المهم من كلامى دة انا مش عرف الناس الى بتجيب عربيات بى نصف مليون و 300 الف دول جين منين :D تعالو نحسبهااا لو جبت عربية عدية زى بقيت الناس و هيا كيا سيراتو بى 120 الف جنية كملة و الكامل هوة الله 310 - 120 = 190 الباقى ال 190 الف دول يجبولك اية ؟؟ شقة عربيتين كمان تفتح كافية تعمل مشورع صغير تحتهم فى البنك يجيوبك كل شهر حولى 8 الف تبنى بى ربع ال 120 مسجد تخش بية الجنة بس كدة يارب اكون مش غلطان و احب اشوف الناس رئيها اية شكرااا ليكم |
رد: المـــــــــرسيـــــــدس : ارجو الدخول من الجميــع
السلام عليكم
اللى انت بتقوله ده يا باشا عملية نسبية بحتة و انا فكرت فى الموضوع ده كتير جدا قبل كدة و الحكاية دى مش فى العربيات بس .. يعنى فرضا انت عاوز تجيب شقة ... ما انت ممكن تجيب شقة ب 60 الف و ممكن تجيب شقة ب 6 مليون و الفرق بين الاتنين طبعا معروف ... المنطقة ,, المساحة ,, الكماليات ,, ,,,,,, الخ الفكرة انت تقدر على تمنها ولا لأ و لو انت تقدر .. هل عندك استعداد تدفع الفلوس دى فى شقة ولا لأ ؟؟؟ ما انت ممكن تجيب حاجة وسط و تجيب بفرق الفلوس حاجاااات كتييييييييييييييييييييير قوى زى ما انت وضحت فى مثالك عن العربيات طيب تقول ايه بقى فى الناس اللى بتجيب رولز رويس و مرسيدس أس ال أر (اغلى من الرولز) و بوجاتى و الحاجات دى ,, اللى اسعارها فى بلادها ملايين الملايين (بالجنيه المصرى طبعا)... بص يا باشا ... انت شايف ان دفع مبلغ كبير فى عربية احسن و اقوى انه نوع من السفه ... خلاص اعمل زى ما انت بتقول .. هات عربية ارخص و اعمل بقرق الفلوس كل اللى انت عايزه بس برده اشعرفك ان اللى راكب الشبح ولا الهمر و لا الفيرارى حتى مش عامل مشاريع خيرية مثلا قد تمن العربيات دى عشر مرات ....؟؟؟ و انت نفسك .. لو هتحسبها كدة .. ليه تركب سيراتو و تدفع 120 الف ... ما تركب جيتز مثلا و تعمل اى حاجة بفرق الفلو س ..... مش صح برده ولا ايه .............. شفت بقى .. يعنى العملية نسبية بحتة و كل واحد و تفكيره و ربنا يبعدنا جميعا عن السفه يا رب و انا عن نفسى لو ملياردير ... يعنى اقدر اجيب عشرميت عربية .. هجيب عربية واحدة او اتنين بالكتير بس تكون واحدة منهم مرسيدس ... هههههههههههههه و طبعا ماتنساش ان العربيات فى مصر حتى الرخيص منها سعرها مبالغ فييييييييه جدا .... اخيرا يا باشا .. فيه ملاحظتين على كلامك.... اولا ....هل انت متأكد ان السعر العادى لل C180 الزيرو موديل السنة فى المانيا لا يتعدى 10 الف دولار؟؟؟؟؟؟ ثانيا .. انك تبنى جامع .. مش هو ده اللى هيدخل الجنة ...انت تبنيه و تدعى ربنا انه يتقبله منك.. ( و ربنا يرزقنا الجنة جميعا يا رب) .... و اكيد تكلفة الجامع مش هتكون 30 الف جنيه اللى هى (ربع ال 120 الف ) |
رد: المـــــــــرسيـــــــدس : ارجو الدخول من الجميــع
والله انا شايف انا فعلا مفيش حد بيجيب العربيات التوب ديه الا واذا كان معاه قد تمنها الف مره
وزي ما بيقولك اللي معاه قرش ومحيره يجيب حمام ويطيره طيب ما مثال صغير اللعب محمد ابو تريكة ماهو معاه بي ام دبليو الفئة الخامسة ويقدر يجيب اعلي منها بمراحل وبسم الله ما شاء الله انسان يعرف ربنا وخير يعني مش شرط ان اللي يبجيب عربية مرفها انه مبيكونش بيعمل اعمال خير |
رد: المـــــــــرسيـــــــدس : ارجو الدخول من الجميــع
العمليه نسبيه و حسب احتياجات و تطلعات الفرد نفسه
انا واحد من الناس لو معايا تمن المرسيدس حجيبها مش حتردد لانها حتقدم ليا اكتر من السيراتو بكتير ثبات و قوه وتحمل و راحه و دلع :) السفه بقي اني اروح اشتري لها رقم ب 100 الف مثلا علشان تبقي مميزه فالعمليه فعلا عمليه نسبيه فيه غيري معاهم فلوس كتير جدا و يركبوا عربيات اعلي من المرسيدس و تلاقيه راكب 128 !!!! و الله شفتها قدام عيني و كان تاجر غزل و معاه من الفلوس يوزني و انا واقف كده:) و راكب عربيه 128 عاده كمان موديل 74 و مبسوط بيها و مش عاوز غيرها. كل واحد شايف نفسه كده صح |
رد: المـــــــــرسيـــــــدس : ارجو الدخول من الجميــع
انا مع واحد عندو 100 مليون
ال 310 الف دول مش هينقصو حاجة منهم |
رد: المـــــــــرسيـــــــدس : ارجو الدخول من الجميــع
السلام عليكم
انا حاسس ان ردود الاعضاء الكرام ما مستش النقطة اللي أثرها صاحب الموضوع هو مش بيتكلم عن واحد عنده 100 مليون وخلافه هو بيتكلم عن واحد معاه مثلا 400 الف او حتي نص مليون وهل يدفع معظم ما يملكه في سيارة عشان يحس بالرفاهية يعني واحد ال 100 الف مش حاجة هينه معاه مبلغ جامد وشقي فيه جامد تمام ومعلش يا جماعه موضوع السيارة يفرق عن البيت الي حد كبير ليه بقي لان شقه ب 200 غير شقه ب 100 بتفرق في المكان والمساحه والجيران وحجات كتير اما السيارة ففيه رنج معين اسمه محترم والسيارة لما بتوصله تسمي محترمه ولما بيزيد عن كده الفروقات قد لا تكون واضحة الي حد كبير يعني مثلا التويوتا كرولا عربية محترمه جدا في رنج سعر محترم وبتعطيك احترام وبتحسسك بشعور جميل الي آخره طب ليه ادفه 50 الف اكتر واجيب الاوكتافيا مثلا الاوكتافيا هتديك نفس المشاعر بالظبط طب ليه ادفع ال 50 الف دول كاملين زياده وملحوظة(موضوع الماني وياباني ليس صلب الموضوع لانه نسبي من دولة لدولة هناك دول الالماني لا يمثل لها اي شئ وكذلك الياباني) او مثلا ليه ادفع تمن الاوكتافيا لما ممكن اجيب الباسات عملية حسابية غير منطقية. وليه اجيب المرسيدس السي لما ممكن اجيب الباسات واوفر 100 الف جنيه. طالما انا وصلت لمستوي اللي انا عايزه من العربية ليه ادفع في حاجة ليست بالفخامة المعتبره لان المرسيدس فئات الاس دي الهاي للاغنياء اوي وال e المتوسطه طب السي للي تحت طيب انا شايف انها حجما جنب الكرورلا او الاوكتافيا زي بعض وجنب الباسات الباسات افضل الموضوع ده دايما أسئله لنفسي بس مجربتش اسئله لحد |
رد: المـــــــــرسيـــــــدس : ارجو الدخول من الجميــع
تعقيبا
انا لم اقصد الإسائة اطلاقه لاي شخص معاه اقل من كورولا مش قصدي انا خدت مثال مش اكتر بالعكس انا احترم جدا الشخص اللي يعتبر ان السيارة وسيله مواصلات وليست وسيله ترفيه وثانيا في شئ حبيت اذكره ان صنائع المعروف تقي مصارع السوء وان في في المستشفيات الحكومية ومستشفيات الطوارئ حالات صعبه جدا ومرضي بغسلو كلي ومرضي تليف كبدي ومن جميع انواع الامراض والاشكال والالوان يعني مش لازم ابص دايما لنفسي من الجميل اني اكون انسان خير واساعد ناس متلهفه للمساعده في لحظات صعبه مش عارف اعذروني مبعرفش اعبر لكن وجهه نظري مش لازم اطلاقا ان يكون عندي عربيه من الغاليين طالما معايا عربيه جيده راضي عنها لكن لو انا عندي فلوس فايضه اوي عن حاجتي ممكن افكر اساعد بيها حد ومش لازم اوزعها يعني فيه افكار للخير كتيره جدا جدا جدا لكن نسعي وشكرا |
| الساعة الآن 05:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017