![]() |
عاجل 000000 الى البروتانية
أخوانى البروتانية 0000000
السلام عليكم ورحمة الله وبركاتة أمتلك سيارة بروتون واجا 00000 بس بسراحة والله رائعة وربنا يبارك لكل واحد يمتلك سيارة بروتون بس فية عيب صغير أنى أسمع صوت زقزقة فى العربية من الخلف ( صوت أحتكاك حديد فى بعضة ) أثناء وجود مطب أو حفرة خاصة عندما تمر تحت العجلة الخلفية الشمال أما العجلة الخلفية اليمين حينما تمر على حفرة أو مطب فلا أسمع الصوت فى التوكيل قالولى دة صوت أحتكاك قفل الكنبة الخلفية ومع ملاحظتى أجد أنة حينما أقوم بغسل العربية فى البنزينة يختفى الصوت وبمجرد أنها تنشف منها مياة الغسيل يعود الصوت مرة أخرى وهذا ما حدث معى فى التوكيل حينما أستلمتها بعد الصيانة فهم يقومون بغسلها فحينما سرت بها لم أسمع صوت الزقزقة فقلت لقد قاموا بأصلاحها وحينما نشفت من المياة عادت الزقزقة أذا ليس للكنبة الخلفية أية علاقة بذلك فالرجاء من يعرف السبب يقولى لأنى حاسس أن العربية كلها متفككة حاسس أنى راكب تكتك مش عربية ب 85 الف جنية كمان فية ملحوظة على التوكيل فى صيانة ال 5000 كيلو أفادونى أن الصيانة عبارة عن تغيير زيت - تغيير فلتر الزيت - تنظيف فلتر الهواء - تربيط العفشة + المصنعية - الساعة ب 75 جنية وعند أستلامهم للعربية قالولى قدامك ساعة ونصف علشان عندنا ضغط شوية وبعد أقل من نصف ساعة فوجئت بأن العربية خلصت من الصيانة وأتغسلت فهل هذا الوقت كافى لعمل هذة الصيانة ومش من المفروض فى الصيانة يقوموا بضبط أتزان العجل وضبط ضغط الكاوتش والنظر الى تيل الفرامل والنظر الى جسم العربية من الأسفل فهم لا يقومون بذلك وما هى البنود التى يقومون بعملها فى صيانة ال 10000 كيلو لأنى سأقوم بعملها |
رد: عاجل 000000 الى البروتانية
أية يا أخوانى مفيش حد خبير عندة أجابة
|
رد: عاجل 000000 الى البروتانية
أية يا جماعة 15 واحد يقرأ الموضوع ولا واحد عندة رد
أو عن تجربة |
رد: عاجل 000000 الى البروتانية
أية يا أخوانا 26 يقرأ الموضوع ولا واحد عندة كلمة
|
رد: عاجل 000000 الى البروتانية
ألف ألف ألف شكر يا رجالة
|
رد: عاجل 000000 الى البروتانية
والله نفسي أفيدك بس فعلا معنديش معلومات
بس موضوع الصوت ده أظن اني سمعت عنه في الجين2 وكان فعلا قفل الكنبة او حاجة زي كده بس بصراحة حسيت انك بتبالغ شوية في موضوع التوكتوك ده الموضوع مش كبير اوي يعني كده |
رد: عاجل 000000 الى البروتانية
ألف شكر على مرورك أخى الفاضل master.formats
صدقنى ردك أثلج صدرى بس صدقنى بحس أن العربية لما تعدى على مطب أو حفرة أحس أنها متفككة من بعض أبن عمى أشترى عربية مستعملة موديل 2006 ميجان وركبت معاه مخصوص علشان أسمع أى صوت للعربية ففوجئت أنه لا يوجد أى صوت نهائى للعربية حينما تمر على مطب أو حفرة حسيت أن العربية قطعة واحدة متماسكة فحزنت كثيرا على عربيتى ألى أنا لسة شاريها زيرو من 5 شهور فيا ريت حد يدلنى على الحل |
الساعة الآن 12:55 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017