مصر موتورز مجتمع السيارات - مساعدة ،، تركيب تربو لفلوينس 2012

اشكركم

بص مبدائيا مش هينفع يركب على الموتور بتاعك تشارجر لأن الفلورينس على حد علمى بتكون السبيكة بتاعتها من معادن خفيفة و مش بالقوة اللى تتحمل الشارجر او النيتروز

مش عندك مساحة من الامام عشان تحط راديتور اضافى للتربو اللى بيركب على الشكمان

الخيارات المتاحة ليك:

هتركب تربو بعلبة تروس مدمجة على خط سير الدينامو و طبعا هيتعمل قاعدة و شداد للتعديل ده و هتغير مقاس السير بيزاده مش هتقل عن 300 مم و مش هتزيد عن 450 مم فى اقصى تقدير

او هتلغى عمة الهواء خالص اللى فى الجمب و تسقط مكانها تربو 2 تربينة كهرباء مكانها و هيفضل الاير ماس و خرطوم الهواء زى ما هو لكن طبعا خرطوم الفايظ

فى كلا الاحوال هيتعدل على غويشة هتركب بين الهواء اللى جى من التربو و خرطوم اللى راكب على الثيروتل

بالنسبة للتكاليف

التربو على خط الدينامو

التربينة 450 ج
علبة التروس 300 ج
اجرة الخراط 80 ج
قاعدة التركيب بالشداد 250 ج
السير المانى مش هيقل عن 150 ج و مش هيزيد عن 200 ج
اجرة الميكانيكى اللى هيركب 200 ج
فلتر هواء و خراطيم و انابيب التعديل 50 ج

الاجمالى كله 1480 جنيه مصرى

لو حبيت تعمل نسخة احطياتى من التربو ده لو بوظت او خربت حاجه فيه بتضرب الرقم ده فى 2 و تشيل منه اجرة الميكانيكى و الانابيب يعنى 1230 ج اضافية

التربو الثنائى كهرباء

تكلفة التربنتين لو فيبر 160 لو المونيوم 240 ج
تكلفة الموتورين الكبار كهرباء 400 ج
تكلفة القواعد و خراطيم الربط 100 ج
تكلفة التريجر الاسلكى 50 ج
تكلفة الكونترول يونت بميكرو كونترولر PLC ببرمجته و سينسور معدل الدوران 200ج
تكلفة الفلتر و التوصيلات بينه وبين العربية 50 ج
تكلفة المصنعية 400 ج تصنيعه و تركيبه

اجمالى التكلفة 1440 لو حبيت تعمل نسخة اضافية فى حال كسرته او خربته هتضيف 1240 للمبلغ بدون مصنعية التركيب

الارقام دية ممكن تزيد او تقل 10 ج او 20 ج فرق قطر التربينه و ده بناء على القياسات اللى هتتاخد من موتورك عشان تكون كل حاجه راكبه على مقاسك

لو حبيت تضيف دورة تبريد مصغرة لأى تربو من دول هتشترى 4 ثيرمو كولر من رام او راديو منير سعر القطعة فى السوق 65 ج و سعر الهيت ثينك 3.5 ج

مش هقدر احدد مقاس التربينة بالظبط ولا معدل الدوران اللى هتتظبط عليه مواتير الكهرباء او تتصمم بيه علبة التروس الا اما اشوف المكنة بعينى و شوف السحب و عداد الار بى ام و الثيروتل بتسحب قد ايه هواء و الشكمان بيطرد قد ايه و اعرف نسبة الانضغاط و النسبة بين البنزين للهواء