استفسار بخصوص الكارونة
 

أنا عندي ونه جايه من السيارة من الخلف (سيارة فيات 132) - طبعاً الونه لا تظهر إلا عند رفع رجلي من على دواسة البنزين - ولم أدوس بنزين بتختفي .
فيه ميكانيكي قاللي دية كارونه .
وواحد تاني قاللي بلية كارونة .
وواحد تالت قاللي بلي العجل .
وأنا مش عارف أصدق مين فالرجاء المساعدة (مع العلم إني عندي بوش صغير في العجلتين اللي وره)

رد: استفسار بخصوص الكارونة
 

اعتقد ان الصوت من الكارونة ... فى الغالب صوت البلى بيفضل شغال على طول ... و كذلك صوت بلى العجل
فى انتظار رأى اخر من الاعضاء الكرام

رد: استفسار بخصوص الكارونة
 

مهو ده اللي محيرنا صوت البلي بيفضل شغال على طول - طيب يعني المفروض أسمعه سواء رفعت رجلي من على دواسة البنزين أو دست بنزين - المشكلة إني مش بسمع الونه غير لما أرفع رجلي من على دواسة البنزين

رد: استفسار بخصوص الكارونة
 

الموضوع ده حصل معايا من فترة ... و الصوت فضل يزيد ... و اكتشفت ان صامولة البنزيون كانت مهوية .. و صوت الونة ده كان من البنيون .. و كان بيظهر اوى لما اشيل رجلى من على البنزين

رد: استفسار بخصوص الكارونة
 

هو فين مكان صامولة البنيون دية عشان أربطه - على فكرة أنا كنت مغير أولسيه الكارونه من فترة ممكن يكون الميكانيكي مربطش كويس - ويا ريت مكان صامولة ا لبنيون ولو ممكن أققدر أربطها بنفسي

رد: استفسار بخصوص الكارونة
 

انا مش متأكد اوى من ال 132 ..و لكن على ما اتذكر ....
حضرتك بتفك الكردان من ناحية الكارونة ... 4 مسامير على فلانشة بعد الصليبة الخلفية ... حتنزل الكردان على الارض ... او حتعلقه على جنب ... اهم حاجة .. المشرشر الامامى ميلمسش التراب
لما تنزل الكردان حتلاقى صامولة كبيرة تحت الفلانشة الى فكيتها .. و دى رابطة البنيون مع فلانشة الكردان ... تأكد انها مربوطة كويس ... و خلى بالك ساعات بيكون فيه تيلة زنق

لما تيجى تربط خلى بالك ان العجل حيلف فى الهواء
اعذرنى انا مش متأكد من ال 132
متابع معاك

رد: استفسار بخصوص الكارونة
 

فيه موضوع هنا فى المنتدى عن اللادا ... ممكن يكون مفيد لحضرتك
كتالوج لادا 2107 , 2105 .2104 و Lada workshop manual صور و pdf لعيون كل الاعضاء - مصر موتورز مجتمع السيارات

و ده موضوع تانى ممكن يكون مفيد لحضرتك
مجموعة الادارة النهائية (الكورونا) - الصفحة 5 - مصر موتورز مجتمع السيارات

بالمرة متنساش تشيك على الصلايب