عايز روشتة علاج للبوجيهات المهببة من دكتور ؟
 

عندى سؤال محيرنى جدا

بوجيهات العربية بتهبب بسرعة

غيرتها كذا مرة

ويطلع العيب منها

حتى الاصلية بلاقيها مهببة

وانا بصراحة زهقت كل يومين ثلاثة اطلعهم وانضفهم وادور

تدور العربية صاروخ من اول تكه

انا عايزهم يكونوا مش مهببين

وعايز اعمل الموضوع ده بنفسى

مش عايز اروح لميكانيكى والبركة في مشرفين المنتدى و اعضاء المنتدى المهندسين

والخبراء ربنا يبارك فيكم جميعا ويجازيكم عنا كل خير

لان المعلومة الى بناخدها منكم بتوفر علينا تعب رهيب واستغلال مفرط واشتغلالة الميكانيكية

وعلمكم ده فى ميزان حسناتكم بإذن الله

العربية بتاعتى 128 ولسه كنت طالع من مشكلة والفضل لله ثم لمشرفى القسم

والاستاذ سمير عياد والاساتذة الافاضل احمد على و الاستاذmr astra والاستاذ atgps

وغيرهم كثيرون اخاف انسى اسمائهم

كلهم على راسى وأفادونى كثير


العربية 128 1300 سى سى
الكاربيراتير weber 32
جديد

واحد باب

فيه مسمار سلانسيه

وفيه مسمار هواء

وبك سلانسيه خارجى مقاسه 50

بك السرعة داخلى مقاسه 125

الشفاط جديد راكب وزى الفل

فلتر الهواء جديد

عمه الهواء جديدة

صناعة يوغسلافيا

راكب بقاله 3 او 4 شهور

بدون اى شكوى منه

بدات العربية تعمل الموضوع ده وتسبب عدم دوار السيارة بسرعة وكمان رجه على
السلانسيه

وطلع العيب فى النهاية البوجيهات

انها بتهبب بسرعة

الكاربيراتير القديم فكيته وعندى واتعلمت فيه وعرفت كل جزء فيه

عايز اضبط الكاربيراتير بنفسى بطريقة علميه

عايز اضبط مخلوط الهواء والبنزين بطريقة صحيحة مرتبه دون الاعتماد

على طريقة بليه الميكانيكى الى بيعتمد على الصوت وشفته كذا مرة وهو بيعمل كده

وكمان عايز اعرف ازاى اختبر العوامة الى عندى بطريقة بسيطة وسهلة واشوف

العيب فيها ولا لا

واشتريت بك سلانسيه 50 وبك سرعة 125 جداد

ومستنى تعلمونا ازاى وتوجيهاتكم والكل بيستفيد

وانا هفك الكاربيارتير خالص واصورة بالكاميرا الديجيتال وابعت ليكم كل جزء فيه

علشان الكل يستفيد وناخد الاجر معاكم

وانتم وجهونى وهبعتلكم النتيجة اول باول لغاية ما الكاربيراتير يتضبط

وجزاكم الله عنى وعن كل زائرى المنتدى خيرا

رد: عايز روشتة علاج للبوجيهات المهببة من دكتور ؟
 

رد: عايز روشتة علاج للبوجيهات المهببة من دكتور ؟
 

ممكن تعمل تحليل أولا

علشان أحاول أشخص صح

ملحوظه

التحليل المطلوب

1- نوع البوجيهات الموصوف لمحرك سيارتك من خلال كتالوج صانع المحرك

2- نوع البوجيهات المركبه حاليا

3- التحليل المطلوب يجب أن يكون مشمول بكل حرف ورقم مكتوب على البوجيهات المذكوره فى

رقم 1 & 2

وياريت

لو تورينى أشعه مقطعيه لشكل حريق البوجيهات الحاليه

رد: عايز روشتة علاج للبوجيهات المهببة من دكتور ؟
 

رد: عايز روشتة علاج للبوجيهات المهببة من دكتور ؟
 

اية الجمال دة يا بشمهندس سمير والله بجد عسل حلوة تحليل واشاعة دى هههههههههه

رد: عايز روشتة علاج للبوجيهات المهببة من دكتور ؟
 

بسم الله الرحمن الرحيم
الاستاذ الفاضل سمير عياد
انا طلبت منك ومن الاعضاء الكرام

3 حاجات

الاولى سبب تهب البوجيهات عندى

الثانية طريقة ضبط وزنية الهواء والبنزين فى الكاربيراتير بتاع
128

الثالثة العلاجات الخاصة بتهبب البوجيهات ايه

حضرتك طلبت معلومات وافية عن البوجيهات كتالوج الصانع والبوجيهات الحارقة الان


وانا جهزت الى قدرت عليه ووصلتله


احضرت لحضرتك المعلومات المطلوبة بخصوص بوجيهات عربيتى 128



اولا كتالوج الصانع يقول



يجب تغيير شمعات الشرر كل 10 الاف كيلو متر


يجب مراعاة ان يكون الخلوص بين قطبى الشمعه 0.5 الى 0.6 مم

يقول كتالوج الصانع ان البوجيهات المستخدمة :

شمعات البوجيهات

شامبيون n9y

ماريللى cw 7lp

بوش w 6 D w 175t 30

القطر وخطوة السن 14 × 1.25 مم

خلوص فتحة شمعة الاشعال

0.70 مم : 0.60 مم
.....................


لا يوجد لى معلومات عن البوجيه المكتوب فى كتالوج الصانع لانى استملت السيارة من صاحبها وهى شغالة ببوجيهات دينسو

سن قصير 1 شمعه الكترونى
وهى


البوجيهات الحالية فى السيارة

هى denso

قوة 1 شمعه

الكترونى يحتوى على مقاومة لمنع التشويش على الاجهزة والالكترونيات والكمبيوتر والكاسيت الموجود بالسيارة

http://imageupload.org/?d=AFE5716C1

مكتوب على علبة البوجيه

C:UsersEssamDesktopروشته_ بوجيهات_128Total.jpg:http://imageupload.org/thumb/thumb_170968.jpg

K16PR-u11#4 D21
3130#4
resistor

منتظر رد حضرتك
يعنى ايه الارقام دى ؟

ايه سبب تهبب البوجيهات ؟

وكمان أرفقت ملف صورة للبوجيه المهببب عينة من البوجيهات الاربعة وكمان صورة الارقام على العلبة ؟

رد: عايز روشتة علاج للبوجيهات المهببة من دكتور ؟
 

الحقيقه أنا عاوزك تركب بوجيهات عاديه بدون مقاومة

لأن مكنتك ليست من النوع ذو الحقن الإلكترونى

وحاول تجرب نوع من المتوافر بالسوق من هذه الأنواع التى أقرها كتالوج الصانع