لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
مساء الانوار علي اعضاء المنتدي ،،،
انا معايا حالياً لانوس 2012 زيرو الحمد لله و انا جبتها بعد معاناه مع الفيات السيينا اللي طلعت عيني في الصيانات وقطع الغيار ..... لو حبيت اغير اللانوس و اجيب عربية اشيك و انعم في السواقه مع الاحتفاظ بمميزات توافر قطع الغيار و الصيانة السهلة .... تفتكروا يبقي ايه الاختيار الانسب ... نيو اكسنت 2011 ولا اوبترا ؟؟؟؟؟؟؟؟؟ ياريت تساعدوني و تنصحوني جزاكم الله خيرا ،،،، |
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
اقتباس:
السلام عليكم كنت في نفس الحيره فكرة في الفيرنا بس ضيقه بعدين رسيت علي اللوجان او السانديرو بس وجدت انها بالحجز في الآخر ربنا هداني لأكسنت RB 2011 مع اني كان نفسي في النترا 2009 والله المستعان |
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
اقتباس:
بس اللوجان مش حاببها خالص و قطع الغيار مقرفة شويتين الار بي طبعا شكلها حلو و لذيذ بس الشركة وخده من جسم العربية كتيييييييييييييير جدا يعني لو كانوا اتقوا ربنا في جسم العربية كانت كسرت الدنيا اكتر من دلوقتي كمان طيب رأيك ايه في الاوبترا ؟؟؟؟؟ لو ربنا سهلها و جبتها زيرو .... لاني بصراحة خايف جدا من المستعمل تاني .... و بقول لنفسي ياتري تجيب مستعمل و تقعد تندب حظك و تتمني ترجع للانوس الزيرو بتاعتك و تتقول ولا يوم من ايامك .... و لك جزيل الشكر |
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
اقتباس:
السلام عليكم الأبترا سياره كويسه لكنها فقيره في الداخل وفقيره في التكنولوجيا بتاعتها والله المستعان |
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
انا لو مكانك اجيب اوبترا من غير اي تفكير العربية الوحيدة اللي محدش اشتكى منها في فئتها
|
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
أوبترا ما فيهاش حاجة وحشة.
|
رد: لو نويت اغير من الانوس أجيب ايه ؟؟؟ نيو اكسنت ولا اوبترا ؟؟؟
بص يا سيدى انا بحب العربيتين دول اوى فعلا الاوبترا والاكسنت اى بى
الاوبترا عربية جميلة وثباتها حلو وقوية ومفيهاش عيوب وفعلا عربية عملية جدا جدا جدا الاكسنت الار بى عربية جميلة اوى واحدث بكتير من الاوبترا وكماليتها والاوبشن بتاعها اعلى وشكلها طبعا اجمل لو انت عاوز عربتة تستحملك فعلا وتستحمل مشاويرك التقيلة يبقى الاوبترا مفيش كلام الاكسنت الاى بى عربية جميلة وليها كل الاحترام وانا عن نفسى بحبها اوى بردة بس مش هتستحمل زى الاوبترا وصاجها اضعف من الاوبترا وقطع غيارها هتبقى اغلى من الاوبترا فشوف انت الى يناسبك اية مع توافر المعلومات عن العربيتن دول وربنا يوفقك للاصلح ان شاء الله |
الساعة الآن 10:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017