فيه حد لسا بيدفه 1 جنيه لعامل البنزين
 

مش عارف ليه ندفع ........زهنلاقيها منه ولا من السايس ولا من المخالفات والمرور؟

انتوا بتعملوا ايه؟؟؟؟؟؟؟؟؟؟

رد: فيه حد لسا بيدفه 1 جنيه لعامل البنزين
 

رد: فيه حد لسا بيدفه 1 جنيه لعامل البنزين
 

الصراحة عامل المحطة بيلموا الجنيه من كل عربية تدخل المحطة وسعات ناص بتدفع نص او ربع او متدفعش وآخر اليوم بتتقسم على العمال وهو ده مرتبهم يعنى واقف الوردية طول النهار محدش عارف بيتعبوا اد ايه الا اللى اشتغل زيهم

اما السايس المفروض انه بياخود باله من العربية عشان النهردا البطاريه ب 500 جنيه وفانوس ولا رفرف برقم عالى برضو فى بعض الأحيان المفروض انه بيحافظ على عربيتك فلازم تراضيه لأنه واقف على حيلة ورايح جاى يجرى ع العربيات اللى فى المكان بتاعه فى عز الحر والشمس وفعز البرد وده مصدر أكل عيشه الوحيد وكل مهنة وليها مميزاتها وعيوبها وزى ما فى وزير كويس ووزير عاوز الحرق كزالك السايس وحارس الأمن برضووو

تقبل مرورى

رد: فيه حد لسا بيدفه 1 جنيه لعامل البنزين
 

مع إحترامى الشديد و لكن....
الشرطة لازمتها إيه لما كل حاجه محتاجه سيكيوريتى و سايس و حارس أمن, و يا تدفع يا حاجتك تتسرق و لا الشرطة بقت (حراس أمن) للشخصيات و الأماكن الهامه فقط و باقى البلد تآكل فى بعضها عادى.
الغريب إن السايس متقاسم إيراد اليوم مع فرد الأمن (سواء مرور لو المنطقة ضمن الخطة المرورية أو مباحث أو غيرة) و الإيراد بيتوزع أول بأول مقابل حماية حق البلطجه.

بالنسبة لعامل البنزينة, رغم إن البنزين سعرة زاد الضعف تقريباً, إلا إن عامل البنزينة فعلاً مالوش دخل غير كسور الفلوس إللى بنسيبها.
قبل الغلاء, كان الناس بيحسبو لتر البنزين 80 بـ 1 جم, طبعاً فيه 10 قروش على كل لتر + البقشيش (التبس)
دلوقتى كله مركز على السعر و بيحاسب اللتر بثمنه بالضبط 160 قرش, و كذا الحال مع 92

رد: فيه حد لسا بيدفه 1 جنيه لعامل البنزين
 

فعلا عمال البنزينة مبقوش يدوقوا اوى على الجنيه ده زى قبل زيادة البنزين
يعنى مثلا قبل زيادة البنزين لما تطنش ومتدوش الجنيه يزعل قوى ولكن بعد الزيادة مبقاش يبص عليه ولما تدهوله يفرح
انا بالنسبالى لما يدينى باقى المبلغ فيه جنيهات فضه بديله منها جنيه ولما تكون فلوس صحيحة مبكلف نفسى وادور فى جيبى على جنيه وهو مش بيزعلclapclap

رد: فيه حد لسا بيدفه 1 جنيه لعامل البنزين
 

انتم بتتكلموا عن عمال بنزين غلابة لكن انا عندى بتاع البنزينة لما مليت اخر مرة كان باقى 4 جنيه عاوز ياخدهم و لما تنحت و غلست واتخانقت معاه اخد 2 جنيه بالعافية و المرة اللى قبلها فى بنزينة تانية كان نفس الشئ

رد: فيه حد لسا بيدفه 1 جنيه لعامل البنزين
 

انا والله ساعات بسيب ليهم 4 ج بسيب باقى الفكه من الاخر يعنى الحساب مثلا 36ج بديله 40ج كده بس السايس ده بطلع عينه عشان بيطلب ببجاحه عكس البنزينه انا ساعات اصلا بسيب السايس وامشى مفروض الناس ديه تأجر الاماكن من مجلس المدينه وليها وصل زى بعض الاماكن فى مدينه نصر
انا اغرب موقف شفته من سايس كنت فى المهندسين وواحد كان ساكن فى برج راكن تحت بيته بس قدام بيته فى مستشفى عظام فطبعا فى سايس الراجل نازل بياخد عربيته لقيته عايز فلوس فصاحب العربيه بيقله انا مديك امبارح 10ج معنى كده انه عايز يحاسب صاحب العربيه كل يوم اكنه زبون بيركن والله مسخره وطبعا صاحب العربيه راجل محترم وكبير سنناً وعمره مهيقدر يقف قدامه