اشتري فيرنا ATولاMT؟
السلام عليكم
انا باذن الله نويت اشتري عربية زيرو وكنت عايز عربية اعتمادية وقطع غيارها رخيييصة عشان انا ماليش دخل ثابت ،، و زهقت من العربيات المستعملة كل شوية رايح علي ميكانيكي ولا كهربائي ولا ... لما كرهت نفسي ، المهم نويت باذن الله اشتريت فيرنا ، هي تمنها هيكون زنقة وضغط شويتين تلاتة عشاان كده بصراحة مش عايز اجازف بالفلوس اللي هدفعها في عربية تكون لسه متجربتش او مثبتتش نفسها عايز اشتري الفئة الكاملة بزجاج فاميه اللي قبل الاستار مانيول ب83,450 الف واوتوماتيك ب94,850 ( العربية كل شوية سعرها بيتغير )،، المشكلة انا محتار اشتري اي فئة انا نفسي اجيب اوتوماتيك عشان اريح ،، بس هل مستاهلة فرق السعر ولا لا ، مع العلم العربية هتقعد معايا فترة كبيرة الله اعلم قد ايه ؟؟ لو اتوماتيك هتكون ضغط عليا شوية في الميزانية بس حاسس ان 95 الف كتيييييييييييير علي فيرنا وهل حد في باله عربية تانية بس تكون اعتمادية ومصاريفها مش كتير |
رد: اشتري فيرنا ATولاMT؟
يا اهل الله ياللي هنا
|
رد: اشتري فيرنا ATولاMT؟
:wave2W21:
|
رد: اشتري فيرنا ATولاMT؟
طب لية ما فكرتش فى الرينو لوجان عربية حلوة وإعتمادية وبالطبع أفضل من الفيرناونفس الفئة السعرية تقريباوطبعا 95 كثير على الفيرناوحرام تدفع فيها المبلغ دة وبردو لإنتظر أراء خبراء المنتدى وربنا يوفقك لما فية الصواب وانصحك بعمل إستخارة قبل الشراء |
رد: اشتري فيرنا ATولاMT؟
اقتباس:
وفكرت في الجراند بونتو بحبها جدا بس نفس المشكلة قطع الغيار وفكرت في الامنجراد بس خايف يطلع فيها عيوب صناعة او حاجة و اتعب معاها منتظر ردك |
رد: اشتري فيرنا ATولاMT؟
اقتباس:
بالنسبة لقطع الغيار انا معاك إنها فى الفيرنا ارخص بس تعالي نحسبها مع بعض الافضل إنك تشترى عربية إعتمادية وتغير لها حاجة كل ثلاث سنوان ب 200 جنية ولا تجيب حاجة غير إعتمادية بالشكل المطلوب وتغير ليها نفس الحاجة ب 100 كل سنه وفى الأول والاخر إشترى حاجة تكون مستريح ليها |
رد: اشتري فيرنا ATولاMT؟
السلام عليكم
لو منك عمرى ما هافكر فى الفيرنا اساسا .... وخد بالك كل العربيات دى ستوك متخزن 84 الف يبقى دماغنا تروح للـ ايمجراند وتخوفك من اعطال فيها ملوش مبرر ....لان العربية انتشرت بشكل مخيف حتى بقى ليها قطعيات فى الحرفيين وليها محلات قطع غيار برة التوكيل وحتى التوكيل والله مقدور علية .....اتنين اعرفهم اشتروها واحد الكاسيت كانت السي دى بتعلق بس غيرولة الكاسيت بالكامل بواحد جديد والتانى عمل حادثة صغيرة بالعربية وغير زجاج باب سائق ولما غيرة حركتة ما كانتش تمام راح التوكيل عدلو كل حاجة ومدفعش فلوس حتى كان خرج من الضمان عشان مرحش صيانة الـ 5000 والـ 10000 اقصد اقول ان التوكيل محترم تانى حاجة بالفولس دى بى واى دى وفى منها اوتو والله عربيات جميلة جدا ومفهاش اى مشاكل وقطع غيارها رخيصة اوى ولو مصمم على الفيرنا يبقى تجيب اوتو افضل طبعا |
الساعة الآن 12:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017