شيفروليه دبابة .. إيه أقرب حاجه في الصيني ليها في الاعتمادية
يا جماعة الخير ..
بسأل لصديق لي على سيارة ربع نقل 1.5 طن . الإختيار كان شيفروليه الدبابة . على اساس هيشتريها شاسية ويعمل لها تقفيل اللي هو الصندوق الكبير وهيستخدمها في التوزيع . عاوز أعرف سعرها كام . طبعا هتكون كابينة مفرده ، ولو دوبل كابينه بتوصل كام في السعر ، وبتاخد نفس الحمولة والا بتنقص . كمان هو كان شاف انواع كتير م الصيني وأصبح الاختيار أما شيفرولية دبابة أو حاجة من الصيني تكون ليها سمعة طيبة باعتبار فارق السعر بيلعب دور . فهل فيه في الصيني اسم موثوق فيه وتكون ليه قطع غيار متوافرة أو متوافقة مع قطع غيار شيفروليه الدبابة ، وهل فعلاً فيه حاجه في الربع نقل الصيني بتكون فعلاً مواتيرها إيسوزو ياباني أم أنه كلام فقط ، ولأنه غالبا هيجيب حاجه م الصيني فالسؤال برضه شيفروليه دبابة .. إيه أقرب حاجه في الصيني ليها في الاعتمادية . برجاء الافادة ولكم كل الشكر |
رد: شيفروليه دبابة .. إيه أقرب حاجه في الصيني ليها في الاعتمادية
الى الآن لا وجود للصينى فى سوق الربع والنص نقل ووجود متواضع جدا فى سوق النقل التقيل
كل اللى بينزل منها ملهوش سوق اما لأن السيارة مش داخلة دماغ السواقين او لأن التوكيل سيىء وعاوز يبيع وخلاص دون صيانة جيدة لما بعد البيع , حتى ابو الفتوح لما نزل موديل صينى ومش عارف كان تجميع مصرى ولا صينى بطل ينزله اعلانات بعد ما كان نازل بحملة اعلانية على اساس ان الموديل بتاعه حيسحب البساط من تحت الدبابة |
رد: شيفروليه دبابة .. إيه أقرب حاجه في الصيني ليها في الاعتمادية
فيه ال JAC شغالة كويس بس طبعاً مش بمستوى الشيفرولية
|
رد: شيفروليه دبابة .. إيه أقرب حاجه في الصيني ليها في الاعتمادية
في فعلا الجاك بس الافضل الشيفروليه قطع غيار متوفره وسعر اعاده بيع ممتاز والايسوزو جامده برضه بس غاليه
|
رد: شيفروليه دبابة .. إيه أقرب حاجه في الصيني ليها في الاعتمادية
حاول تبص علي النيسان:010104~171: |
رد: شيفروليه دبابة .. إيه أقرب حاجه في الصيني ليها في الاعتمادية
النيسان عربية انا ركبتها لان عندنا فى الشغل 5 عربيات والحكومة السنتين اللى فاتو كلها نيسان وملاحظاتى عليها موتور اخرس ما تسمعلوش صوت كابينة كويسة جدااااا الدركسيون زى الفل الصندوق باين علية انة متين والعربية ماسكة نفسها لكن عفشتها سيئة جدااااااااااااا لدرجة انهم عندنا فكو ورق سوست منها عشان تظرى شوية
|
رد: شيفروليه دبابة .. إيه أقرب حاجه في الصيني ليها في الاعتمادية
اقتباس:
حتى الشيفورليه الدبابة لو ركبتها من غير حمولة تحس انها بتنطح من ورا بس انا سمعت ان النيسان عزمها قوى وآلات الجر بتاعتها تحفه تقبلوا مرورى |
الساعة الآن 03:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017