بي ام 316 موديل 77 مطلوب المساعده العاجله
 

السلام عليكم و رحمه الله و بركاته
بصراحه الموضوع يكسف بس عاوز استشارتكم
انا بموت في حاجه اسمها بي ام دبليو
و جت الفرصه و ادامي عربيه بي ام بس قديمه جدا
موديل 1977
عارف انها قديمه جدا
بس كل حاجه و ليها سعرها
العربيه مواصفاتها كالاتي
316 موديل 1977
اللي هيا باب واحد
ايه رأيكم ادور علي حاجه نضيفه و اشتريها ؟و لا اجيب فيات 131 احسن منها
و سعرها يعمل كام
بالنسبه ليا
انا عاوز عربيه تستحمل يعني عشريه مش كل شويه قطعه غيار تتغير
علشان كده فكرت في العربيه دي
و كمان مهما حصل هيا بردو بي ام دبليو
و كمان ليا استفسار
هل صحيح مفيش قطع غيار مضروبه لل بي ام
يعني اللي كانت معاه العربيه قبلي كل قطعه بيشيلها بيركب مكانها الماني ؟
و قطع الغيار ممكن الاقيها و لا في حاجات مش موجوده
انا عارف ان استفساراتي كتير بس مفيش غيركم هيفيدني ان شاء الله

رد: بي ام 316 موديل 77 مطلوب المساعده العاجله
 

ايه مفيش حد يعرف العربيه دي

رد: بي ام 316 موديل 77 مطلوب المساعده العاجله
 

1977 قديمه قوى واكيد هتفتح معاك وقطع غيارها اكيد هتبقى غاليه لانها BMW قولنا رنجك كام فى السعر وممكن الاعضاء الافاضل يقترحوا عليك تجيب ايه .

رد: بي ام 316 موديل 77 مطلوب المساعده العاجله
 

ابعد عن ال 77 خالص

رد: بي ام 316 موديل 77 مطلوب المساعده العاجله
 

بلاش احسن لن قطع غيارها قلت في الحرفين يعني ممكن تشتري قطع غيارها غلي من التسعينات

رد: بي ام 316 موديل 77 مطلوب المساعده العاجله
 

موديل 77

يعنى عايشه بقالها فوق ال 34 سنه

يعنى عجزت

وحتتعبك فى صيانتها

بلاش منها أحسن

وخصوصا أنها bmw

رد: بي ام 316 موديل 77 مطلوب المساعده العاجله
 

السلام عليكم
اولا احب اشكر كل القائمين على المنتدى ده لانه بجد منتدى عظيم ومفيد جدا
ثانيا اتمنى ان حد يرد ع استفسارى بخصوص العربية بى ام دبليو مو 75 انا بحب العربية دى جدا وناوى اشدها من اول وجديد يعنى اعتبروها صاج وانا هغير الموتور والتابلوة والعفشة وكل شئ لو حد يقدر يفيدنى يا ريت واعسف عالاطالة وشكرا ليكم