|
حوار علمي (عند تغير الجنوط)
سلام الله عليكم ورحمته وبركاته أتكلم هذه المرة عن الجنوط وبالأخص الـ offset بتاع الجنوط أولا لإيضاح ال offset هو المسافة بين الخط المنصف للجنط والمحور التركيب ويقول العالمين بهذا الموضوع إن له أهمية كبيرة ويجب أن نأخذه بالحسبان حينما نريد أن نغير الجنط ويقولون أيضا يجب أن يظل ثابتا أو يكون التغيير فيه بمقدار ضئيل جدا صورة توضحية http://up.ahlalalm.info/photo1/arW30780.jpg لي هنا سؤالين أود الإجابة عنهما 1-في أي شئ سيؤثر على السيارة هذا الـoffset إن صغر أو كبر؟ 2-لو أردنا أن نغير جنط ما وليكن عرضه مثلا6 بوصة إلى جنط عرضه 7بوصة , فإن هذا التغير في عرض الجنط ممكن أن يؤدي للإحتكاك بالرفرف من الداخل حسنا ما المشكلة لو قمت بتصغير قيمة الـoffset في الجنط الجديد بحيث تظل المسافة بين محور تركيب العجل في الجنط ونهاية الجنط من الداخل ثابتة القديم كالجديد؟ وأخلي أي زيادة تكون من جهة الخارج (ده بالعكس هيخلي التأثير على العفشة أقل ما يمكن) فما رأيكم في هاتين النقطتين بانتظاركم |
رد: حوار علمي (عند تغير الجنوط)
متابع بإهتمام........ |
رد: حوار علمي (عند تغير الجنوط)
فى انتظار المتابعه
|
رد: حوار علمي (عند تغير الجنوط)
أعتقد لو الأوفسيت زاد هيسبب إن الجنط يخرج برة العربية شوية وده شكله وحش وبتبان العربية مش طبيعية ـ زى ما بتشوف فى تاكسى شاهين أو بيجو أو العربيات السوزوكى الفان - فاهم قصدى ؟
|
رد: حوار علمي (عند تغير الجنوط)
بص يا سيدى موضوع الأوفست ده موضوع كبير اوى وعلمى اوى
ويمكن اهم رقم لازم نبص عليه لو حبينا نغير لجنط رياضى ازاى ؟ هنوضح بمثال بسيط على عربيه شائعه وهى الانوس رقم الاوفست بتاع الجنط الحديد ليها بيكون 49 طيب لو حبينا نركبلها جنط اسبور 15 مثلاٌ ويكون 7 بوصه لازم رقم الاوفست للجنط الجديد لا يقل عن 35 ليه ؟ لأن رقم الاوفست كل ما قل عن الاصلى الجنط بيخرج لبره ناحية خارج الفجاوى ( بيفتح العربيه ) وكل ما رقم الاوفست زاد عن الاصلى كل ما الجنط دخل لجوه ناحية المساعد ( بيقفل العربيه ) طيب ايه المميزات والعيوب فى الحالتين 1 لو الرقم الجديد اصغر من الرقم القديم للعربيه بكتير ( - 20 ) الطاره هتبقى حساسه اوى هيظهر عيوب العفشه ويفسخها هتحتاج تربط عفشه كل شويه العجل هيحك فى الفجاوى مع مطبات الهواء وانت محمل هيعوم العربيه ويقلل ثباتها 2 لو الرقم قل فى حدود المسموح به وهو ( - 10 درجه ) حساسية الطاره هتبقى معقوله مش هيزعل العفشه خالص مش هتحتاج تربط كل شويه العجل مش هيحك فى الفجاوى هيزود ثبات العربيه بطريقه ملحوظه للعلم اغلب الجنوط السبور فى السوق رقم الاوفست ليها من 30 الى 40 اختار اللى يناسب عربيتك بعد ما تعرف رقمها الاصلى كام من على جنوطها الحديد وبعدين تقلل عنه 10 درجات فقط ما امكن ارجو ان اكون افدتكم وتحت امركم فى اى استفسار |
رد: حوار علمي (عند تغير الجنوط)
اقتباس:
أولا إنتا ياباشا شرحت الحالتين الي فيهم رقم الأوفست أقل بكتير والي أقل في حدود المسموح طيب لو رقم الأوفست كان أكبر بقى الي حضرتك بتقول عليه قفلت العربية ايه الضرر وإيه الميزة. الحاجة التانية أنا معايا كرولا موديل 2002 جنوط حديد وعايز أجنط ودي أول مرة اسمع عن موضوع الأوفست وماكنتش اعرف غني فيه رقم زي داه قبل كدة فا أنا عايز أعرف أقرى الرقم دا من على الجنط القديم من أنهي حتة ولا بيبقى مكتوب إزاي وأعرف رقم الأوفست للجنط الجديد إزاااي؟ وإيه أنسب مقاس جنط تنصحني بيه للعربية دي (الكرولا 2002). |
رد: حوار علمي (عند تغير الجنوط)
تحت امرك فى اى استفسار
مش هتلاقى جنط اسبور رقم الاوفست ليه اكبر من الجنط الحديد للعربيه ابداٌ ابداٌ لأن الجنط الاسبور هدفه تذويد الثبات بزيادة المسافه بين العجلتين المقابلين لبعض بيفتح العربيه شويه وعلى العموم دى صورة مكان رقم الأوفست للجنط الحديد http://i757.photobucket.com/albums/x...0091117612.jpg ودى صورة مكان رقم الاوفست فى الجنط الاسبور http://i757.photobucket.com/albums/x...0091114593.jpg اى خدمه |
| الساعة الآن 06:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017