رش بيجو 305 ... ممكن مساعدة؟
السلام عليكم و رحمة الله و بركاته ....
بعد اذن الشباب المحترم فى الموقع هنا ... طبعا بعد ما شوفت قد ايه فيه ناس محترفة هنا قررت اسأل قبل ما اتصرف ... انا عندى بيجو 305 لونها سماوى و كنت عايز اغير لونها للون الاسود و كنت عايز اعرف حبة معلومات عن الرش .... اولا: المعطيات: 1- الدهان الاول تعبان و شكلها بوية مش نضيفة ... 2- فى بعض الاماكن فى الصاج داخلة لجوة شوية (مش بشكل حاد و لكن كأن حد قعد على الجنب ده). 3- انا عايز ارش بره بس .... ثانيا: المطلوب: 1- ما نوع الدهان اللى ممكن استخدمه بحيث مايكونش مكلف اوى و لا ردئ .... 2- ما نوع المعجون المستخدم.... 3- ما الكم المطلوب من كل الخامات و المواد ..... 4- ما الزمن المتغرق لكل عملية من عمليات الدهان؟ (طبعا هاحسب انا الوقت الكلى ... ما انا ناصح برضه :w6w2005041122473461 ) .... ثالثا: ملاحظة: 1- هل يوجد اى نوع مط لاصق يلصق على السيارة يغير لونها لتوفير وقت و مجهود الدهان؟ إذا عرفت الحل اتصل على 0900 0900 او والنبى ردوا هنا :) و هتكسبوا دعوة محترمة منى :) و جزاكم الله كل خير على كل حال |
رد: رش بيجو 305 ... ممكن مساعدة؟
اقتباس:
بص يا سيدى الرش حاجة واللزق حاجة تانية خالص ديه شكل وده شكل وده نظام وده نظام وطبعا بالنسبة للمرور مفيش حاجة اسمها لزق يا اما ترش وتروح تعمل فحص وتثبت اللون الجديد على الرخصة يا اما هتاخد مخالفات وتتسحب الرخصة وهتتحول للفحص برضو فلازم تقرر الاول هترش ولا هتلزق واحنا معاك بعدها :) |
رد: رش بيجو 305 ... ممكن مساعدة؟
اقتباس:
|
رد: رش بيجو 305 ... ممكن مساعدة؟
ماشى ماشى .... هيا بقت كده يعنى؟؟؟؟ المادية الماركسية الامبريالية المالية شلو حلولو ضربت كل انحاء البلد !!!
طيب ! اللهم اكف اخوتى بالمنتدى و ايانا بحلالك عن حرامك و اغنهم بفضلك عمن سواك .... اللهم وفقهم وايانا لما فيه رضاك و الصالح لهم ... اللهم اعنهم و ايانا على شكرك و ذكرك و حسن عبادتك .... اللهم انى اسألك لهم و لنا من الخير من كل ما سألك منه نبيك و حبيبك محمد صلى الله عليه و سلم ... و اعوذ بالله لهم و لنا من كل ما استعاذك منه نبيك و حبيبك محمد صلى الله عليه و سلم .... حلو كده؟ بسم الله الرحمن الرحيم .... الاجابة تونس ! يا اخى والله لو اللزق اهون و اسهل حتى لو هاثبته فى الرخصة هاعملها !!! اما لو مش هاينفع يثبت فى الرخصة يبقى خلينا بعيد عن اللزق ده لاتلزق انا فى اول كمين !! خصوصا ان اكتوبر مليانة كماين اليومين دول .... |
رد: رش بيجو 305 ... ممكن مساعدة؟
واضح ان الدعوة ما عجبتكمش ! :(
مفيش اى مساعدة؟ |
رد: رش بيجو 305 ... ممكن مساعدة؟
كده يعنى؟؟؟ خدتوا الدعوة و جريتوا ؟؟؟؟ طب حد تانى يساعدنى و ياخد دعوه احسن؟
|
رد: رش بيجو 305 ... ممكن مساعدة؟
مفيش اى مساعدة يا جماعة؟ :w6w200504112236376d
|
الساعة الآن 02:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017