فيرنا ولا جيتزولا i20
السلام عليكم يا اعضاء المنتدى الكرام دى اول مشاركة لية واحب اشكركم على مجهودكم الرائع وعندى استفسار انا معايا 40الف عايز احطهم مقدم عربية ومحتار بين الفيرنا والجيتز اوتوماتيك وعلى فكرة انا احتاج العربية فى سفر لان انا شغلى بعيد وفى ناس بتقولى استنى i20بس انا مش عارف هاتنزل امتى ارجو الافادة احسن انا محتار وزهقت من غير العربية ولكم جزيل الشكر
|
رد: فيرنا ولا جيتزولا i20
لا لو هتنتظر لما تنزل i20 يكون افضل .... اشتريها
ييجى بعدها جيتز فيرنا |
رد: فيرنا ولا جيتزولا i20
الف شكر على الرد بس ماتعرفش هاتنزل امتى
|
رد: فيرنا ولا جيتزولا i20
طيب سعرها كام
|
رد: فيرنا ولا جيتزولا i20
سلام عليكم و رحمه الله و بركاته
بص يا باشا انا كنت فى مةقفك كده مده ٤ شهور علشان اعرف اخد قرار فى عربيه اشتريها و الحمدلله استقريت على جيتز و هى معايا بقالها شهر و نص تقريبا اولا موضوع i20 لو انت دورت فى المنتدى كويس هتلاقى مواضيع من ٢٠٠٩ ناس بتقول انها هتنزل السنادى (يعنى ٢٠٠٩) مع ان لسه جيتز بتنزل اهى لحد ٢٠١١ و حتى لو نزلت مصر انا مش مع انك تجيب عربيه اول موديل ليها كده لأنها خد بالك هيونداى يعنى أكيد هتلاقى عك و الاحسن تستنى عربيه متجربه و بالنسبه للفرق بين جيتز و فيرنا ١-شكل الجيتز احلى طبعا كفايه ان تاكسيات الفيرنا ماليا البلد و الجيتز عمرك مهتلاقيها تاكسى ٢-الاتنين من جوا نفس المساحه و دى هتستغرب عليها بس دا بجد و روح اى معرض و اركب و جرب بنفسك بس الشنطه طبعا الفيرنا بتاعتها اوسع ٣-الشكل الداخلى الجيتز افضل .فرش لونين مع الابواب احمر و اسود او ازرق و اسود و تابلوه شيك و فيها اماكن تشيل فيها كل اللى انت عايزه موبايلات و نضاره و cd ٤-قطع غيار الفيرنا اكتر انتشار و ارخص و اسهل فى الصيانه ٥-ثبات الفيرنا سئ سئ سئ ٦-هما نفس الموتور بس الفيرنا انا بسميها العربيه اللى بتجرى مش بتقف .فراملها سئه و كاوتش مصرى و هى اصلا تقفيل مصرى و الجيتز كورى كورى و القرار ليك يا باشا و اهم حاجه غير كل ده انك تكون حابب العربيه و مطمن نفسيا |
رد: فيرنا ولا جيتزولا i20
لو مكانك هستنى الـi20 طبعاً
|
رد: فيرنا ولا جيتزولا i20
الجيتز الافضل فى التفضيل
الاتوماتيك منها تمت تجربتة واثبت كفاءة |
الساعة الآن 01:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017