الي كل منتقدي الميتسوبيشي المكواة لضعف محركها
انا شفت هنا ناس كتيرة بتقول علي المكواة ضعيفة لان موتورها 1300 وخصوصا لما تبقي اوتوماتيك ويلهوي بقي لو شغلت التكييف
بصراحة انا العربية معايا زي الفل داخل المدينة سواء بالتكييف او بدون لكن امبارح وانا راجع من القاهرة كنت بالليل يعني مفيش ردار وانتوا عارفين بقي يعني ايه مفيش ردار مسكت واحد باوبل استرا سخنته واديته دروس في كيفية لعب اندر جراوند علي الزراعي وانا موتوري 1300 وهو 1600 وسمعت صوت موتوره وعرفت انه مانويل يعني المفروض يحرق عني كمان لاني انا اوتوماتيك وكنت بهدي لما افرق منه عشان استناه المهم بعد ما الواد اتعقد في عيشته مشفنيش تاني فتحت انا بقي 140 والعربية والله قمة في الثبات والهدوء بسبب العزل الداخلي ومراتي كانت جنبي مكنتش بتحس بالسرعه بس كانت بتحس بالغرز وطبعا عشان ربنا مبيسبش بعتلي واحد بمازدا 3 عقدنيptmnlo123per172 خلاصة التجربة العربية مظلومة من ناس كتير لمجرد انها 1300 سي سي واللي يقولك ده انت لو شغلت التكييف حتبقي راكب بطة بلدي وللعلم وانا رايح كنا الصبح ومشغل التكييف بس للاسف كان في ردار يعني اخري كان 90 زراعي بقي ptmnlo123per111 يمكن الناس اللي جربت العربية كانت تجربهم بعربية حالاتها مش ولا بد فحكموا عليها حكم ظاااااااااااااااااااااااا اااااااااالم انا مش متحيز عشان هي عربيتي بس دي تجربة واقعية حبيت انقلها لاصحابي هنا علي المنتدي واسف علي الاطالة |
رد: الي كل منتقدي الميتسوبيشي المكواة لضعف محركها
|
رد: الي كل منتقدي الميتسوبيشي المكواة لضعف محركها
والله كلامك كله صح يا ميدو بس انت لو دورت هنا في المنتدي بتاعنا حتلاقي ناس كتيييير بتنتقد اللانسر المكواة بسبب ضعف موتورها فحبيت انقل تجربتي عشان الناس تعرف الحقيقة
اما بالنسبة لسواق الاوبل فنفس رايك انا قلته والله بس مكنش يقدر يسد مع المازدا 3 بجد الواد كان شادد جامد وبيرمي فردتين علي الترابة علي اليمين يعني طاير ومسلك طريقة فمكنش ينفع حد يسد معاه اصلا غير جيتا او اوكتافيا او فيكترا علي الاقل وشكرا لردك يا باشا |
رد: الي كل منتقدي الميتسوبيشي المكواة لضعف محركها
اقتباس:
|
رد: الي كل منتقدي الميتسوبيشي المكواة لضعف محركها
تعرف يا ميدو انا اول ما نويت اجيب عربية كنت عايز اجيب اوبل فيكترا 2000 سي سي كاملة والاوتوماتيك كان شرط اساسي في اي عربية حشتريها
المهم وبدات رحلة البحث وفعلا لقيت عربيات حلوة كتيرة ولكن لما الفلوس كملت ونزلت اخلص لقيت نفسي بتشد للانسر مش عارف والله لحد دلوقتي ازاي اتشديت لها مع انها كانت بعيدة عن اختيارتي ويشاء ربنا اني ابن عمي يشتري اوبل فيكترا وطبعا اخدتها منه لتجربة قيادة وده بعد ما انا اشتريت اللانسر وسقتها حسيت انها قوية فعلا ولكن نشفة جدا جدا مقارنة بنعومة واستجابة الياباني المعروفة ومتشكر جدا علي ردك |
رد: الي كل منتقدي الميتسوبيشي المكواة لضعف محركها
اقتباس:
|
رد: الي كل منتقدي الميتسوبيشي المكواة لضعف محركها
انا فكرت في موضوع الايفلوشن ده لقيته مكلف اوي حدفع تمن العربية تاني في نفس العربية
وكمان انا من طنطا عندنا هنا واحد بس تاجر قطع غيار استعمال مشهور اسمه البهي هو الوحيد اللي راكب الايفلوشن بس مانويل وانا في حياتي مكرهش غير حاجتين منتخب الجزاير والعربيات المانيول |
الساعة الآن 12:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017