بعد جولات في سوق السيارات بورسعيد و الاسعار هناك
 

بسم الله الرحمن الرحيم

انا قولت احكيلكم للي عايز يعرف الاخبار من هناك
انا لسه راجع امبارح من بورسعيد

طبعا بعد جبت جواب الصادر باستحقاق السيارة قالولي استنه لحد ما الجواب بتاعك يوصل الجمرك هناك عشان تعرف تشتري .. المهم انتظرت فترة كده وقلت اروح

ركبت من رمسيس تاكسي الواحد ب 30 جنيه " بيت هناك ليله 3 افراد ب 40 جنيه "

في هناك منطقة او مكان اسمه الاستثمار هو ده اللي بيكون فيه المعارض فيه الاستثمار الاول و في التاني الاتنين جنب بعض

من اشهر المعارض هناك و اكبرها هو كريستال و في غيره برده

الاسعار هناك كانت كالاتي
سكودا 98 99 2000 انت بتتكلم في حدود 58 او 60 الف
2002 مثلا شفت منها بحاجه و سبعين
في 2005 و 2007 كانت تقريبا 100000 و اكتر كمان
كل اللي فوق ده اوتوماتيك و حالته ممتازه اكتر واحد فيهم كانت ماشية 60000 الف كيلو

الكوري و انا بصراحه مكنتش بدور عليه لكن كان موجود كتير وبغباء دايو اكتر حاجه
نوبيرا حالات ممتازه 35 الف

ناس كانت بتقول ان الاسعار غاليه عشان الدولار غلي حوالي 8% يعني اللي كان ب 50 بقى ب 54 الف مثلا .. مش عارف

و لو اني حاسس ان الاسعار هناك بقت مقاربة لاسعار برة .. ولا ايه ؟
لو حد عنده خبرة في الاسعار يقولنا مثلا سكودا 2000 اوتوماتيك حالتها نضيفة برة بكام مثلا يبقى أفادنا كتير

شكرا يا جماعه

رد: بعد جولات في سوق السيارات بورسعيد و الاسعار هناك
 

السعر دا بالجمرك ولا من غير:THE_PR~18::THE_PR~18:

رد: بعد جولات في سوق السيارات بورسعيد و الاسعار هناك
 

انا معروض عليا سكودا نظيفه جدا اوكتافيا 2000 ب 60 الف مستعمله.......من الاخر اسعار العربيات المعوقين بعد كل الاجرائات و مصاريفها اغلى من العربيات الاستعمال في مصر:fun_36_3_4[1]:

رد: بعد جولات في سوق السيارات بورسعيد و الاسعار هناك
 

هى فعلاً الاسعار فى الاخر هتلاقيها اغلى بس غالباً الحالات بتبقى انظف بكتير

رد: بعد جولات في سوق السيارات بورسعيد و الاسعار هناك
 

ازاى يا ريس
انا كنت هناك الشهر اللى فات
جبنا نوبيرا اوروبى تحفة بـ 27 الف
والشوما هناك بـ 24 الف
كمان خلينا الواد يفك جنوط بكاوتش وكاسيت حالتهم احسن من اللى كانو ركبين واخد 200 جنية

رد: بعد جولات في سوق السيارات بورسعيد و الاسعار هناك
 

طيب و جاى عليك بايه الاسعار دى انت ممكن تشتري بيها عربيه خالصه من غير حظر ولا حاجه
عموما خد لك لفه برضو كويسه علي النت و اسئل الناس

رد: بعد جولات في سوق السيارات بورسعيد و الاسعار هناك
 

السلام عليكم
و الله يا جماعه لا اخفى عليكم سرا....مع انى بشوف الاستثمار و معارض بيع سيارات المعوقين من بيتى و كمان حاجتى لشراء سيارة بعد ما بعت سيارتى الا ان دايما فية حاجز بينى و بين العربيات دى و ده لسببين
1.اعتقد ان الموضوع فيه حرمانيه و ده لانى باخد حق مش حقى و كمان بدفع لمعوق عشان اجيب عربيه على اسمه
2.اخشى معاقبة الله ان اصبح معوقا بجد بسبب هذا التصرف

انا عارف ان الكلام ده ممكن ميعجبش البعض لكن انا بتكلم بصراحه مع حضراتكم

بجانب ظلم الدوله اللى انا حاسس بيه و فرضها لجمارك مبالغ فيها و كمان غياب الرقابه على الوكلاء...تحس انهم بيبعونا للوكلاء

شكرا لحضراتكم