|
هل الموضوع ان الواحد ينزل سياره من الخارج
السلام عليكم
هل يا جماعه موضع انزال سياره من الخارج الى مصر مفيد بمعنى بيعوض مع الواحد السياره تقريبا بيكون سعرها بدون جمارك 85 الف جنيه ده بالنسبه للكورولا رقم 2 سنتر لوك سيدى بدون فتحه هل الموضوع يستاهل ارجو النصيحه |
رد: هل الموضوع ان الواحد ينزل سياره من الخارج
أنا فى رأيى مايستاهلش التعب خالص الا لو كنت هتنزل موستانج ولا كورفيت.
غير كده هتقعد تدفع فى جمارك ومصاريف شحن وترخص العربية وموال طوييييل ومالوش أى لازمة. علشان حكومتنا الرشيدة مش عايزة الناس تشترى عربيات من بره, عايزاهم يشجعوا"التجميع" المحلى. وفى الأخر طالما العربية موجودة فى مصر من الأحسن شرائها من هنا بدل وجع الدماغ وفى الأخر الفرق بين تمن العربية المستوردة والمصرية هايكون صغير جدا. ولو حضرتك عايز تحسب الجمارك فى موضوعات كتير فى القسم عن الحساب, وممكن حضرتك تشوف الفرق بين سعر العربية هنا وبره بعد أضافة مصاريف الشحن والجمارك و الرشاوى. |
رد: هل الموضوع ان الواحد ينزل سياره من الخارج
يعنى الواحد ميفكرش يشترى جديد وستعمله فتره
بمعنى انه يشترى مستعمل وخلاص لان الجديد بيخسر جامد لاعادة البيع |
رد: هل الموضوع ان الواحد ينزل سياره من الخارج
هو فعلا الجديد بيخسر جامد والمستعمل أسعاره رخيصة والخسارة فيه قليلة عند البيع.
ورغم أنى مع شراء المستعمل, الا أن سوق المستعمل عامل زى القمار, لازم تشيك على كل عربية وماتسيبش جزء الا لما تفحصه عند ميكانيكى وسمكرى وفى البنزينة كمان, لأن الغش وعربيات الحوادث كتروا واللعب فى العداد كمان,فأهم حاجة الكشف على العربية عند أكثرمن مكان للتأكد من صلاحيتها |
رد: هل الموضوع ان الواحد ينزل سياره من الخارج
كام يبلغ جمرك اللانسر 1300 سى سى كامله
وشكرا |
رد: هل الموضوع ان الواحد ينزل سياره من الخارج
ـ1ـ السيارات ذات سعة المحرك أقل من 1600 سي سي (شاملة السيارات المسماة 1600 سي سي حيث أنها فعليا أقل شوية مثل اللانسر 1600 مثلا بتكون 1584 سي سي ) :
اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع) الخلاصة عربية سعرها من بره 100 ألف جنيه سيكون عليها جمارك وضرائب اجمالي 61000 جنيه الكلام ده منقول من موضوع للعضو الفاضل عمرو مصطفى فى أول صفحة للمنتدى http://www.masrmotors.com/vb/showthread.php?t=16617 وده موضوع تانى مهم عن الجمارك http://www.masrmotors.com/vb/showthread.php?t=8612 |
رد: هل الموضوع ان الواحد ينزل سياره من الخارج
هل معنى ذلك ان جمرك اللانسر ال 1300 اقل من جمرك ال 1600 لان سعرها بيكون اقل
فنسبة ال 61% من الفاتوره بتكون اقل صحيح الكلام ولا جمرك اللانسر كله واحد وشكرا |
| الساعة الآن 12:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017