مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   بروتون PROTON (https://www.masrmotors.com/vb/forumdisplay.php?f=40)
-   -   >>> تقرير بعد معاينة GEN 2 موديل 2010 <<< (https://www.masrmotors.com/vb/showthread.php?t=15869)

MaXx 17-11-2009 10:42 AM
>>> تقرير بعد معاينة GEN 2 موديل 2010 <<<
 
كنت قريب من عز العرب امبارح قلت اعدي و اشوف الجين 2 ,,,

دخلت قلت اشوف موضوع العربية ديقة من الكنبة اللي ورا ده ... لا مش ديقة رجعت كرسة السائق للخلف و قعدت وراه و كان في مسافة بين رجلي و بين الكرسي ,,, الشنطة واسعة ,,, الاداء الفني مش هتكلم عنه لاني ما جربتهاش سواقة ,,, بس في اغلب اللي جربوها بيشكروا فيها ,,, نيجي بقي للنقطة محل الشكوى من اغلب مالكي الجين 2

التقفيل الداخلي ,,, الزراير اللي في التابلوه فعلا تحس انها رخيصة و رديئة ,,, كان في ناس بتشتكي ان الزراير دي بتقشر و لونها بيروح و كمان المقابض الداخلية



بس العربية فيما عدا ذلك اعتقد كويسة جداً ,.


يا جماعة يا ريت اللي عنده GEN 2 يقولنا رأيه هل العيب ده موجود بشدة ولا ايه ؟

في التوكيل قال ان العيوب دي كانت في الموديلات القديمة بس لما بصيت علي التابلوه و الخامات حسيت انه بيهيس

السعر ,,, 84 مانيوال و 91 اوتوماتيك ,,, تحجز دلوقتي ,,, تستلم بعد العيد ان شاء الله

a7lahamada 17-11-2009 10:47 AM
رد: >>> تقرير بعد معاينة GEN 2 موديل 2010 <<<
 
فعلا ل الناس اجمعت ان السيارة ممتازة بس الخامات بتاعت التابلوة مش قد كدة دا اشهرر عيب في الجين تو عالفكرة

negmelpahr 17-11-2009 11:21 AM
رد: >>> تقرير بعد معاينة GEN 2 موديل 2010 <<<
 
العربيه حلوه وصاجها حلو بس فعلا هي انواع وخامات الزارير المستخدمه في التابلوه مش وحشه ومش حلوه هي ذات كواليتي متوسط في احسن منه كتير

Gamed 17-11-2009 11:59 AM
رد: >>> تقرير بعد معاينة GEN 2 موديل 2010 <<<
 
انا بيعجبنى شكل العربيه و ممكن الأداء يكون كويس بس حاسس انها سنتين و ترميها و تجيب غيرها
مش بحس ان العربيات دى معمره

a7lahamada 17-11-2009 07:55 PM
رد: >>> تقرير بعد معاينة GEN 2 موديل 2010 <<<
 
اقتباس:
المشاركة الأصلية كتبت بواسطة Gamed (المشاركة 99273)
انا بيعجبنى شكل العربيه و ممكن الأداء يكون كويس بس حاسس انها سنتين و ترميها و تجيب غيرها
مش بحس ان العربيات دى معمره
بالعكس العربية دي ممتازة جدااااا وتعمر معاك لخمس وتمن سنين كمان لان المواتير بتاعتها ممتازة جدااا وممتازة جدا في الثبات بس محتاجة زي اي عربية عناية كاملة دورية بس بصراحة متازة جداا العربية دي ولا مكتش انتشرت في مصر كدة

MaXx 17-11-2009 10:36 PM
رد: >>> تقرير بعد معاينة GEN 2 موديل 2010 <<<
 
انا بقول انها عربية كويسة لانها انتشرت و بدون دعاية تذكر ,,, التوكيل مش مديها حقها ,,, مش عارف ليه عز العرب مش بينزل اعلانات معاه توكيل بروتون و سيتروين كمان ,,, مفيش ولا اعلان ,,, مش هو بس عربيات كتير مالهاش اي اعلانات كل الياباني و الالماني تقريبا مفيش غير الهايونداي و الشيفروليه اللي بينزلوا اعلانات بانتظام ,,, و مؤخرا الرينو اللوجان ,,,

و العربية عندنا هنا في مصر بتاخد وقت علي ما الناس تثق فيها ,,, و بما ان الناس وثقت فيها يبقي العربية كويسة و هي بقت منتشرة بشكل مقبول اوي يعني يديك شئ من التميز برضو مش زي اللانسر مثلا ,,,

بدر بسيونى 18-11-2009 12:46 AM
رد: >>> تقرير بعد معاينة GEN 2 موديل 2010 <<<
 
عشان نقدر نقييم عربية لازم يكون فات على استخدامها على الاقل 5 سنوات بعدها نقدر نفكر فى حالتها وشكلها وموترها وكمان مكوناتها برجاء احد ملاك الجين 2 القدامى هو اللى يذكر التقييم مش الفرجة وبس لان التقييم المظبوط بالاستخدام وشكرا ليك انك فتحت النقاش فى الموضوع ده


الساعة الآن 07:47 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017