مصر موتورز مجتمع السيارات
صفحة 1 من 14 1 234567891011121314
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   القيادة فن و ذوق (https://www.masrmotors.com/vb/forumdisplay.php?f=180)
-   -   سرعة عالية + مطب مفاجئ ... اية احسن تصرف؟؟ (https://www.masrmotors.com/vb/showthread.php?t=42009)

SuccessCre8or 06-12-2010 05:14 PM
سرعة عالية + مطب مفاجئ ... اية احسن تصرف؟؟
 
زي العنوان ما بيقول

بتحصل كتير جداً بتكون ماشي بسرعة في طريقك و فجأة تلاقي مطب متعرفش طلع منين (ممكن يكون الطريق انت حافظة و المطب لسة مولود جديد!)

اية احسن تصرف في الحالة دي ؟؟

مستني آرائكم

hazem_khidr 06-12-2010 06:20 PM
رد: سرعة عالية + مطب مفاجئ ... اية احسن تصرف؟؟
 
احسن تصرف انك تسيب رجلك من علي البنزين و بلاش تدوس فرامل
و سيب العربيه تاخد المطب بسرعتها افضل من انك تدوس فرامل و وش العربيه يخبط في المطب
و لو اكتشفت المطب بمسافه كافيه يبقي تضرب فرامل و قبل ما تطلع علي المطب تشيل رجلك
يعني في اي حال من الاحوال اوعي تطلع مطب و انت دايس فرامل جامده

BASSEM BESO 06-12-2010 06:32 PM
رد: سرعة عالية + مطب مفاجئ ... اية احسن تصرف؟؟
 
ايام ال132 كنت باخذ احسن مطب ولايهمنى دلوقتى بقيت بحسس على الطريق وانا ماشى بالأسبرانزا

MEMOO_1ST 06-12-2010 06:53 PM
رد: سرعة عالية + مطب مفاجئ ... اية احسن تصرف؟؟
 
فعلاً أفضل حاجة تفرمل جامد وقبل ما تتطلع المطب تسيب فرامل علشان الضرر يبقى اقل من لو وش العربية نازل لتحت وانتا طالع المطب لكن لو لقيت المطب ومش هتلحق تدوس فرامل اتوكل على الله وكل المطب.

samirayad 06-12-2010 07:11 PM
رد: سرعة عالية + مطب مفاجئ ... اية احسن تصرف؟؟
 
نعم

الأفضل الواحد ياكل المطب على سرعه قليله

ممكن يهدىء فقط فور لمس المطب أو ملاحظته الفجائيه للمطب

ولا يستعمل الفرامل بعنف

علشان يحافظ على عدم تعرض السياره للأنقلاب وعمل حادث ( لاقدر الله )

وخصوصا لو كانت السياره مزوده بفرامل مدعومه ب ABS

____________________

يعنى بالبلدى

تاكل المطب والعجل مش مكلبش برضه

لسه فيه الروح وبيلف

لعدم أستطاعتك التامه فى تحديد نقطات التوقف الدقيقه

فى هذه الآثناء

__________

كفايه أثر الخضه على الواحد مننا

فمش حيعرف المخ يركز فعلا فى اللحظات دى

ولو حصل كلبشه بين عالى وواطى

ممكن تنقلب العربيه

ahmedciw 06-12-2010 08:25 PM
رد: سرعة عالية + مطب مفاجئ ... اية احسن تصرف؟؟
 
اقتباس:
المشاركة الأصلية كتبت بواسطة hazem_khidr (المشاركة 305478)
احسن تصرف انك تسيب رجلك من علي البنزين و بلاش تدوس فرامل
و سيب العربيه تاخد المطب بسرعتها افضل من انك تدوس فرامل و وش العربيه يخبط في المطب
و لو اكتشفت المطب بمسافه كافيه يبقي تضرب فرامل و قبل ما تطلع علي المطب تشيل رجلك
يعني في اي حال من الاحوال اوعي تطلع مطب و انت دايس فرامل جامده
الله يفتح عليك هذا كلام الخبراء ... للأسف الدرس دا اتعلمته لوحدي بس بعد العربية اتعورت ... كنت ماشي على 90 على طريق سفر و طلع قدامي مطب عريض رحت دايس فرامل بأقصى قوة راحت العربية زحفت و انا فوق المطب العربية راحت نطه وهبدت في المطب ... طبعا الخبطه علمت في الشاسيه لكن الحمد لله على كل حال و اهو العلام مش ببلاش

aboelesaad 06-12-2010 10:47 PM
رد: سرعة عالية + مطب مفاجئ ... اية احسن تصرف؟؟
 
حصل معايا الموقف ده كتييييييييييييييييييير جدا
لاني دائم السفر و علي طرق كتير و طبعا في مصر المحروسه في ساعه زمن تلاقي مطب طلع من تحت الارض بدون اي داعي
مرات كتيره كنت بفرمل والحمد لله بلحق نفسي
ومرات عملت زي ما قولتو بفرمل و علي المطب اسيب العربيه تاكله براحتها
بس مره عملت حاجه فعلا بعد ما عملتها حسيت بخطورتها و ان ربنا سترها معايا فعلا
شوفت المطب كان عباره عن نصف مطب يعني الطريق حارتين الحاره الشمال المطب فيها و عالي جدا واليمين مفهاش حاجه
وانا كنت بالحاره الشمال و معدي ال 120
كسرت لمين وفرامل هاند و رجل مع بعض العربيه لفت و بقيت بالحاره اليمين بظهري وعديت من المطب بامان و بستر ربنا
بس فعلا حسيت بخطوره الي عملته وبنفس الوقت ذادت ثقتي بنفسي و تحمي بالعربيه
بالرغم من خطورت الي حصل بس زود ثقتي بالعربيه ثم السواقه
وربنا يسترها مع الجميع

تقبلو خالص تحياتي


الساعة الآن 02:51 AM.
صفحة 1 من 14 1 234567891011121314
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017