|
انجازات السيسى وعدلى منصور
هناك موضوع فى نفس القسم يحمل انجازات الرئيس المصرى المنتخب الدكتور / محمد مرسى :fun_36_3_11[1]:فأردت ان اعمل هذا الموضوع وهو عن انجازات السيسى وعدلى منصور وحكومة الببلاوى من بعد 30/6 واريد من المشاركين ( واتمنى هذا طبعا ) ان يشاركوا فى الموضوع بوضع انجازات سلبيه او انجازات ايجابيه فعلا وهذا هو قمة الديمقراطيه التى من المفترض ان يتعلمها جميع شعب مصر وليس طائفه معينه واتمنى ايضا ان لا يخرج الموضوع عن الانجازات واتمنى ان لا يكون فيه سباب وشتائم ولكم منى التحيه والتقدير :w6w2005041122053268 |
رد: انجازات السيسى وعدلى منصور
|
رد: انجازات السيسى وعدلى منصور
اقتباس:
يحسب للسيسى انه حافظ على شعب مصر من الانشقاق اللى كان الاخوان بيسعوا الية وانه عرف الامريكان هم حجمهم اية بالضبط وان مصر مش محتاجة لقوة خارجية لمساعدتها وانه جعل لمصر هيبة وسط دول العالم العظمى بالنسبة لمنصور عدلى هو راجل متوازن هى دى اقصى امكانيتة المتاحة واللى يقدر يعملها لكن ادائة جيد بالنسبة للاوضاع الحالية اما الحكومة فهناك بعض الوزارات المطلوب تغييرها وعلى رأسها رئيس الوزراء الببلاوى |
رد: انجازات السيسى وعدلى منصور
السلام عليكم ورحمة الله وبركاته
انا شخصيا من وجهة نظرى لا أجد حتى الآن اى انجازات ايجابية لعهد عدلى منصور والسيسى والوضع لا يفرق عن زمن الاخوان ومساوئهم وزمن مبارك والحكم العسكرى لمصر الذى استمر على مدى 60 عام الفقير لا حول ولا قوة الا بالله هو المظلوم فى كل المراحل السابقة الاسعار تزداد سوءا حديد التسليح زاد سعره مصر اللى كانت مصدرة للاسمنت اصبح السعر العالمى منافس لنا واصبحنا مستوردين له المستشفيات عام وخاص فى منتهى السوء الخضار والفاكهة نار الانبوبة اصبحت عملة صعبة اللحوم زاد سعرها اول اكتوبر مصاريف المدارس الخاصة عادى جدا زادت زيادة غريبة الامن واضح للجميع السرقات والخطف والمخدرات الوضع من سئ للأسوء يعنى بصراحة الكام شهر اللى فاتوا عصر عدلى منصور والسيسى = عصر الاخوان اللى كان ما يعلم به الا الله = عصر مبارك وما قبله يعنى لنا الله الملحوظة الواضحة جدا واللى فى زيادة ساحقة هى غياب الاخلاق وازدياد الانقسامات السياسية والمهاترات الكل بقى بيفهم سياسة ومناقشات فى كل مكان وشتائم وتجاوزات ومهاترات الشباب اصبح فى منتهى البجاحة وقلة الزوق وغابت القيم والمبادئ والتربية الشعب المصرى فلت زمامه وكأن كان الحل الوحيد له هو حبيب العادلى وديكتاتورية مبارك وسلفه لا حول ولا قوة الا بالله فريق يشتم فريق ويقول يا عبيد البيادة وده طبعا لا يصح وقلة حيلة فى الاقناع والمناقشة والفريق الآخر يشتم ويقول يا خرفان وانقسمنا اكتر واكتر وكأن اهم هدف من ثورة يناير هو ( قسم الشعب على قد ما تقدر وانفخ النار بين الاقسام وفرقهم وطلع لهم تريقة ونكت يرموا بعض ويتريقوا على بعض ) غابت العقول وحضر الشياطين لإحداث الفتنة والخلافات بأكبر قدر ممكن هل سيظهر رئيس مدنى ينقذ مصر وشعبها ويجمعهم كلهم على حب مصر واهلها وترابها ونبنى كلنا بلدنا بدون تحامل على أحد ونكون كلنا ايد واحده نبنى ولا نبكى على اللبن المسكوب هل مناصرى الاخوان هيبطلوا الحلم برجوع الرئيس الناجح جدا مرسى اللى ولع البلد وزهقنا من الشرعية المزعومة اللى تسببت فى القتل والتدمير ده كله هل المدافعين عن السيسى وخلافه هيفوقوا بقه ويعرفوا ان السيسى ليس البطل اللى هنقعد نمجد له ونغنى له زى مبارك ومن قبله وان الموضوع مش موضوع شخص ولكن الكارثة ان بلد بأكملها بتضيع ونبحث عن الديمقراطية العادلة الضائعة فى تمجيد وتفخيم أشخاص ونشوف انجازات ملموسة :01F6EB~150: ولكن للأسف لسة السكينة سارقانا كلنا وهنشوف دلوقتى فى الموضوع ده وغيره كم الشتائم والهجوم و المشاحنات بين الاطراف وبعضها ولا حياة لمن تنادى:070104~242: والله والله ده ربنا سبحانه وتعالى صابر علينا قوى وكل آيات القرآن الكريم يظهر لنا جمالها وبلاغتها على مر العصور والازمان لا املك الا انى أدعو لنا جميعا كل أعضاء منتدانا المحترم ولك الشعب المصرى وكل العرب ربنا يسترها اللهم إحفظ بلدى الحبيبة مصر وأهلها جميعا من الانقسامات والاختلافات اللهم ارزق مصر بالرئيس الذى يجمع اهلها على حبها وبناءها يارب وليس خرابها اللهم ارنا الحق حقا وارزقنا اتباعه وارنا الباطل باطلا وارزقنا اجتنابه إخوانى الكرام كونوا عباد الله إخوانا :fun_36_3_11[1]::fun_36_3_11[1]::fun_36_3_11[1]: |
رد: انجازات السيسى وعدلى منصور
اقتباس:
|
رد: انجازات السيسى وعدلى منصور
اقتباس:
واسمحى لى ان اكتب اكثر من ملحوظه هنا الاولى / ان الايام التى نعيشها بعد 30/6 لا تساوى السنه التى قبلها من حكم الدكتور مرسى الاسعار ارتفعت بشكل جنونى اكثر فى كل شىء الانبوبه - الخضار - الفاكهه-واللحوم-والمملابس-والمدارس-والدروس-ووووو والازمات مثل الانابيب وعدم توافر السلع التموينيه المدعومه عن ذى قبل ايضا غياب الامن اكثر من الاول ايضا انهيار الاقتصاد اكثر من الاول ايضا انهيار السياحه تماما اكثر من الاول الملحوظه الثانيه / اذا كان فعلا فترة ما بعد 30/6 = فترة الدكتور مرسى اذا لماذا تم عزل مرسى ؟؟ ولماذا كل هذه الدماء والاف الاموات على ارض مصر والاف المصابين والاف المعتقلين لماذا ؟؟ فعلا هذا هو الجديد ما بعد 30/6 واخيرا / الشرعيه لا تتسبب فى القتل ولكن تتسبب فى ازدهار اى بلد محترم حر ديمقراطى لانها جاءت بأراده شعب حر عن طريق مشروع وهو الصندوق اشكر حضرتك جداااا لاننى استفدت من المشاركه |
رد: انجازات السيسى وعدلى منصور
اقتباس:
يا فندم اذا كان الوضع الآن كما هو ايام مرسى هذا لا يعنى اننا كان المفروض نحتفظ برئيس للأسف كان رئيس فاشل ايوه فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل فاشل ولو لم يكن فاشل كنا لم نصل لما نحن فيه الآن يا فندم هو حضرتك معتقد انى مقتنعة بالانجازات المزعومة اللى حضرتك عمال تعددها وتذكرها له دى يا فندم حضرتك شخصية طيبة جدا جزاك الله خيرا على حبك وتمسكك بمرسى حتى الآن ده انا اللى لعتبر زميله له من هندسة القاهرة واحترمه جدا صعقت لأداؤه السئ الفاشل فى رئاسة بلد زى مصر يا ريته احترم نفسه ومركزه كدكتور استاذ جامعى محترم فيه رئيس يكون أداؤه بالسوء ده داخل وخارج البلد فيه رئيس يخطب خطابات مستفزة بلا منطق بهذا الشكل انا بعد فترة وجيزة جدا من انتخابه وكنت ممن انتخبوه صعقت واتصدمت فى اداؤه انا لا انحاز لأشخاص ولا يقنعنى السيسى بأداؤه التمثيلى الواضح فى التليفزيون ويجيبوه بيطبب ويبوس فى أهالى ضحايا الجيش والشرطة وخلافه لا يقنعنى كرئيس مع احترماى الكامل لمن يؤيده هذه هى الديمقراطيه ولا اشتم مؤيديه ولا اتطاول عليهم فى كلام فهم مصريون واخوانى ولهم كل الاحترام عدلى منصور مخطئ فى ترشحه للرئاسة ده رئيس سلبى وكأنه لا يحب ان يحشر نفسه فى امووور لا تعنيه ههههههههههههههههه على رأى نكته ضحكتنى فى الفيس بوك ولكنى احترم أيضا اخوانى مؤيديه أنا فى إنتظار رئيس يقنعنى ويملأ عينى كرئيس لبلد كبيرة زى مصر ههههههه بصراحة لولا الظروف الصحية الحرجة لزوجى د/ محمد كان رشح نفسه لانتخابات الرئاسة وكان هيفوز بنسبة 99% أكيييد لأنه أنسب وأصلح شخصية لرجل يحكم مصر لو حضرتك سمعت له محاضرة فى الجامعة سوف تتولى حملة ترشحة للرئاسة ربنا يوفقنا فى رئيس محترم وذو شخصية يجمع ولا يفرق :fun_36_3_11[1]::fun_36_3_11[1]::fun_36_3_11[1]: تحياتى للجميع ويا ريت كلنا نكون محايدين وبدون هجوم على بعضنا كونوا عباد الله إخوانا :01F6EB~150: |
| الساعة الآن 03:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017