-O( كرسى الاعتراف )O-
كل سنة وانتوا طيبين ده اول رمضان لينا مع بعض فى مصر موتورز وده تانى شهر من عمر المنتدى واغلبنا لسه منعرفش بعض علشان كده فكرنا فى طريقة نتعرف بيها على بعض اكتر وندى فرصة للكل اننا نعرف معلومات عن بعض اكتر ونفهم بعض اكتر واكتر واليكم الطريقة كرسى الاعتراف هنختار عضو من المنتدى ونبداء نسألة عن كل حاجة عايزين نعرفها عنة اسمة شكلة هوياتة بيحب ايه بيكره ايه كل حاجة لمدة يوم كامل وفى اخر كل يوم هنبقى اتعرفنا على عضو جديد وقربنا منا اكتر وفى نهاية كل يوم العضو اللى على كرسى الاعتراف هيختار العضو اللى بعدة وتستمر اللعبة القواعد القاعده الاولى : ان العضو اللي يتم استجوايه يختار العضو اللي بعديه القاعدة الثانية: يحق للعضو ان يجيب على الاسئلة كلها او بعضها كيفما يشاء ويحق للجميع تقييم العضو سلباً او ايجاباً بناء على اجاباتة باستخدام اداة التقييم http://www.masrmotors.com/vb/orange/...reputation.gif وبما اننا منتدى ديمقراطى فممكن نضيف اى قواعد تانية بناء على اراء الاعضاء يلا بينا ptmnlo123per171 |
2# ابونورا AboNoRa
ptmnlo123per1118 ماشى يا بيشو فيها ايه يعنى ولا بيهمنى العضو الثانى ابونورا http://www7.0zz0.com/2008/09/01/23/996900994.gif الاسم الحركى Abonora الاسم الحقيقى: وائل مجدى مواليد 20 مايو 1979 الماركة المفضلة Volkswagen <dl class="list_no_decoration profilefield_list"><dt class="shade">نوع السيارة الحاليةKIA Pride </dt></dl> <dl class="smallfont list_no_decoration profilefield_list"><dt class="shade">تاريخ التسجيل 24-05-2008</dt></dl><dl class="smallfont list_no_decoration profilefield_list"><dt class="shade">إجمالي المشاركات 705 مشاركات فقط ولا موضوع</dt></dl>مكانة القاهرة<dl class="list_no_decoration profilefield_list"><dt class="shade">هوياتة انترنت و سيارات </dt><dt class="shade"> </dt><dt class="shade">التخصص العملى استشارى نظم معلومات ادارية </dt></dl>مستوى التقييم الحالى 124 الاصدقاء: كتير والحمد لله ماليين البروفايل وفى انتظار اسئلتكم ptmnlo123per1115 |
رد: العضو # 2 -O( كرسى (ابونورا) الاعتراف )O-
هاسيب الاعضاء تسالك الاول .. هههههههههه
|
رد: العضو # 2 -O( كرسى (ابونورا) الاعتراف )O-
ماشى يا بيشو بس انا قاعد لحاد بكره باليل بدون تمديد ptmnlo123per1105
|
رد: -O( كرسى الاعتراف )O-
هابدأ أنا بأسئلتي لحبيبي و اخويا
ابو نورا الأسئلة الشخصية 1- حالتك الاجتماعية بالتفصيل 2- دراستك و حياتك المهنية بالتفصيل برده 3- علقتك بالمنتديات ابتدت ازاي و بتحلم بايه الأسئلة السياراتيه ،، 1- ليه بتحب السيارات الصغيرة 2- ايه خططك للسيارة القادمة في حدود امكانياتك و خارج حدود امكانياتك 3- تفضيلاتك و ارائك عموما في السيارات كبلاد صناعة أو ماركات كفاية كده دلوقتي |
رد: -O( كرسى الاعتراف )O-
1- حالتك الاجتماعية بالتفصيل
متزوج وربنا رزقنى بنورا سنتين واسلام اسلام سنة 2- دراستك و حياتك المهنية بالتفصيل برده دراستى بكالريوس نظم + دبلومات متخصصة فى ادارة النظم من معاهد اجنبية بالمراسلة + دراسات متخصصة فى ادارة النظم والشبكات من مايكروسوفت وسيسكو و IBM بشتغل من بعد ما خلصت الثانوى تقريبا 96 اشتغلت فى كل حاجة فى الكمبيوتر لان اياميها كان مهندس الكمبيوتر بيعمل كل حاجة تخصصت فى الشبكات وكمحاضر لمواد الشبكات وادارة نظم التشغيل بداية من 2000 درست فى يات - نيو هورايزون - كيت - اى تى فالى ومراكز اى بى ام بس حافظت الحمد لله على انى اكون دائما مدرس وممارس فى نفس الوقت فكنت بشتغل بايدى دايما والتدريس عمل اضافى بداية من 2003 بدات شغلى كأستشارى وبرى سيلز Pre-Sales وبدأت اتعلم يعنى ايه مناقصات وازاى الشغل الكبير ده بيطبخ فى 2003 بردو اديت اول كورس لفودفون فى نظام تشغيل اسمة لينكس وبعدها ركزت فية فى كل شغلى سواء تدريس او حلول مبنية عليه فى 2005 بدأت كأستشارى لمجموعة شركات خاصة (شركات تجزئةوتوكيلات) ولسه معاهم لحد دلوقتى اعمل حالياً على تأسيس شركة متخصصة فى انشاء وادارة المواقع التفاعلية والحلول التجارية على الانترنت 3- علقتك بالمنتديات ابتدت ازاي و بتحلم بايه علاقتى بالمنتديات ابدت بالبحث عن المعلومة زى اى حد بس انا تحديدا اشتركت فى منتديات ال Linux سواء المصرية او الاجنبية لتبادل الخبرات فى التخصص ده علاقتى بمنتديات السيارات بدأت بكونتكت كارز ايام ما كنت بدور على معلومات عن السابا واتعرفت فيه على ناس ساعدتنى فى اتخاذ قرارى ولما عرفت ان فيه مقابلات روحت واتعرفت على الناس كلها واعجبت بالجروب جدا الوقت ده كان طفرة فى كونتكت والناس بدأت تزيد بشكل غير عادى والحوارات طبعا وخاصة عن الاسبيرانزا وده سبب ان الموقع يقع كذا مرة ففكرنا انا واستاذ سعيد الفار وبايو اننا نعمل منتدى خاص بينا وبخواص اكثر تقدما واكثر ثباتا كبديل لكونتكت http://www5.0zz0.com/2007/10/08/12/77003847.jpg http://www5.0zz0.com/2007/10/08/12/41935093.jpg تحمس للفكرة معانا بعد كده بالترتيب كريم منير - حازم حزة - حفناوى - سبعاوى ومن ثم بدأنا الخطوات الاولى لتأسيس المنتدى نايل موتورز عملنا المنتدى وسيبنا ادارتة لكريم وحفناوى وتفرغت انا لتكملة الموقع وفكره المجلة وبايو تفرغ لجلب العروض والدعايا للمنتدى لاكن بمرور الوقت المشاكل والنوايا اتبدلت وفوجئنا بان الدومين اللى دفعنا فلوسة مع بعض اتحول واتغيرت الباسورد بتاعتة وبموضوع الاستيكرات ولم الفلوس وده مكانش اتفاقنا فأثرنا السلامة وانسحبنا انا وبايو فى الوقت ده كنت لسه بادى فى مجلة اوتوماسترز فاضطريت الحق بيها منتدى بنفس الاسم وبعدها بناء على نصائح الاخوة رجعت تانى اخلى تركيزى الاساسى على المنتدى وعملنا مصر موتورز بس يا بيه والله ديه كل الحكاية ptmnlo123per1106 الأسئلة السياراتيه ،، 1- ليه بتحب السيارات الصغيرة والله مش عارف يا احمد ليه بالظبط انا من صغرى كنت بحب المصغرات بتاعة العربيات وكان عمى عنده منها كتييييير جدا وكنت دائما اشبط فيها واختلس الوقت اللى العب بيها فيه من غير ما يشوفنى ولما كبرت لقيت نفسى بميل اكتر للعربيات المحندقة او المدكوكة (ان جازت التعبيرات ديه) فمثلا استلطف شكل المرسيدس 200 الزلموكة اوى عن باقى المارسيدس الفارهة بحب شكل المازدا 3 جدا ومش بحب خالص شكل المازدا 6 بحب ابعاد ال 128 جدا وابعاد عربيتى البرايد سيدان وشايف ان ديه اطول عربية ممكن اسوقها غير كده لو هاتش باك يكون افضل فاجمالا ممكن يكون ذوق شخصى قبل ما اقولك انها موفرة او اقتصادية او اى حاجة تانية بصراحة 2- ايه خططك للسيارة القادمة في حدود امكانياتك و خارج حدود امكانياتك فى حدود امكانياتى بفكر اجيب ماروتى للعيال بس مش عارف اقنعهم بالسواقة اساسا وبصراحة انا كمان مشفق عليهم منها واذا المشروع ده منفعش مفيش قدامى غير انى اشد العربية بتاعتى والعب فيها شوية فى الميكانيكا والعفشة واذا قلبى مطاوعنيش او حسيت انها اقتصاديا مش مناسبة هبيعها واجيب جولف 3 مستعمل خارج حدود امكانياتى يبقى جولف بردو بس جديدة 3- تفضيلاتك و ارائك عموما في السيارات كبلاد صناعة أو ماركات والله يا احمد بعد الشعب اليابانى والشعب الالمانى مفيش حد تانى اثق فيه تماما من حيث الجوده والتفانى فى العمل اما من حيث الماركات فانا بعشق فولكس تاريخا وشعبا وعربياتا وكل حاجة وبحب الامريكانى بتاع الخمسينات والستينات وبحب اليابانى كله تقريبا بس اكتر بحب هوندا - مازدا - ثم نيسان اراء شاذة وعدائية بحب الموديلات الحديثة من البى ام فقط القديم بكرهههههههههههههههه وبحس ان الجديد ده برده بعد فترة هكرههههههههه ولاول مرة بعترف بكره تويوتاااااااا جدا وبالتالى عربياتها كلها (ما عدا الكامرى) بس بكره الكورولا جدا وكنت بكره الايكو جداااااااااااااااااا جداااااااااااااااااااااا كان موقفى حيادى من العربيات الكورى عامة مع تشجيعى واحترامى لكيا لانها بتاخد من مازدا بس بعد بيعها لهيونداى وسيطرة جى ام الكاملة على دايو تحت علامة شيفرولية بقيت اكرهه هيونداى وحاسس انها سرقت كيا من الناس وبقرف من هيونداى وحاسس انهم حطوا زوقهم المقرف على عربيات كيا وبقيت اكرهه شيفرولية لانى بكرهها من زمان اصلا ايام ما كانت امريكية فبقيت احس انها عربيات ماسخة ملهاش اى طعم انا قولت انها اراء شاذة وعدائية محدش يزعل او يناقشنى فيها بس علشان الصراحة انا حبيت افضفض لكو كفاية كده دلوقتي انا كمان كافية ولازم الحق الفطاااااااااااار صوما مقبولا للجميع ان شاء الله ونتقابل بعد الفطار |
رد: -O( كرسى الاعتراف )O-
اية حبيبى على كرسى الاعتراف ......ptmnlo123per1136... ...طيب تعالى!!
على فكرة انا كنت عاوز اتصل بيك من بعد اتكلمنا على المنتدى اما كنت فى الاسكندرية ...بس قلت تلاقيك مشغول ولا حاجة ؟ طيب شوية اسئلة سهلين كدة ومش هتقل عليك على السريع ؟؟؟ 1-انت كنت شغال قبل كدة فى شركة c&co بتاعة النضارات؟؟ 2-انا لاحظت انك متحيز للنيسان بانواعها زى التيدا والصنى ...صحيح الكلام دة ولامجرد احساس غلط منى؟؟ptmnlo123per151 3-انا برضوا زيك بكرة التويتا كلها...مع انها ماركة محترمة واسم تثق فية بس لو افترضنا معاك 150 الف هتشترى اية فى الحدود دى ؟؟ ماذا-سيفك-لانسر اية اكس-نيسان تيدا ptmnlo123per140 ولا استرا ولا اية؟؟ولية 4-انت لية مش موافق على حكاية الاستيكرات......ptmnlo123 per113........؟؟ 5-اية اخر اخبار موضوع المجلة ووصل لغاية فين؟؟ |
الساعة الآن 01:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017