|
داخل على سمكرة ودوكو ومحتاج رأيكم
العربية إكسيل , عاوز اشدها هى فيها الآتى :
- خبطة فى الباب الامامى يمين ومردودة على البارد بس محتاج يتعاد عليها وممكن تحتاج تسخين فى حتة او اتنين - حكة فى الباب الخلفى يمين مع ترييح خفيف للداخل نتيجة اختكاك بأكسدام حديد بتاع مكروباص , ودى هتترد على البارد - الكابوت مش نافع يتسمكر والعضم سايب الصاج والسمكرى قالى ان مش هينفع يتسمكر لأنه لو اتسمكر هياخد معجون وده مع الوقت هيفرقع بسبب حرارة الموتور, يعنى هيتغير بواحد جديد - العتب الامامى يمين فى تطبيقه لجوه واخدة حوالى 50سم والسمكرى كان عاوز يغير العتبه كلها وانا رفضت وقلت لأ ردها لبره فقالى ماشى - العتب من الخلف يمين وشمال فيه برومة وتآكل وهيحتاج يقص ويلحم صاج جديد على قد البرومة - الرفرف اليمين الامامى فى برومة من اسفل وحته منه متآكلة ويحتاج قص ولحام صاج جديد - البربيز الأماى فيه مبادىء برومه على خفيف أوى من ناحية السقف وانا قلت نفك الزجاج ونعملها - البربيز الخلفى شرح الأمامى - الرفرف اليمين الخلفى فى تطبييقة خفيفه لجوه نتيجة ان واحد كان بيرجع بالعربية فالأكسدام بتاع سيادته ريح على الرفرف ويحتاج يفك فرش الشنطة ويردها على البارد - الاكسدامات فيها شغل فى شوية شروخ والاكسدام الأمامى متحاج سمكرة على خفيف فى العضم بتاعه والسمكرى قالى هاعملها - البابين الشمال كل واحد فيه نقرتين نتيجة اطفال كان بيرمزا زلط فجه فى الباب و محتاجين يتردوا على البارد ده تقريبا كل الشغل اللى فى العربية ,السمكرى عاوز يفك الصالون والفرش وكاوتش الحلوق والرفارف الأمامية ويعيد على كل حته فى العربية قبل الدهان لو فيها برومة تتعمل , يعنى عاوز يقلع العربية ملط ويشيك على كل حته فيها الخلاصة بعد كل هذا انه عاوز 1800 جنيه سمكرة بس واكرر سمكرة بس ولسه الدهان مش هيعرف هيتكلف كام الا بعد السمكرة لأن عنده فرن دهان معلش انا طولت عليكوا كده المقاولة معقولة ولا كده السمكرى واخد زيادة , انا لسه العربية معايا ايه رأيكوا وبسرعة لو سمحتوا معلش مفيش صور للعربية كمان عليها تراب كتيير فمش نافعة تتصور |
رد: داخل على سمكرة ودوكو ومحتاج رأيكم
بص انا مش عارف برضو الحالة بالظبط ايه الا على الاقل ترفعلنا صور
لكن على كلامك الموضوع هيعدى الالف جنية الى الف ونص المبلغ ده ممكن يكون كتير فعلاً بس برضو محدش يقدر يحكم اكتر من اللى شاف وعاين |
رد: داخل على سمكرة ودوكو ومحتاج رأيكم
صور ياباشا
واحنا نفيدك باذن الله |
رد: داخل على سمكرة ودوكو ومحتاج رأيكم
اقتباس:
السمكرى قالى لو عاوز تلم الدور فى شوية الخبطات دى هياخد 800 جنيه لكن لو هيشد العربية ككل المبلغ 1800 جنيه مقاولة عامة ومش هيطلب اى حاجة تانية وهو اللى هيعمل كل حاجة يعنى مثلا بطانة الابواب الاربعة فيتفكوا والمكن الكهربا بتاع الزجاج هيتشال هو اللى هيحاسب الكهربائى , الفيبر بتاع الاكسدام برضه هيعمله فيه كمان دهان مفرقع على خفيف اسفل الابواب وفى العتب نتيجة مبادءى برومة فى حاجة كمان : قالى انا ملتزم ان الشغل السمكرة كله يخلص فى اسبوع هو ممكن ينزل 100 جنيه او 200 جنيه بالعافيه لأنى عارفه مبينزلش كتيير من المصنعية |
رد: داخل على سمكرة ودوكو ومحتاج رأيكم
اقتباس:
ربنا يسهل أحاول بكره الصبح اصورها بس ازاى ارفع الصور لأن مليش فى موضوع رفع الصور |
| الساعة الآن 12:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017