|
ارجو المساعده فى اختيار بين الابيزا والبولو والجوليت
السلام عليكم ..
بعد ازنكو عاوز حد يفيدنى بجد علشان انا خلاص هاتجنن ومش عارف ارسى على حاجه ... انا معايا 45 الف كحد أقصى ... ومش عارف اجيب عربية أيه !!! هو انا عاجبنى الأبيزا والبولو والجوليت .. بس فى ناس بتقول ان الابيزا كويسة وناس تقول انها مش كويسة .. ونفس الكلام على البولو .. بس الكلام اللى سمعته عن البولو فموضوع التكييف علشان هى 1000 سي سي فبتبقى زى السلحفة والتكييف شغال ... والجوليت انا بسمع كلام كويس عنها .. بس برذو معنديش معلومات عنهم كافيه ... فياريت حد يساعدنى بجد قبل ما يحصلى حاجه :( ولو فى حاجه تانى احسن من الاتنين وفى حدود السعر ده ياريت يقولى .. شكرا .... |
رد: ارجو المساعده فى اختيار بين الابيزا والبولو والجوليت
بص يا باشا
الابيزا هى نسخه من البولو بمعنى التابلوه نفس الشكل المواتير زى بعض وتوضيح بس انت بتقول ان موتور البولو 1000 سى سى على فكره العربيه في منها 1000- 1300 - 1400 سى سى وال 1400 سى سى ده افضل حاجه فيها بيدى اداء رهيب على الطريق على عربيه بالحجم ده الدايو جوليت ميزتها ان قطع غيارها ارخص و صياناتها مش مكلفه ورخيصه جدا لانها تعتبر لانوس بس هاتشباك وتشترك فى الشكل الخارجى مع الاختلاف بس من ورا لكن التابلوه زى بعض و الموتور زى بعض تحياتى |
رد: ارجو المساعده فى اختيار بين الابيزا والبولو والجوليت
اقتباس:
بس انا برضو بعد ازنك عاوز اعرف معلومات اكتر عن التلاته من ناحية الصيانة وقطع الغيار وتوفير البنزين والاداء على الطريق ... والانسب ليا .. انا شاب 22 .. الحالة المادية متوسطة مع العلم ..... ان الإبيزا من موديل 1994 : 1999 والبولو موديل 1999 : 2000 والجوليت موديل 1999 : 2001 |
رد: ارجو المساعده فى اختيار بين الابيزا والبولو والجوليت
انا راى خليك فى الجوليت اولا موتورها 1500 سى سى وفى نفس الوقت ادائه ممتاز * موفره جدا فى البنزين * واسعه من جوه * قطه غيار متوفره و رخيصه ( نفس قطع غيار اللانوس ) * صيانتها سهله و مش مكلفه تحياتى |
رد: ارجو المساعده فى اختيار بين الابيزا والبولو والجوليت
اقتباس:
بس انا عارف انى رخم شوية وهتاقل عليك بسؤال اخير .. لو التلاته بيشدوو مع بعض على الطريق .. انهى هاتبيقى اسرع وتجميعها اعلى ؟ وبجد انا اسف انى طولت على حضرتك ..... |
| الساعة الآن 12:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017