|
الحل النهائى لصرخه الكاوتش فى الملفات
انا كنت بشتكى من فتره وخصوصا مع بدايه الحر بصوت صرخه فى الكوتش فى الملفات
وانا امبارح بشحن تكييف عربيتى فيفى 132 علشان كنت بفحص ولازم اشيل الكمبورسر علشان البصمه بتاعت الموتور المهم لقيت مركز عندنا فى طنطا جنب بتاع التكييف بيظبط العفشه بالكمبيوتر بس احهزه جديده وحاجه 10/10 وناس محترمه المهم شرحت له المشكله اهتم اووى بالمشكله وقالى دخل العربيه على الجهاز وقعدت وجات الحاجه الساقعه وبعدين ركب اجهزه على العجل وقعد يظبط يجى اكتر من ساعه والحمد لله النتيجه مرضيه تماما وممتازه وطلعت اجرب العربيه حاجه بسم الله ماشاء ثبات ايه وفى الملفات بسرعه ولا اى حاجه رغم ان حاله الكوتش مش قد كدا راكب من 3 سنين وقالى اذا احتجت اى حاجه فى العفشه احنا شغالين هنا فى العفشه كلها واى ظبط فى العفشه لازم نظبط على الكمبيوتر علشان الشغل يبقى مظبوط وجه وقت الحساب فكرت انه هيقول 100 جنيه مش اقل اتفجأت انه بيقولى الحساب 40 جنيه قالى ظبط العجله من عفشه وكمبيوتر بيتكلف 10 جنيه بس انا بينى وبينك استغربت ان فى ناس لسه محترمه زى كدا |
رد: الحل النهائى لصرخه الكاوتش فى الملفات
عنوانه فين فى طنطا يا باشا بعد اذتك
|
رد: الحل النهائى لصرخه الكاوتش فى الملفات
الحمد لله ان فى صنيعيه 10 على 10 وفعلا زوايا ال 132 مش اى حد يلعب فيها مبروك حل المشكلة :CHUBBY~36: |
رد: الحل النهائى لصرخه الكاوتش فى الملفات
طب ما تكسب ثواب فى اهالى طنطا وتنشر العنوان .
بس لو الكلام ده مجامله للراجل . اهالى طنطا مبيتفاهموش --------------------------------------- وربنا يوعدنا بصنايعية فى اسماعيلية ولاد حلال وبيفهموا . علشان انا عمرى ما لاقيت صنيعى مجمع الميزتين |
رد: الحل النهائى لصرخه الكاوتش فى الملفات
اقتباس:
أحدث جهاز لضبط الزوايا وأحسنهم وأدقهم هو بإستخدام أشعة الليزر لو عندكم كده وبالسعر ده يبقى فوق الممتاز انا بعمل الشغلانة دى فى مدينة نصر ب50 مش 40 وبالجهاز ده http://www.wseetk.com/user_images/1042167.jpg |
| الساعة الآن 04:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017