|
هل تعرضت للغش ؟؟؟؟؟
اذا كان هناك من حضراتكم من قام بشراء سيارة مستعملة من قبل ، وتعرض للغش فى أى مكون من مكونات السيارة ( الموتور، العفشة،الأوراق ....الخ ) ، يتفضل بعرض تجربتة لتقديم النصح للاخرين . كما سمعت مؤخرا أن عداد الكيلومتر يمكن تصفيره أو تقليل الرقم .. هل سمعتم عن هذا النوع من الغش؟
|
رد: هل تعرضت للغش ؟؟؟؟؟
انا عن نفسى كل الناس اللى اعرفهم اتغشوا لدرجه ان فى واحد فيهم اشترى عربية وبعد ما مشي بيها شوية العربيه اتقسمت نصفين فى مطب وطلع انها كان متركب لها نص ومش ملحوم كويس
اما عن غش التوكيل فحدث ولا حرج عندك غبور بتاع هيونداى ده الريس بتاع النصب كله ولو اعدت جنب باب التوكيل كل يوم واعطيت سيجاره لبتاع الامن هتلاقيه بيحكيلك على قصص النصب الحقيقية اللى بيشوفها بعينه كل يوم بحكم عملة فى غبور :drnk: |
رد: هل تعرضت للغش ؟؟؟؟؟
انا عن نفسى اول عربيه اشترتها فى حياتى مكشفتش عليها و خدتها و مشيت وكان سعرها غالى وكل حاجه وطبعا غيرت كل حاجه فى الكبووووووووت كله
|
رد: هل تعرضت للغش ؟؟؟؟؟
اما بالنسبه لتصفير العدادات فده عادى جدا و فى ناس كتير بتعمله تجار و ملاك و طبعا دول معندهمش ضمير
|
رد: هل تعرضت للغش ؟؟؟؟؟
عربيه فيات 125 موتورها كان البلوك بتاعه مشروخ يعني محتاجه الموتور يتغير
وا لراجل اللي باعها باع وضميره مرتاح علي الاخر المشكله اني كنت واخد سمكري وميكانيكي وكمان كانت راشه دواخل وعامله حادثه وغيرت الموتور لكن كانت عربيه وشها حلو عليا لاني كانت قاعد في البيت بدون شغل لمده 6 شهور واول ماشتريتها الحمد لله فرجت من وسع وبعتها بعد سنه ونصف وانا زعلان اني بعتها لكن كانت عايز اجيب شاهين |
| الساعة الآن 12:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017