|
صبابات فيات 132
أنا عضو في المنتدى ومتابع ويمكن ده أول موضوع ليه وهو عبارة عن استفسار
أنا اشتريت عربية 132 موديل 78 سي سي 2000 العربية بتحدف يمين قلت أظبط زوايا وبعدين رحت البنزينه وبطلت العربية قلت أدورها عشان أدخل أضبط زوايا العربية مادرتش فين وفين واحد ابن حلال قالي ده مشكلة في سير الكاتينة جبت ميكانيكي قالي أنا هاخد وبلاش على السعر استغل الظروف المهم بعد ماجاب سير الكاتينة وبلية الكاتينة كانت قفشه جاب واحده وركبها قال دي جايبه صبابات طبعاً بقولي يعني تكلفة تغيير الصبابات كام قالي بالمصنعية 600 جنيه (حرامي طبعاً) دورت على حد يقطرني ملقتش لغيت ما ربنا كرم وجه واحد قطرني مسافة متزيدش عن الثلاثمائة متر وخد خمسون جنيهاً ورحت عند الميكانيكي يوم السبت الساعة السابعة مساءً قالي بكره أجازة وهشتغل فيها يوم الاثنين طبعاً السؤال فين : أنا خايف تكون المشكلة عدت الصبابات دي حاجه الحاجة الثانية عايز أعرف تكلفة الصبابات دي كام وإيه سبب احتراقها . أنا آسف على الإطالة وشكراً لكل من سيدلني على النصيحة |
رد: صبابات فيات 132
اولا الصبابات مش بتتحرق الصبابات بتتعوج بس نتيجة لان السير اتقطع او خلف والبستم ضرب الصباب فنتيجة انة بينتنى
ندخل بقى فى الاسعار طقم الصباب بـ 90 جنية طقم جلد الصباب بـ 30 جنية وطبعا الخراط هايعمل رودية وممكن كمان قواعد للصبابات نقدر نحصر تكلفة الخراط فى حدود 200 جنية وحضرتك هاتجيب جوان وش سلندر بـ 15 جنية و2 جوان وش تقسيمة 10 جنية والميكانيكى هياخد 70 جنية بس لى نصيحة عندك خلى الميكانيكى فك وتركيب بس ...........يعنى ما يدخلش طرف بينك وبين الخراط بعد اما يفكة اسالة عاوزنى اودهولك عند مين ويوصفلك الخراط وحضرتك اللى تودية وتفضل على ايدة لغاية اما يخلصة وتحاسبة وتروح بية للميكانيكى يركب عشان يبقى حصرت الميكانيكى وميعملش عليك شغل تقبل مرورى |
رد: صبابات فيات 132
انا موافق على كلام حضرتك جدا ...
|
رد: صبابات فيات 132
اقتباس:
|
رد: صبابات فيات 132
اقتباس:
معذرة |
| الساعة الآن 01:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017