A113 بتقطع مني علي الاول والتاني
 

السلام عليكم يا شباب، انا عايز اسألكم علي حاجة وياريت اللي عارف يرد ويساعدني..

انا معايا A113 والعربية بتقطع مني وانا ماشي علي الاول والتاني، وساعات علي التالت، وعداد السرعة بيفصل (بيبقي علي الزيرو حتي لو انا ماشي علي الخامس) - واول ما عداد السرعة يشتغل تاني التقطيع بيروح !! اول حاجة جت في بالي اني اغير البوجيهات - خصوصا اني كان بقالي فترة مغيرتهاش - فعلا غيرتها بس التقطيع لسه موجود، مش عارف فين المشكلة، فيه ناس بتقولي اغير طقم السلوك بتاع البوجيهات وناس تقولي اسطوانة دبرياج وسمعت كلام كتير....يا ريت لو حد عارف يفيدني يا شباب، علشان مش عايز اروح لميكانيكي ويشتغلني

وشكراً

رد: A113 بتقطع مني علي الاول والتاني
 

شد السويتش الى موجود فوق دواسه الدبرياج للاخر لانه بيرد من كتر استخدام الدواسه
الموضوع ده معروف فى 113 و التيجو

رد: A113 بتقطع مني علي الاول والتاني
 

متابع ب اهتمام

رد: A113 بتقطع مني علي الاول والتاني
 

فعلا ده اكتر حاجة تشك فيها بيسموه حساس الدبرياج طلعه بايدك تانى لبره على الاخر
و ده لينك الموضوع دوس عليه
http://www.masrmotors.com/vb/showthread.php?t=66769

و هل فعلا المشكلة مرتبطة دايما ب توقف عداد السرعة ؟
و اختفاء المشكلة مع عودة عداد السرعة ؟
لان لو مش بسبب حساس الدبرياج فممكن تكون ال a113 مزودة بحساس سرعة و يكون مخرف ؟
هذا و الله اعلم

رد: A113 بتقطع مني علي الاول والتاني
 

شكرا استاذ alialola واستاذ احمد علي سرعة الرد، هو فعلا الموضوع مرتبط بعداد السرعة، اول ما ينزل علي الزيرو العربية تبدأ في التقطيع، اول ما يشتغل عادي العربية تشتغل عادي (بس انا بصراحة معرفش مين مرتبط بمين، يعني معرفش العربية بتقطع علشان عداد السرعة بيقف ولا عداد السرعة بيقف علشان العربية بتقطع !!!!)...بس علي العموم انا هاحاول في موضوع السويتش بتاع الدبرياج ان شاء الله وهتابع معاكم