لازم احكي ... مصيبة حصلت انهاردة
 

معلش استحملوني هحكي بالتفصيل

انهاردة الضهر كده كنت نايم و صحيت ملقتش العربية ... طلع ان اخويا اخدها عشان يزودلي زييت الباور ( انا كنت قايله انه ناقص و عايز يتزود ) ... لقيته بيتصل بيا بيقولي انا عند بتاع الزيت و بيقول ان فيه نوعين واحد موبل و التاني مش فاكر اسمه كده ... المهم قالي موبل ب 25 جنيه و التاني ب 8 جنيه ... قولتله لا هات الموبل

و قفلت معاه و نمت تاني ... بعدها بشوية رجع من برا لقيته بيقولي افرح يا عم ظبطلك العربية ... سألته انت عملت ايه

قالي ظبطلك زيت الباور زي ما انت عايز ... و كشف على زيت الفتيس لقاه ناقص و عايز يتزود فزوده ( هو قالي الجملة دي و انا يكاد يكون اغما عليا :O )

ملحوظة : عربيتي لانسر بومة 2007 اوتوماتيك لسه شاريها مستعملة من اسبوع و عاملة 44 الف كيلو ... و صاحب العربية قالي متغيرش زيت الفتيس غير عند 80 الف كيلو

انا اول ما سمعت من اخويا الجملة دي صرخت فيه و قولتله زيت الفتيس ايه ده اللي بتاع الزيت غيره ؟؟؟؟؟ ( انا قريت هنا انه مينفعش يتغير غير في التوكيل و بيتعمل بجهاز معقد كده و تمنه فوق ال 300 جنيه )

المهم قولتله عمل ايه المجنون ده ؟ قالي ولا حاجة متخفش هو شاف المقاس لقاه ناقص ... قام جاب نفس ازازة الزيت اللي حط منه في الباور ابو 25 جنيه و زوده على زيت الفتيس

مش هكدب عليكوا ... انا تقريبا جالي سكتة قلبية بعد ما سمعت الجملة دي

و استفسرت منه اكتر ... قالي انه كمان مصفاش الزيت القديم ولا في الباور و لا في الفتيس ... يعني زود على القديم

و بيقولي العربية شغال معملتش مشاكل معاه و هو راجع

نزلت بصيت على ازازة الزيت اللي زوده على الباور و على الفتيس

لقيته مكتوب عليه زيت موبل ... لناقل الحركة الاتوماتيك


حد يفهمني ايه الهبل بقى اللي حصل ده ؟؟ و كده اودع الفتيس و لا اللي اتعمل ده صح ؟؟؟

رد: لازم احكي ... مصيبة حصلت انهاردة
 

انا مش فهم حاجة يعني هو حط زيت التيس في الباور برده ؟؟!!!!!:12B1B3~136:
"قام جاب نفس ازازة الزيت اللي حط منه في الباور ابو 25 جنيه و زوده على زيت الفتيس"
"لقيته مكتوب عليه زيت موبل ... لناقل الحركة الاتوماتيك"

رد: لازم احكي ... مصيبة حصلت انهاردة
 

ايوة و الله زي ما بقولك كده ... زيت الباور ابو 25 جنيه كان مكتوب عليه زيت موبل ناقل الحركة الاوتو ... و هي نفس الازازة اللي زود بيها زيت الفتيس ... و بكرة الصبح اصورهالك لو عايز

رد: لازم احكي ... مصيبة حصلت انهاردة
 

...........
معلومة و حقيقة اتعامل معها بكل تأكيد .. عربيتى اتوماتيك و باور برضه ...

المعلومة : زيت الفتيس هو اللى بيتحط ف الباور .. نفس هو هو .... الزيت الاحمر ...

بيتهيألى انه معملش بلوى ... زيت ناقص و اتزود ... تابع عربيتك و وقفها ف حتة انت باصص على ارضها ... بص الاول و بعدها وقف العربية .. و تابع و اتاكد ان مفيش حاجة بتخر او جوانات بتسيل و ان خراطيم علبة الدريكسيون تمام ... و سليمة ان شاء الله .. تابع العربية و انسى اللى اتعمل .. عادى جدا اللى اخوك عمله ..
و بالتوفيق و ابقى طمننا عليك :Bravo:

رد: لازم احكي ... مصيبة حصلت انهاردة