|
هل دواسات اللوجان طرية ؟ ولا ناشفة على القدم ؟
هل دواسات اللوجان طرية ؟ ولا ناشفة على القدم ؟ علشان أنا عندى لادا .. وتقريباً بوظت لى رجلى .. ممكن حد يقولى خبرته فى الموضوع ده ؟ بدل ما أجيبها وأضطر أغيرها بعد شوية تحياتى |
رد: هل دواسات اللوجان طرية ؟ ولا ناشفة على القدم ؟
متقلقش يا غالى .. دواسات اللوجان ناعمة ومفيش منها مشاكل ..
لكن علشان اكون دقيق معاك برضو .. دبرياج اللوجان ميكانيكى مش هيدروليكى (على واير يعنى مش على زيت) وده بيخليه تقيل حبه (لكن بالمقارنة بالادا .. اكيد مفيش اصلا وجه مقارنة) ... اما بقى دواسة الفرامل اكتر من ممتازة .. واستجابتها رائعة وبتديلك ثقة جامده وانت ماشى بالعربية ... دواسة البنزين حلوة بس بتحس فيها زنة الموتور وممكن تضايقك حبه فى الاول .. بس مع التعود مفيش مشكلة (وبما انك هتنزل من لادا ممكن اوى متحسش اصلا بالحكاية دى) ... برضو بالمره فى حاجة عاوز انبهك ليها .. وهى الباور بتاع اللوجان .. هو باور تقيل حبتين .. وممكن اقول عليه اتقل باور ستيرنج اتعاملت معاه .. بس شغال مش وحش اوى .. وفى السرعات العالية بيبقى اكتر من ممتاز ... توكل على الله وباذن الله مش هتندم ... |
رد: هل دواسات اللوجان طرية ؟ ولا ناشفة على القدم ؟
اخى الكريم فى حل لتقليل الاحساس بنشوفية البدالات فى لادا
وخصوصا الدبرياج لو نزلت عزبة شلبى هاتجيب مجموعة البدلات ( فرامل + دبرياج ) بالقطمة الحديد اللى بتمسكهم بـ 50 جنية وتزيت المسمار الطويل اللى ماسك محاور الحركة وتعتمد على الله وتركبهم وتاخد هوا للماستر الرئيسي والفرعى للدبرياج هتلاقى الدبرياج سهل جدااااااا ودة وعد منى فى حالة ان الدسك عندك سليم |
رد: هل دواسات اللوجان طرية ؟ ولا ناشفة على القدم ؟
و الله كلام حلو عن اللوجان
بس برده الكلام لو صح عن الادا ممكن يتجرب بدل ما تبيع و تخسر فيها بس برده دة يرجع لتفضيلك انت |
رد: هل دواسات اللوجان طرية ؟ ولا ناشفة على القدم ؟
اقتباس:
|
| الساعة الآن 03:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017